Сэтгэл судлаачид анхааруулж байна: хүүхдийн гарт байгаа ухаалаг гар утас таны төсөөлж байснаас ч их хор хөнөөлтэй!

52
0
35,970

Өнөөдөр эцэг эхчүүд гар утасны хүүхдэд үзүүлэх сайн болон саар нөлөөний талаар их бодох болжээ. Яагаад гэвэл уг ухаалаг төхөөрөмжийн хэрэглээ улам бүр ихсэж байна. Орлого доогуур гэгдэх гэр бүлийн хүүхдүүд ч гэсэн өөрийн гэсэн ухаалаг гар утастай байдаг болжээ.

Нэг талаасаа ухаалаг төхөөрөмж хүүхдийн мэдлэгийг өргөжүүлж байна, мэдээллийн эх сурвалж авахад тусалж байна, мөн харилцаа холбоог бүхий л талаар нь дэмжиж байна. Гэхдээ нөгөө талаас харахад, хүүхдүүдийг бодит амьдралаас тусгаарлаж байгааг анхаарах хэрэгтэй. Мөн хар тамхинд донтох донтолтын адил ухаалаг төхөөрөмжинд донтож байна. Тэр ч бүү хэл “цахилгаан кокаин”, “тоон героин” гэх нэр томьёонууд ч шинээр үүсжээ.

Ялангуяа хүүхдүүд хэрцгий үйл явдалтай тоглоомд донтож байгаа нь хамгаас их түгшээж байна.

Хүүхэд ухаалаг төхөөрөмжийнхөө дэлгэцийн өмнө хэдэн цагийг өнгөрөөж байгаагаас шалтгаалж хэдий хэр гүн донтож байгааг нь тодорхойлох боломжтой. Судалгаанаас харахад 8 наснаас 18 хүртэлх насны хүүхдүүд өдөрт ойролцоогоор 7,5 цаг ухаалаг төхөөрөмжийн дэлгэц ширтэн өнгөрөөж байна.

Энэ 7 хоногийн хамгийн их уншсан мэдээллүүдийг үзэх үү? 😃


Тэгье, мэдээ үзэх

Сургуулийн өмнөх насны хүүхдүүдийг гадаа тоглуулаад бага ч гэсэн дэлгэцээс холдуулж чадаж байгаа бол 7 наснаас хойш гадаа тоглуулахад улам л хүнд болно. Тэд гэртээ суугаад компьютер эсвэл ухаалаг утсаараа тоглохыг илүүд үзэх ажээ.

Энэ мэт сөрөг хэв маяг юунд хүргэх вэ? Сэтгэл судлаачид хүүхдэд дараах сөрөг үр дагаварт хүргэнэ гэж анхааруулж байна:

  • 5 хүртэлх насны хүүхдүүдийн хувьд эцэг эхтэйгээ амьд харилцаагаа гээснээр анхаарал төвлөрөл нь муудах, сэтгэн бодох чадвар нь удаашрах, сурах чадвар нь муудах зэргээр нөлөөлнө
  • Ярих чадвар муудна
  • Эрүүл агаарт хөдөлгөөнтэй тоглоом дутагдсанаас болж биеийн хөгжил муудна, тархины үйл ажиллагаа удааширна
  • Нойрны асуудлууд гарч ирнэ
  • Сургалтанд муугаар нөлөөлнө
  • Хэрцгий, хурц, ширүүн ааштай болно
  • Сэтгэл зүйн асуудлууд гарна (хүүхдийн депресс, айдас, түгшүүр, биеэ авч явах асуудлууд)
  • Утас, таблетыг нь хурааж авахад уурлаж уцаарлана

Хэрвээ таны хүүхдэд дээр дурдсан шинж тэмдгүүдээс нэг нь ч болов илэрсэн бол та нэгийг бодох цаг болсныг анхааруулж байна. Таны хүүхэд ухаалаг төхөөрөмжид донтсон гэж үзвэл яаралтай арга хэмжээ аваарай. Эцэг, эх болсны үүрэг хариуцлагыг та хүлээх ёстой – хүүхдийнхээ эрүүл мэнд, сайн сайхны төлөө та бүгдийг хийх ёстой хүн.

22
ГоёГоё
9
ХарамсалтайХарамсалтай
6
БурууБуруу
4
Ха ХаХа Ха
3
ТэнэглэлТэнэглэл
3
ГайхмаарГайхмаар
3
ХөөрхөнХөөрхөн
0
БахархмаарБахархмаар
Баярлалаа!

Фейсбүүк сэтгэгдэл

52 Сэтгэгдэл

  1. Bayarmaa Natsagdorj

    Bayarmaa Natsagdorj

    2019/01/18 at 19:50

    Яана вэ

  2. Badral Sharnuud

    Badral Sharnuud

    2019/01/20 at 23:36

    Iimherhu ymr ch heregtseegui zuiliig bitgii uugshuulj bai unfollowed

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.