Махан ургацгийг гэрийн нөхцөлд ул мөргүй арилгах ардын уламжлалт аргууд

Махан ургацаг/папиллом – арьсан дээр гарсан хоргүй хавдар хэмээгддэг. Цайвраас авахуулаад хар бор өнгөтэй ч байна, зөөлөн болон хатуу зэрэг бүтэцтэй.

Махан ургацаг гарах шалтгаан – хүний папиллом вирус. Уг вирус нь халдвартай хэмээгддэг. Бэлгийн болон ахуйн замаар халдварлана – гар барих, олон нийтийн газар, мөн бусдын ариун цэврийн хэрэгслээр ч халдварладаг. Үүнээс гадна арьсны микро гэмтлүүд ч нөлөөлдөг: үрэгдэх, хагарах, шарх зэрэг болно.

Хэрвээ эмзэг эрхтний орчим махан ургацаг гарсан бол заавал эмчид хандан үзүүлэхийг зөвлөж байна, жишээ нь – нүүр, нүд орчмоор гарсан бол анхаараарай. Бусад тохиолдолд гэрийн нөхцөлд махан ургацгийг авах онцгой эмчилгээ байхгүй ажээ.

Бие даан эмчилгээг эхлэхээс өмнө гоо сайхны эмчтэй заавал зөвлөх нь зүйтэй – зарим нэг тохиолдолд махан ургацгийг байгаа чигээр нь үлдээсэн нь дээр байдаг. Яагаад гэвэл ихэнх махан ургацаг өөрөө жижгэрч унах хандлагатай ажээ. Энэхүү нийтлэлээр гэрийн нөхцөлд махан ургацгаас хэрхэн салах аргыг танд танилцуулах болно.

Махан ургацгийг хэрхэн арилгах вэ?

Ардын эмчилгээ

1. Шүүдэргэнийн шүүс

Магадгүй хамгийн түгээмэл арга болов уу? Шүүдэргэнийн цэвэр шүүсээр махан ургацгийг унагаах эмчилгээг эрт дээр үеэс хийдэг байжээ. Махан ургац гарсан хэсгийн арьсыг гэмтэхээс хамгаалж хүүхдийн тос түрхэнэ. Махан ургац дээрээ 2-3 цаг тутамд шүүдэргэнийн цэвэр шүүсээ түрхээд хаттал нь оролдох хэрэггүй. Ингээд махан ургацаг унатал байнга түрхээрэй.

2. Төмсний шүүс

Махан ургацаг гарсан хэсгийг төмсний шинэхэн шүүсээр арчиж болно. Өдөрт 2-3 удаа төмсний шүүс түрхэнэ. Долоо хоногийн дараа гэхэд үр дүнг та мэдрэх ажээ. Ургацаг багастал эсвэл бүрэн унатал түрхсээр байна.

3. Е амин дэм

Өдөрт 2-3 удаа арьсны асуудалтай хэсэгт Е амин дэмийн тос түрхээрэй. Үр дүнг 1-2 долоо хоног хүлээх хэрэгтэй болно. Илүү өндөр үр дүнд хүрэхийг хүсэж байгаа бол тосон Е амин дэмийг сармистай хольж хэд хоног хандалсны дараа түрхэнэ.

4. Багваахай цэцгийн ханд

Хэрвээ зуны цагаар махан ургацаг гарсан бол та багваахай цэцгийн хандаар эмчилж болно. Саванд дүүрэн багваахай цэцэг хийгээд Тройной одеклолон хийгээрэй. Хоёр долоо хоног харанхуй газар хандалж орхино. Уг хандыг өдөрт 5 удаа махан ургац бүрэн унатал дээр нь түрхээрэй.

5. Цагаан гаа

Цагаан гаагаар махан ургацгийг хэрхэн эмчлэх вэ? Түүхий цагаан гаагаар махан ургацгийг арчина. 2 долоо хоног орчмын дараа ургацаг хэмжээгээр жижигрэх бөгөөд эцэст нь унах ажээ.

6. Цайны модны тос

Чийгтэй хөвөн дээр цайны модны 2-3 дусал тос дусаагаад махан ургацгаа зөөлөн арчаарай. Өдөрт 3 удаа арчих бөгөөд 10 хоногийн дараанаас ургацаг өөрөө унана.

7. Алимны уксус

Уг эмчилгээг хийхээс өмнө эхлээд махан ургацаг гарсан хэсгийн арьсыг хамгаалж ургамлын тос түрхсэн байна. Хөвөнд алимны уксус шингээгээд ургац дээрээ тавиарай.

Дээрээс нь шархны лент нааж 30 минут байлгана. 6-7 цагийн дараа эмчилгээг давтана. Мэдэгдэхүйц үр дүн 5 хоногоос ажиглагдана.

8. Нимбэгийн шүүс

Нимбэг нь нимбэгийн хүчил агуулдаг бөгөөд махан ургацгийн эд эсийг задлах байдлаар үйлчилгээ үзүүлдэг. Хөвөнд нимбэгийн шүүс шингээгээд ургацтай хэсэг дээрээ тавиад хатаана. Өдөрт хоёр эсвэл гурван удаа 2-3 долоо хоногийн турш ургацаг бүрэн унатал эмчилгээг хийнэ.

9. Хахууны тос

Хахуун нь нян болон үрэвслийн эсрэг үйлчилгээгээрээ алдартай. 2-3 дусал хахууны тосыг 4-6 дусал далдуу модны самрын тостой холино. Холимог тосыг ургац дээрээ түрхэнэ. Өдөрт гурван удаа эмчилгээг хийх хэрэгтэй. Махан ургацаг аажимдаа хатаж унана.

Хэрвээ махан ургацгийг ул мөргүй арилгахаар шийдсэн бол зөвхөн гадуур эмчилгээ тус болохгүй. Юуны түрүүнд өвчний эх сурвалжийг тогтоож эмчлэх ёстой. Үүний тулд эрүүл мэндээ сайжруулах, дархлаагаа дэмжих ёстойг анхаараарай.

25

Хөөрхөн

10

Гайхмаар

9

Гоё

8

Тэнэглэл

6

Буруу

4

Ха Ха

3

Бахархмаар

3

Харамсалтай

Баярлалаа!