Samsung-ийн ухаалаг гар утастай хүмүүсийн хувьд компьютер руугаа нэвтрэх нууц үгийг заавал оруулах шаардлагагүй болжээ. Хуруугаа мэдрэгчтэй сенсор дээр тавихад л хангалттай.
Samsung Flow аппликейшнд Windows Hello-г дэмжсэн үйлдэл бий. Уг функцийг Galaxy S6, S7 болон S8 ухаалаг утаснууд дэмжинэ.
Уг функцийг ашиглахыг хүсвэл Samsung Flow аппликейшнийг суулгаад комьютертэйгээ Bluetooth-ээр холбогдоорой. Дараа нь Windows-ийн Пин-кодыг хийж хуруугаа ухаалаг гар утасныхаа дэлгэц дээр тавина.
Үүнээс гадна гар утсан дээр ирсэн мэдээллийг компьютер дээрээ харах боломжийг Samsung-ийнхан олгож байна. Урьд нь зөвхөн Samsung-ийн компьютер л болдог байсан бол одоо Windows 10 үйлдлийн системтэй бүх компьютер дээр ажиллана.
Samsung Flow-ийг сайжруулах ажил удахгүй дууссанаар бүх хэрэглэгчдэд боломжтой болно. Таны хийх ажил бол Windows 10-ын сүүлчийн хувилбарыг компьютертээ суулгах л үлдлээ.
|
||
|