“Монгол улс 700 орчим хориглосон үгсийн жагсаалтыг гаргаж, онлайн мэдээ мэдээллийн салбарт эрс арга хэмжээ авлаа.” Энэ бол олон улсын технологи болон бизнес, соёл урлагийн мэдээллийн эх сурвалж The Next Web-д тавигдсан нийтлэлийн гарчиг. Сар бүр 6 сая орчим хуудас үзэлттэй байдаг, интернэт дэх хамгийн нөлөө бүхий 15 блогийн нэгээр тогтмол нэрлэгддэг The Next Web сайтад Монгол улсын цахим ертөнцтэй холбоотой ямар нийтлэл тавигдсан юм бол?
Нийтлэлд ийнхүү бичжээ.
“Азийн интернэт хяналт Хятадаар хязгаарлагдахгүй байна. Хятадтай хил залгаа Монгол улс 700 орчим хориглосон үгс бүхий шинэ хар жагсаалтыг гаргаж, онлайн мэдээ мэдээллийн салбарт төмөр нүүрээ харуулж байна. Хэрвээ энэ жагсаалтанд дурдсан үгс ямар нэгэн вэбсайтад бичигдсэн байвал хэрэг асуух, сайтыг хаах хүртэл арга хэмжээ авах аж. Тус улсын мэдээний Shuum сайтад нийтлэгдсэн энэхүү жагсаалтанд Орос, Хятад, Англи үгсийн цуглуулгууд багтсан ба ‘өгзөг, там, согтуу, новш’ гэх мэтийн бүдүүлэг үг хэллэг, түүний буруу бичигдсэн хэлбэрүүд багтжээ.
Монголын засгийн газрын эрс арга хэмжээний талаар тус оронд байдаг Австралийн сэтгүүлч Lisa Gardner өөрийн блогт онцлон бичихдээ:
“Монголд шүүмжлэлийн болон үнэн шударга мэдэгдлийг байнга хязгаарлаж хардаг ноёлогч этгээдүүдийн нөлөө хэвлэл мэдээллийн салбарт ихээхэн төвлөрсөн байдаг. Сэтгүүлчид нь ихэвчлэн хуурамч гүжигдлэг, гүтгэлгээр ял эдлэхээс айж, авилга хээл хахуулийн хэргийг илчлэлгүй орхидог.“
Gardner цааш нь “Монголын хууль сэтгүүлчдийн үг хэлэх чөлөөг анхааралдаа авч, засгийн газрын шууд хязгаарлалтыг хууль бус гэж заасан байдаг ч гүжирдлэг бол үнэхээр Монголд байдаг зүйл, хэвлэл мэдээллийн компанийг худалдан авч дарамт учруулан хяналт тавих, аль нэг талыг дэмжих нь бий.” хэмээн тайлбарласан байна.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
