Жил бүр Калифорний Монтерей хотын газар нутагт сонгодог загварын машинуудын цугларалт болдог. Энэ бол бүтэн долоо хоног үргэлжилсэн Пеббл Бич Конкоурс д’Элеганс /Pebble Beach Concours d’Elegance/ автомашины буяны үйл явдлын хаалтын үйл ажиллагаа юм. Ойролцоогоор 15,000 оролцогчид оролцдог энэхүү фестивалийн энэ жилийн үйл явдлын нээлтийн үеэр Германы тансаг зэрэглэлийн автомашин үйлдвэрлэгч Гурван том /German Big 3/ компаний нэг болох BMW компани өөрийн супер машинуудын залгамжлагчдын дүр төрхийг илтгэсэн шинэ хоёр хаалгатай 4-цувралынхаа концепци загварыг олноо харуулжээ. 2014 оны 1-р сард болох Детройтын авто шоунаа үйлдвэрлэлийн хувилбар нь тавигдах энэхүү М4 загвар нь хоёр хаалгатай М3 загварын үргэлжлэл бөгөөд бараг дуусах шатандаа орчихоод байгаа аж. Одоогоор М4-ийн арьсан доор ямар ‘араатан’ хүрхрэхээр зэхэж байгаа нь тодорхойгүй ч мэргэжилтнүүд 335i, 435i зэрэг загваруудад тавигдсан N55 хөдөлгүүрийн илүү хүчирхэг садан болох 3.0 литрийн багтаамжтай S55 хөдөлгүүр байж магадгүй гэж таамаглаж байгаа юм.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
