Дэлхийн хамгийн залуу арван тэрбумтан

0
0
15,271

Дэлхийн хамгийн залуу арван тэрбумтанЯмар нэгэн төрлийн ажил, бизнес эрхэлж орлого олж эхлэхээс эхлээд оюун санаанд орж ирдэг нэг зүйл бол улам ихийг хийж, улам ихийг олох байдаг. Хэдийгээр хүн бүхэн тэрбумтан гэж хэлж чадах ч 35 нас хүрээгүй байхдаа тэрбумтан хэмээн нэрлэгдэж, тэрбумаар тоологдох хөрөнгөтэй болсон цөөхөн хэдэн хүн байдаг ба тэдний олонх нь амандаа алтан халбага зууж төрөөгүй, харин өөрсдийн шаргуу хөдөлмөр, ухаалаг араншин, сэргэлэн овсгоотой зан чанараар энэ амжилтанд хүрсэн юм. Нэг хөгжилтэй гэмээр зүйлийг хэлэхэд эдгээр хүмүүсийн олонх нь тэрбумд хэдэн тэг байдгийг ч мэдэхгүй байхдаа тэрбумтан болохыг хүсэж байсан байна.

10. Роберт Пера /Robert Pera/
Эпплийн техник хангамжийн инженер байсан Роберт Пера нь Ubiquity Networks-ыг үүсгэн байгуулагч, удирдах зөвлөлийн гишүүн. Түүнчлэн Америкийн үндэсний сагсан бөмбөгийн холбоо ч бас түүний эзэмшилд байдаг. Сүүлийн хоёр жилийн хугацаанд түүний хөрөнгийн үнэлгээ тогтвортой биш байгаа ч 36 настай энэ эрхэм 1,95 тэрбум долларын хөрөнгөтэй гэсэн тооцооллыг одоо гаргаад байгаа юм.
9. Айман Харири /Ayman Hariri/

Ливаны ерөнхий сайд асан Рафик Хариригийн том хүү Айман Харири эцгийгээ алуулсны дараагаас эхлэн дэлхийн хамгийн том барилгын компаниудын нэг болох гэр бүлийн бизнес Сауди Огерыг ажиллуулах болсон. Турк Телеком болон Дундад дорнодын банкны томоохон хувийг эзэмшдэг 35 настай энэ эрхмийн хөрөнгө 1,35 тэрбумаар тоологдоно.
8. Шон Паркер /Sean Parker/

Дэлхийн хамгийн том олон нийтийн харилцааны сайт Фейсбүүкийн анхны ерөнхийлөгч байсан Шон Паркер нь тус компаний цар хүрээг олж харсан учир Фейсбүүкт хөрөнгө оруулах хөрөнгө оруулагчдыг авчирсан анхны хүн юм. Марк Цукербергийн хэлснээр Фейсбүүкийн эхний жилүүдийн ноён нуруу нь Шон Паркер байсан ба 34 настай энэ залуу 2 тэрбум долларын хөрөнгөтэй.
7. Фахд Харири /Fahd Hariri/

Фахд Харири бол энэхүү жагсаалтанд багтсан Айман Хариригийн бага дүү. Орос, Европ, Франц болон төрөлх Ливандаа олон тооны үл хөдлөх хөрөнгөтэй ч үл хөдлөх хөрөнгийн хаан гэгддэг байсан эцгийгээ бусдын гарт үрэгдсэнээс хойш Ливанд дахин очоогүй юм. Ердөө 33-хан настай энэ залуу эр эцгийнхээ үйл хэргийг үргэлжлүүлж яваа ба 1,35 тэрбум долларын хөрөнгөтэй хэмээн үнэлжээ.
6. Янг Хуйяан /Yang Huiyan/

Энэхүү жагсаалтанд багтсан цорын ганц хятад хүн болох энэ эмэгтэй Хятадын хамгийн баян эмэгтэй юм. Сүүлийн хоёр жилийн хугацаанд түүний хөрөнгийн 2/3 нь гэр бүлийн бизнест хөрөнгө оруулалт болсон ба 33 настай энэ эмэгтэй 7,2 тэрбум долларын хөрөнгөтэй аж.
5. Эдуардо Саверин /Eduardo Saverin/

Фейсбүүкийг үндэслэсэн таван хүний нэг болох энэ эрхэм зарим нэгэн үл ойлголцол, хувийн мөргөлдөөний улмаас Фейсбүүкийг орхиж, шүүхийн хэмжээнд ярилцсан удаа бий ч одоо 32 настай энэ залуу 2,65 тэрбум долларын хөрөнгөтэй юм.
4. Скотт Дункан /Scott Duncan/

Тэрбумтан гэр бүлийн удам угсаа Скотт Дункан эцгийнхээ үхлийн дараа 3,1 тэрбум долларын хөрөнгө өв залгамжлан авсан ба тэрээр видео тоглоомын үйлдвэрлэлийн ертөнцөд зэгсэн алдартай юм. 31 настай энэ залуугийн хөрөнгийн хэмжээ одоогоор 5,5 тэрбум доллараар тоологдож байна.
3. Альберт Фон Турн Унд Таксис /Albert Von Thurn Und Taxis/

Чинээлэг гэр бүлийн өв залгамжлагч энэ эрхэм үл хөдлөх хөрөнгийн зах зээлд хүч үздэг бөгөөд 30-хан настай хэдий ч 1,5 тэрбум долларын хөрөнгөтэй.
2. Марк Цукерберг /Mark Zuckerberg/

Бага байхаасаа л компьютерын донтон байсан түүнд 2004 оны 2-р сарын 4-нийг хүртэл ямар нэгэн санаа оноо байсангүй. Дэлхийн хамгийн залуу тэрбумтнуудын жагсаалтын хоёрт бичигдэж байгаа 29 настай залуу эр 19 тэрбум долларын хөрөнгөтэй юм.
1. Дастин Московиц /Dustin Moskovitz/

Дэлхий дээр 1500 гаруй тэрбумтнууд бий. Тэдний дундаас хамгийн залуу нь Дастин Московиц юм. Фейсбүүкийн анхны таван ажилтнуудын дунд багтдаг энэ залуу эр Марк Цукербергээс 8 хоногийн дүү бөгөөд Харвардын их сургуульд суралцаж байх үедээ Марк Цукербергтэй нэг өрөөнд амьдардаг байв. Дастин Московицын хөрөнгийг 3,5 тэрбум гэж үнэлжээ.
0
ГоёГоё
0
Ха ХаХа Ха
0
ХөөрхөнХөөрхөн
0
ГайхмаарГайхмаар
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.