Apple-ийн App Store-ийн 5 жилийн ой энэ жил тохиосон. Интернэт дуудлага худалдааны eBay сайт iPhone ухаалаг гар утас эзэмшигч 200 хүнээс хайртай гар утасныхаа ямар нэгэн аппликейшныг хэрэглэхгүйгээр 4 хоног байвал яах вэ гэсэн сонирхолтой судалгааг явуулжээ. Гэтэл маш гайхмаар үр дүн гарсан байна. Оролцогчдын 1/3 нь 4 хоногийн хугацаанд юу ч хийж чадахгүй байсан гэсэн бол дийлэнх хувь нь сэтгэл хангалуун бус байсан гэсэн ба оролцогчид бүгд өдөрт дор хаяж 30 минутыг гар утсаа оролдож өнгөрүүлдэг болохоо мэдэгджээ. Энэ мэтчилэн олон сонирхолтой дүгнэлт судалгааны эцэст гарсныг дараах инфографикт тодорхой дүрсэлсэн байна.
Хамгийн түгээмэл хэрэглэгддэг аппликейшнууд нь олон нийтийн сүлжээ, зураг шейрлэх, нэвигейшн /navigation/, цаг агаар байв. Аппликейшнууд үгүй болвол таны сэтгэл санаанд хэрхэн нөлөөлөх вэ гэсэн асуултын хариу нь “Би үнэхээр хүчин мөхөс, цаг үеийн мэдээлэлгүй болсноо мэдэрсэн.”, “Үнэнийг хэлэхэд хов хоосон, хамгаалалтгүй болсон юм шиг санагдсан.”, “Энэ 4 хоногийн хугацаанд би яг л төөрчихсөн юм шиг байсан, харин эргээд аппликейшн ашиглаж эхлэхэд би өөрийгөө үнэхээр амгалан тайван болсноо мэдэрсэн.” гэсэн байв. Оролцогчдод аппликейшнаа ашиглах зөвшөөрөл өгөх үед тэдний 55 хувь нь илүү сэтгэл хангалуун болсон бол 40 хувь нь илүү бүтээлч болж, 39 хувь нь тайвширч, 32 хувь нь сэтгэл санааны уналтнаас гарчээ. Аппликейшнгүй өдрүүд өдөр тутмын амьдралд нь хэрхэн нөлөөлснийг асуухад мөн л өөрийгөө төөрчихсөн байгаа мэтээр, хоосон болсон мэтээр мэдэрсэн гэсэн хариултууд байсан байна. Аппликейшнуудыг эргүүлэн өгөх үед оролцогчдыг хамгийн их хийсэн үйлдлүүдээр нь жагсаавал, 49% нь зураг авах болон бичлэг хийж шейрлэсэн бол 48% нь мэдээ уншиж, 22% нь мөнгөө тооцоолж, 23% нь найз нөхөд, гэр бүлийнхэнтэйгээ уулзаж, 21% нь шоппинг хийж, 12% нь дасгал хийж, 12% нь хооллож, 5% нь болзоонд явсан гэсэн үйлдлүүдийг хийжээ.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
