MS-DOS-ын компьютерын вирус

Нийтлэгч: Лука

Огноо: 2013/10/28

Total0
0

ХХ зуун бидэнд компьютер хэмээх зүйлийг танилцуулсан ба энэ нь үнэхээр сайн зүйл юм гэж бид хүлээж авсан. Мөн ХХ зууны бидэнд танилцуулсан бас нэгэн зүйл бол компьютерын вирус бөгөөд энэ нь компьютерын хувьд хэр муу зүйл болохыг бид харсан. Нэг талаар энэ вирус нь компьютерт харшлах боловч нөгөө талаар компьютерын системийн хөгжилд хувь нэмрээ оруулдаг. Учир нь эдгээр вируснууд байснаар компьютерын цаашдын хөгжлийг дэмжиж, илүү найдвартай хамгаалалтын программ, үйлдлийн систем бүтээгдэх, хөгжих үндэс нь болж байдаг.

Эльвира /Elvira/ вирусыг Францын программист Спанска /Spanska/ найз бүсгүй рүүгээ илгээсэн магтаал дундаа явуулжээ.

Фантом 1 /Phantom1/ вирус нь .com болон .exe өргөтгөлтэй файлуудад халддаг.

Уолкер /Walker/ вирус халдсан үед 8 битийн бүдүүлэг садар самуун үзэгдэл дэлгэцэн дээр гардаг /энд харуулаагүй/ ба дараа нь саваа барьсан хөгшин эрэгтэй хүн дэлгэцэн дээгүүр тань сэлгүүцэж эхэлдэг.

Куку /Kuku/ вирус нь мөн .com, .exe өргөтгөлтэй файлуудад халдаж, дэлгэцэн дээр өнгө алагласан Куку гэсэн бичгийг харуулдаг.

.com, .exe өргөтгөлтэй файлуудад халддаг Плейн /Plane/ вирус нь дэлгэцэн дээр гарч ирсэн нисэх онгоцноос шүхэртэй хүн бууж байгаа дүрс гардаг.

Бүүт Пингпонг /Boot Pingpong/ вирус нь юуг ч гэмтээдэггүй боловч дэлгэцэн дээр тань ширээний теннисний бөмбөг үсчиж эхэлдэг.

Спанскагийн өөр нэг вирус Марс Лэнд /Mars Land/ нь “Coding a virus can be creative” гэсэн бичгийг урсаж байгаа галт уулын халуун хайлмаг шиг зурагтай хамт харуулдаг.

Маркт Дос Вирус /Markt DOS Virus/ нь компьютерын С дискийг бүхэлд нь форматлана.

Итакуа /Ithaqua/ вирус халдсан үед 4-р сарын 29-ний өдөр бүр дэлгэцэн дээр тань цас бударна.

Биллиардс /Billiards/ вирус таны компьютерын дэлгэцэн дээрх уйтгартай текстийг өнгөлөг тоглоомын талбар болгож хувиргана.

HHhHH вирус нь хумхын тоосноос бүрдсэн бөмбөг дэлгэцэн дээр тань ойн үсчиж байгааг харуулна.

Эппл Трояан /Apple Trojan/ вирус дэлгэцэн дээр хазсан алим болон “Чи миний алимыг идсэн, тиймээс одоо би чиний компьютерыг иднэ” гэсэн бичгийг гаргадаг.

Плейгейм /PlayGame/ вирус өөрийн хохирогч болсон хэрэглэгчтэй тоглоом тоглодог, гэхдээ зөвхөн 12-р сард.

Редкод /Redcode/ вирус нь Биг Батт Гассо /Big Butt Gasso/ болон Химмлер Фьюстер /Himmlet Fewster/ нарын хооронд бяцхан тэмцээн болж байгааг харуулдаг.

СиМОС /CMOS/ бол аюултай вирус. Тэр компьютерыг тань гацааж, чарласан дохио дуу гаргадаг. Бүхий л тохируулгуудыг арчиж хаях энэ вирусын эсрэг та Ctrl+Alt+Del дарах юм бол энэ вирус таны хатуу дискийг бүхэлд нь форматлах болно.