BMW M компаний шилдэг машинууд

BMW 3 цувралын өндөр гүйцэтгэл бүхий хувилбар болох BMW M3 модель нь хоёр хаалгатай, суудлын, эвхэгдэж дэлгэгддэг дээвэр бүхий гэх мэтчилэн загвар бүхий хэд хэдэн цуврал гаргасны нэг нь 200 тоормозны морины хүчтэй дөрвөн цилиндртэй хөдөлгүүр бүхий загвар бөгөөд 1986 оны загвар дээр суурилан бүтээгдсэн энэ загвар нь анх 2.3 литрийн багтаамжтай хөдөлгүүртэйгээр гарч байжээ. Энэ машин нь Mercedes-Benz W201 190E моделийн “2.3-16V”-тай өрсөлддөг байсан ба хожим нь 2.5 литрийн S14 хөдөлгүүртэй болсон нь 250 морины хүчийг гаргах хүчин чадалтай болжээ.

1978-1981 оны хооронд үйлдвэрлэгдэж байсан BMW M1 спорт машин нь M тэмдэг зүүсэн анхны замын машин байжээ. 3.5 литрийн дундаж хөдөлгүүр нь 277 тоормозны морины хүчийг гаргадаг энэ машин 260 км/цаг хүртэл хурдалж, 0-96.56 км/цаг хурдыг 6 секундын хугацаанд авч чаддаг аж. Тус машиныг эхэндээ BMW-д зориулж Lamborghini компани үйлдвэрлэж байсан ч Италийн пүүсийн санхүүгийн асуудал M1 машиныг үйлдвэрлэх зөвшөөрлийг шилжүүлэхэд хүргэсэн. Yйлдвэрлэгдсэн тоо ширхгийн хувьд 399 замын, 56 уралдааны хэлбэрээр бүтээгдсэн M1 машин нь ховор боловч маш чамин тэрэгнүүдийн нэг юм.

1998–2003 онуудад үйлдвэрлэгдэж байсан E39 M5 загвар нь урьд өмнөх хувилбаруудаас ялгаатай нь BMW M GmbH үйлдвэрт хийгдээгүй явдал юм. Гурван хувилбартайгаар бүтээгдсэн M5 Е39 загвар 5.0 литрийн багтаамжтай V8 хөдөлгүүртэй байсан ба тэр нь сүүлдээ 4.9 литрийн багтаамжтайгаар солигджээ. E39 M5 нь багтаамж сайтай спорт машин гэдгээсээ гадна маш тав тухтай, чамин тансаг дээд зэрэглэлийн салонтай гэдгээрээ онцгойрдог.

Өндөр гүйцэтгэл бүхий 6-Series хувилбарын M635 CSI энэ загвар дундаж хөдөлгүүр бүхий M1 загвартай адил хөдөлгүүртэйгээр хийгдсэн нь 286 тоормозны морины хүчтэй юм. 254 км/цаг хүртэл хурдлахаар бүтээгдсэн маш дэгжин, гоёмсог загвартай хоёр хаалга бүхий M635 CSI машины европ хувилбар нь M1-ийн дараагаар бүтээгдсэн BMW машинууд дундаас хурдаараа хоёрт тооцогддог. Энэ машины европ болон америк хувилбар нь 97 км/цаг хурдыг 6.0 болон 6.8 секундын хугацаанд авдаг ажээ. M6 машины үйлдвэрлэл 1989 онд 5,859 машин худалдсанаар зогссон байна.

Өндөр гүйцэтгэл бүхий BMW 3 Series хувилбарын бас нэгэн модель E46 нь 2000 оны 10-р сард анх танилцуулагдаж, 3.2 литрийн S54 M-tuned хөдөлгүүртэйгээр дэлхий дахинаа гарч иржээ. Зөвхөн хоёр хаалгатай, эвхэгдэж дэлгэгддэг дээвэр бүхий загвартайгаар хийгдсэн энэ машины хөдөлгүүр 333 морины хүчтэй ба европ болон америк загварын аль алиных нь дээд хурд 249 км/цагт хүрдэг байна. E46 M3 машин нь гурван тусгай модельтойгоор гарснаас M3 нь спорт, өвлийн, тэмцээний, M3 CSL, M3 GTR V8 нь цөөн тоогоор тус тус гарчээ. 2009 онд Road and Track сэтгүүл 2006 оны SMG хүч дамжуулах эд анги бүхий M3 машиныг бүх цаг үеийн хамгийн дуртай машинаар нэрлэсэн байна.

Shooting-brake буюу ихэвчлэн тал бүрдээ нэг хаалгатай, дөрвөлжин ар талтай хэлбэртэй байдаг нэгэн төрлийн дизайн бүхий өндөр гүйцэтгэлтэй M coupe нь 2009 оны 2-р сард хоёр үетэйгээр үйлдвэрлэгдсэн. Yүний нэг нь E36/8 Z3 Coupe машинаас сэдэлтэйгээр бүтээгдсэн бол хоёр дахь нь E86 Z4 Coupe машин дээр суурилсан байдлаар бүтээгджээ. Энэ хоёр үеийн эхний үе болох M Roadster нь 3.2 литрийн багтаамжтай S54 хөдөлгүүртэй ба тэр нь 321 тоормозны морины хүчтэй энэ хөдөлгүүр ердөө 5.3 секундын хугацаанд 96.56 км/цаг хүртэл хурдыг авах гайхалтай гүйцэтгэлтэй аж. Хоёр дахь үе нь мөн л адил 3.2 литрийн багтаамжтай, 330 морины хүч бүхий хөдөлгүүртэйгээр бүтээгдсэн байна.

M3-ын цөөн тоотойгоор гарсан M3 E46 CSL загвар нь ердөө 1400 ширхэг бүтээгджээ. Умард Америкийн зах зээл дээр огт гараагүй энэ машин металлаг мөнгөлөг саарал, металлаг сафир хар гэсэн хоёрхон өнгөтэйгээр гарчээ. 1,385 кг жинтэй байсан тус загвар ердийн M3 загвараас 110 килограммаар хөнгөн юм. Арын шилний оронд хөнгөн жингийн пластик суурилуулж өгсөн, дээврийг карбон фибер бэхжүүлсэн пластикаар хийсэн зэрэг нь машиныг ийм хөнгөн байхад хүргэж байгаа ажээ. Тавхан секундын хугацаанд 100 км/цагийн хурд авах энэ загвар 3.2 литрийн хөдөлгүүрээр тоноглогджээ.