Чанга, сайхан хөхтэй болох йогийн 7 дасгал

Ихэнх эмэгтэйчүүд хөхнийхөө хэмжээнд сэтгэл дундуур байдаг учраас ил задгай хувцас өмсөхөөсөө ичдэг. Ялангуяа усны хувцас өмсөх тун дургүй, зайлсхийнэ.

Та бүхэнд хүссэн биеийнхээ галбирыг олоход туслах хэд хэдэн үр дүнтэй йогийн дасгалуудыг бэлдлээ. Зөвхөн хөхний бус мөн биеийн ерөнхий байдал сайжирч таны амьсгаа ч жигдрэх болно.

Дайчны байрлал

Вирабхадрасана буюу дайчны байрлал зөвхөн өөрийнхөө хүчийг мэдрээд зогсохгүй цээжин биеийн бүхэлд нь тэлж хөхийг уян хатан болгоно.

1. Хөлдөө мөрний хэмжээтэй зай авна.
2. Зүүн хөлийн улыг 90 хэмд эргүүлнэ, харин баруун хөлийг дотогш байрлалд тавина. Зүүн өвдгөө нугалаарай.
3. Баруун хөл тэгш байрлалд , гараа хоёр тийш алдлана. Толгой зүүн тийш байрлалд, хараа гарын үзүүр рүү чиглэнэ.
4. 7-10 удаагийн дасгалын дараа баруун тал руугаа шилжин дасгалыг хийнэ.

Гурвалжингийн байрлал

Трикосана буюу гурвалжингийн байрлал нь хөхийг чангалахаас гадна нурууны булчингуудыг ажиллуулж цусан хангамжийг нэмэгдүүлнэ.

1. Хөлдөө мөрний хэмжээтэй зай авч зүүн хөлөө 90 хэмд, харин баруун хөлөө 15 хэмийн өнцөгт тавина.
2. Зүүн гараараа зүүн шагайд хүргэнэ (хэсэг хугацааны дараа таны гар шаланд хүрэх боломжтой болно), харин баруун гараа дээш сунгаж хоёр гар нэг шулуунд байрлах болно. Өвдөг, нуруугаа нугалахгүй байх ёстой.
3. Толгойгоо дээш харуулж баруун гарын үзүүрийг харна. Дасгалыг нөгөө талаараа ээлжлэн хийнэ.

Могойн байрлал

Бхуджангасана буюу могойн байрлалд уушгины багтаамж нэмэгдэж, цээжний булчингийн сунгалтууд хийгдэнэ. Мөн нуруу нугасны бүх булчинг ажиллуулна.

1. Доош харж хэвтээд гүнзгий амьсгаа авна. Биеийн дээд хэсгийг шалнаас хөндийрүүлэхдээ доод хэсгийг шалнаас салгаж болохгүй. Хөл болон гар дээрээ тэнцвэрээ сайн барих хэрэгтэй.
2. Толгойгоо өргөж дээш хараарай.
3. Амьсгаагаа зөөлөн гаргаж бэлтгэл байдалдаа шилжинэ. Дасгалыг хийх тоо нэмэгдэх тутамд могойн байрлалд байх хугацааг уртасгах хэрэгтэй.

Нумын байрлал

Дханурасана буюу нумын байрлалыг нурууны өвчтэй хүн болгонд санал болгож байна. Нурууны булчинг чангалж, хөхний хэлбэрийг хадгалахад тусална.

1. Доош харж хэвтээд амьсгаагаа авахдаа өвдгөөрөө нугалж толгойн орчимдоо авчирна. Гараараа хөлөө бариарай.
2. Амьсгалаа аажим гаргаад хөл гараа аль болох дээш татна. Цээж болон гуя шалнаас хөндийрсөн байх ёстой, тэнцвэрээ гэдэс дээрээ аваарай.
3. 30 секунд орчим байрлалдаа барихыг хичээнэ.

Гүүрний байрлал

Чакрасана буюу гүүрний байрлал нь цээжин биеийн булчинг ажиллуулахаас гадна нуруу, хүзүүний булчинг суллаж толгойн өвчнийг дарна.

1. Нуруугаараа дээш харж хэвтээд хөлөө мөрний хэмжээнээс багахан өргөн аль болох өгзгөндөө ойр тавина.
2. Гараа толгойн ардаа алгаар нь харуулж байрлуулна. Амьсгалаа авахдаа цээж, өгзгөө аль болох дээш өргөнө.
3. Гараа тэгшлэхийг бодоорой. Энэ байрлалд 30 секунд барина.

Толгой дээрээ зогсох байрлал

Саламба ширшасана буюу толгой дээрээ зогсох байрлал нуруу, цээжний холбоос булчингуудыг ажиллуулна. Цусан хангамжийг нэмэгдүүлнэ. Туршлагатай йогчдод зориулсан дасгал юм.

1. Өвдөг дээрээ зогсоод тохойгоороо газар тулна. Алгаа зөрүүлж бариарай.
2. Амьсгаагаа авч өвдгөө шалнаас салгаж дээш тэгшилнэ.
3. Хөлөө дээш тэгш байрлалд 30 секундээс 2 минут орчим барина. Дасгалын хийх хугацааг өөрийн нурууны ачаалал даах байдалд тохируулна.

Тэмээний байрлал

Уштрасана буюу тэмээний байрлал нь нурууны өвчин суллах, уушгины багтаамжийг нэмэгдүүлэхээс гадна цээжний булчинг суллана.

1. Өвдөг дээрээ суугаад хөлөө нийлүүлнэ.
2. Аажим хоёр гараа хойш сунгаж хөлийн уландаа хүргэнэ. Нуруугаа сунгаж толгойг аль болох шал руу сунгана.
3. 30 секундын дараа эхлэл байрлалдаа шилжинэ.[/sociallocker]

6

Ха Ха

5

Буруу

4

Гайхмаар

4

Хөөрхөн

3

Гоё

2

Бахархмаар

1

Харамсалтай

1

Тэнэглэл

Баярлалаа!