Кино урлагийн түүхэн дэх хамгийн өндөр орлоготой 24 кино

0

Энэ жагсаалтанд тэрбум доллараас дээш орлого олсон кинонууд багтаж байгаа юм. Жагсаалтанд багтсан ихэнх кинонууд энэ зууны үед буюу 2000 оноос эхлэн дэлгэцнээ гарсан, мөн 2015 онд ч гарсан кинонууд байх ажээ.

24. Batman: The Dark Knight (2008) – $ 1 004 558 444

Дэслэгч Жим Гордан, прокурор Харви Дент нартай хамтран хотыг самарч буй гэмт хэргийн бүлэглэлтэй тэмцэхээр шийдсэн Бэтмэн гэв гэнэт гэмт хэргийн суут хүн болсон Жокер гээч хүчирхэгжиж буй этгээдтэй тулах болдог.

Кино урлагийн түүхэн дэх хамгийн өндөр орлоготой 24 кино 3

23. The Hobbit: An Unexpected Journey (2012) – $ 1 021 103 568

Смауг хэмээх луунаас Эребор хотоо чөлөөлөх гэсэн одой нартай хамт яваа Бильбао Баггинсийн аяллын тухай кино бөгөөд тэдэнд шидтэн Саарал Гандальф тусална. Тэдний аялал урвагчдын нутаг, оркын газар орон, аварга аалзны орон, арьсаа өөрчилдөг хүн, шидтэний нутгаар дайрч гаран түмэн адал явдалтай учирдаг билээ.

Кино урлагийн түүхэн дэх хамгийн өндөр орлоготой 24 кино 2

22. Alice In Wonderland (2010) – $ 1 025 467 11

Нэгэн удаагийн үдэшлэгийн үеэр 19 настай Алисад тэнэг боловч баян лордын хүү Хэмиш гэрлэх санал тавина. Алиса хариу өгөлгүй түүнээс зугтах ба зам дээр дайралдсан бүжинг даган гүйх бөгөөд хачирхалтай тэрхүү бүжин нь дээд зэргээр хувцасласан, халаасны цагаа харах дуртай нэгэн байлаа.

Кино урлагийн түүхэн дэх хамгийн өндөр орлоготой 24 кино 4

21. Star Wars: Episode 1-The Phantom Menace (1999) – $ 1 027 044 677

Цэцэглэн хөгжиж буй Набу гаригийн худалдааны холбооныхон татвар төлөхгүйн тулд хатан хаан Амидалтай тэрсэлдэн дайн эхэлнэ. Хатан хааны талд хоёр хүчирхэг хүлэг баатар орох ба тэд багш шавь болох Квай-Гон-Жин болон Оби-Ван Кеноби нар…

Кино урлагийн түүхэн дэх хамгийн өндөр орлоготой 24 кино 5

20. Jurassic Park (1993) – $ 1 029 153 882

Нэгэн баян профессор хоёр палеонтологичийг Коста-Рикигийн ойролцоох аралд хүрэлцэн ирэхийг урих ба энэ арал дээр динозавруудыг сэргээн амилуулсан байв. Тус арал дахь амралт, зугаа цэнгэлийн парк нээгдэхээс хэдхэн хоногийн өмнө нэгэн ажилтан хамаг нууцыг зарахын тулд хамгаалалтын системийг эвдэх ба тухайн мөчид орох маш ширүүн борооноос болж эртний амьтад маань сул чөлөөтэй болдог.

Кино урлагийн түүхэн дэх хамгийн өндөр орлоготой 24 кино 6

19. Pirates Of The Caribbean: On Stranger Tides (2011) – $ 1 045 713 802

Ахмад Жекийн энэхүү шинэ адал явдалд Анжелика хэмээх бүсгүй чухал үүрэг гүйцэтгэх ба тэрээр ахмад Жекийн урьд өмнө учирч явсан бүсгүй юм. Төгсгөл хүртэл Анжелика чухам жинхэнэ хайр дурлалаас болж Жектэй явна уу эсвэл Жекийг ашиглан мөнхийн залуу болгодог нууц зүйлийг авах гэж байна уу гэдэг нь тодорхойгүй. Киноны үйл явдлын явцад Ахмад Жек маань аймшигт муу санаатан, урьдын дурлалт бүсгүй хоёрын хэнээс нь илүү айх ёстойгоо ойлгохоо болино.

Кино урлагийн түүхэн дэх хамгийн өндөр орлоготой 24 кино 7

18. Toy Story 3 (2010) – $ 1 036 171 91

Энди 18 нас хүрч коллеж руу явахад гуравхан хоног үлдсэн үед түүний тоглоомууд болох Вуди, Базз Лайтер нар ирээдүйнхээ төлөө санаа зовж эхэлнэ. Яадаг бол? Хогийн сав руу эсвэл хаа нэг буланд мартах, магадгүй ямар нэг хүүхдийн цэцэрлэгт очих юм болов уу? Үйл явдал санаанд оромгүй байдлаар үргэлжлэх ба бидний хайртай баатруудын адал явдал үргэлжилсээр.

Кино урлагийн түүхэн дэх хамгийн өндөр орлоготой 24 кино 8

17. Pirates of the Caribbean: Dead Man’s Chest (2006) – $ 1 066 179 725

Энэ удаа ахмад Жек маань алдарт “flying Dutch”-ын ахмад Дэйв Жонсод өртэй болсныгоо мэднэ. Маш богино хугацаанд энэ асуудлыг шийдэхгүй бол Жек мөнхийн хараал, боолчлолд орох ба Жектэй цуг яваа Уилл Тернер, Элизабет Суонн нарын хурим ч бүтэлгүйтэх шинжтэй.

Johnny Depp

16. The Dark Knight Rises (2012) – $ 1 084 939 09

8 жилийн өмнө Бэтмэн алга болсон ба прокурор Харви Дентийн үхэлд өөрийгөө буруутай гэж үзэн хамаг зүйлээ гаргуундаа гарган хаясан нь тэр билээ. Комиссар Гордон ч түүний энэ шийдвэрийг зөв гэж үзэж байсан ба гэмт хэргийг Дентийн хууль эрх зүйгээр дарж чадаж байх үед Бэтмэний алга болсон нь тийм ч чухал зүйл биш байв. Удалгүй нүүрээ багаар хаасан Бэйн хэмээх хүчирхэг гэмт хэрэгтэн гарч ирснээр Бэтмэн эргэн гарч ирэх боловч ялагдах магадлал өндөр байлаа. Урьд өмнөх амьдрал нь оньсого мэт Муур-Эмэгтэй гарч ирснээр бүх зүйл өөрчлөгдөнө.

Кино урлагийн түүхэн дэх хамгийн өндөр орлоготой 24 кино 9

15. Transformers: Age Of Extinction (2014) – $ 1 104 054 072

Дайн тулааны хөлд сүйдсэн эх дэлхийгээ сэргээх ажилд эрдэмтэд их амжилт олох ба тэд урьдын алдаанаас дүгнэлт хийж технологио маш өндөр хэмжээнд хүргэж хяналтаас бүрэн гарахаар ажилладаг. Гэвч бас нэг хэсэг болох эртний хүчирхэг трансформерууд Дэлхийг аль хэзээний онилсон байлаа.

Кино урлагийн түүхэн дэх хамгийн өндөр орлоготой 24 кино 10

14. 007: Skyfall (2012) – $ 1 108 561 013

Ми6-д аюул учрах ба энэ асуудлыг 007 шийдэх хэрэгтэй болно. Үүний төлөө тэрээр асар их үнэ төлөх хэрэгтэй болдог.

Кино урлагийн түүхэн дэх хамгийн өндөр орлоготой 24 кино 11

13. The Lord of the Rings: The Return Of The King (2003) – $ 1 119 929 521

Гурвалын төгсгөл болох энэ хэсэгт харанхуйн армийн удирдагч Саурон өөрийн үй олон цэргээ “Сүүлчийн найдвар” хэрмийг эзлэн авахаар явуулна. Хэрмийг амархан эзэлнэ гэж итгэж байсан тэрээр хоёр жижигхэн одойг анзааралгүй өнгөрөх ба бүхнийг эзэгнэгч бөгжийг хүрэх ёстой газар нь хүргэж, устгаж чадах болов уу?

Кино урлагийн түүхэн дэх хамгийн өндөр орлоготой 24 кино 12

12. Transformers: Dark Of The Moon (2013) – $ 1 123 794 079

Анх 1969 оны 6-р сарын 20-нд Америкчууд саран дээр буухдаа сөнөсөн онгоц, роботын үлдэгдэл олсноо нууцалсан байдаг. 40 жилийн дараа энэ нууц задрах ба хүн, автоботын зөрчил дээд цэгтээ хүрнэ. Сем Уитвики өөрийн шинэ найз охинтойгоо цуг зөрчлийн яг төвд байж таарах нь мэдээж.

Кино урлагийн түүхэн дэх хамгийн өндөр орлоготой 24 кино 14

11. Minions (2015) – $ 1 157 275 017

Минионууд хүн төрөлхтнөөс өмнө амьдарч байсан бөгөөд тэдэнд нэгэн туйлын хүсэл байдаг нь хамгийн муу муухай нэгэнд үйлчлэх юм. Динозавр, Фараон, Дракула, Напалеон гээд тэдний итгэл найдварууд бүгд л мөнх биш байсан учраас Нью-Йорк руу явж эрх мэдэл, супер муу санаатан Скарлет Оверкилл, мэдээж амтат банантай учирдаг.

Кино урлагийн түүхэн дэх хамгийн өндөр орлоготой 24 кино 13

10. Iron Man 3 (2013) – $ 1 215 439 994

Тони Старкын амьдрал нурж унах ба үүний буруутныг олж өшөөгөө авахын тулд зөвхөн өөртөө найдаж, ойр дотныхоо хүмүүсийг хамгаалах хэрэгтэй байлаа. Энэ маш хатуу ширүүн тэмцлийн явцад түүнийг эртнээс зовоож байсан “хүн – эсвэл өмсгөл” гэсэн асуултын хариуг олох хэрэгтэй болдог.

Кино урлагийн түүхэн дэх хамгийн өндөр орлоготой 24 кино 15

9. Frozen (2013) – $ 1 276 480 33

Эртний хараал болох хаант улсад мөнхийн өвөл болох үед Анна гүнж, зоригт Кристоффер мөн түүний найз болох Свен буга нар Аннагийн эгч болох Элзаг олохоор уул руу явна. Зөвхөн Элза л мөнхийн өвлийг зогсоож чадах билээ. Тэдний замд түмэн адал явдал, аюул тулгарах ба Анна болон Кристофф нар хаант улс, хайртай хүнийхээ төлөө бүхнийг давах хэрэгтэй болно.

Кино урлагийн түүхэн дэх хамгийн өндөр орлоготой 24 кино 16

8. Harry Potter And The Deathly Hallows : Part 2 (2011) – $ 1 341 511 219

Сайн муу хүч бүхий ид шидтэний хоорондох тэмцэл бүх нийтийн дайн болж хувирна. Зөвхөн Харри Поттер л Волан-де-Морттой тулж чадах ба баатар маань эх дэлхийгээ хамгаалж, аварч чадах болов уу? Энд л бүх зүйл дуусах билээ.

RALPH FIENNES as Lord Voldemort in Warner Bros. Pictures’ fantasy adventure “HARRY POTTER AND THE DEATHLY HALLOWS – PART 2,” a Warner Bros. Pictures release.

7. Avengers: Age Of Ultron (2012) – $ 1 405 035 767

Эх дэлхийг авран хамгаалахаар бүтээгдсэн Алтрон хэмээх хиймэл оюун ухаан нь эх дэлхийд аюул тарьж болох зүйл бол хүн төрөлхтөн гэж үзээд тэднийг устгах аюултай болж ирнэ. Олон улсын байгууллага энэ аюулын өмнө хүчин мөхөсдөж тарж бутрах ба ямар ч хамгаалалтгүй болсон хүн төрөлхтөнд зөвхөн агуу баатрууд болох Өшөө авагч нар л найдвар болон үлддэг. Гэвч Алтрон дэндүү хүчирхэг бөгөөд Өшөө авагч нар маань ч дийлэхгүй байж болзошгүй.

Кино урлагийн түүхэн дэх хамгийн өндөр орлоготой 24 кино 19

6. Furious 7 (2015) – $ 1 515 047 671

Тэд Токио, Рио, Лондон, Лос-Анжелесийг байлдаг дагуулсан боловч одоо хорвоо ертөнц тэдний “дүрмээр тоглохоо” больжээ. Дэндүү гэмээр өндөр байшин, Арабын цөл, дугуйн дээрх сая сая доллар, маш алдартай муу санаатан… Хурданд хязгаар үгүй.

Кино урлагийн түүхэн дэх хамгийн өндөр орлоготой 24 кино 18

5. The Avengers (2012) – $ 1 519 557 910

Боолчлолд орох дөхсөн дэлхийг зөвхөн шилдгүүд л аварч чадна. Олон улсын байгууллагын толгойлогч Ник Фьюри үнэний төлөө тэмцэгч шилдгүүдийг цуглуулах ба Ахмад Америкийн удирдлага дор Өшөө авагчид эзлэн түрэмгийлэгчтэй тулаанд орно.

Кино урлагийн түүхэн дэх хамгийн өндөр орлоготой 24 кино 20

4. Jurassic World (2015) – $ 1 668 984 926

Мянга мянган хүн Юрийн галавын амьтдыг үзэхээр яаран цуглах ба энэ зугаа цэнгэл нь жинхэнэ аюул болж хувирна.

Кино урлагийн түүхэн дэх хамгийн өндөр орлоготой 24 кино 21

3. Star Wars: The Force Awakens (2015) – $ 1 762 743 529

Галактикийн эзэн хаан Дарт Вейдер үхээд 30 жил болсон ч аюул занал хэвээр. “Эхний орд”-ын ерөнхий удирдагч Сноук өөрийн баруун гар болох Кайло Ренийн хамтаар бүх л засаглалыг эзлэн авахыг чармайна. Тэдний эсрэг Хано Соло, залуухан бүсгүй Рей, Генерал Лее , Чубакко нар тэмцэх ба Сноук болон Кайло Ренийг зогсоох цорын ганц хүн галактикт үлдсэн нь…

Кино урлагийн түүхэн дэх хамгийн өндөр орлоготой 24 кино 22

2. Titanic (1997) – $ 2 186 772 302

Хэзээ ч жившгүй хэмээх Титаникийн эхний бөгөөд сүүлийн аялалд Жек болон Роза хэмээх залуучууд учран хайр сэтгэлтэй болох ба энэхүү тансаг усан онгоц нь Хойд Атлантикт мөсөн уул мөргөн сүйрэх бөгөөд хайр сэтгэлийнхээ төлөө бусадтай тэмцэж байсан тэдний тэмцэл амьд үлдэхийн төлөө байгальтай хийж байгаа тэмцэл болон хувирдаг.

Кино урлагийн түүхэн дэх хамгийн өндөр орлоготой 24 кино 23

1. Avatar (2009) – $ 2 787 965 087

Тэргэнцэр дээр явдаг Жейк Салли дотроо хүчирхэг дайчин хэвээр бөгөөд хэдэн гэрлийн жилийн зайд орших Пандора гариг руу очих тушаал авдаг. Тэрхүү гариг дээр корпорацийнхан дэлхийг энергийн хомсдолоос гаргах маш чухал, ховор металл олборлодог билээ.

Кино урлагийн түүхэн дэх хамгийн өндөр орлоготой 24 кино 24

0
ГоёГоё
0
Ха ХаХа Ха
0
ХөөрхөнХөөрхөн
0
ГайхмаарГайхмаар
0
БахархмаарБахархмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

4 Сэтгэгдэл

  1. Batbayar

    2016/01/28 at 15:40

    shaal hudlaa yum tawitsan bhiin

  2. Kodiy Kodiy

    2016/01/28 at 16:22

    ene jagsaltiig ireh zunii war graft kino iwdeh baihaa gej naidaj bna

  3. Kodiy Kodiy

    2016/01/28 at 16:22

    ene jagsaltiig ireh zunii war graft kino iwdeh baihaa gej naidaj bna

  4. Nope!!

    2016/01/28 at 19:30

    Warcraft yaj evdehev dee

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй. Required fields are marked *