Ухаалаг гар утасны тань цэнэг хурдан дуусч байгаагийн 5 шалтгаан

Нийтлэгч: Лука

Огноо: 2013/09/27

Total0
0

Өнгөрсөн арав гаруй жилийн хугацаанд гар утас хэмээгч зүйлийн боломж чадавхи гайхмаар хурдацтайгаар өсөн нэмэгдсэн. Хорь, арав тэр ч бүү хэл таван жилийн өмнө бидний хувьд боломжгүй мэт санагддаг байсан олон зүйлсийг одоо энэхүү алганд багтах жижигхэн төхөөрөмжөөр гүйцэтгэдэг болсон. Гэхдээ ба ухаалаг гар утаснуудын хөгжиж сайжраагүй тал ч бий. Энэ бол ухаалаг гар утасны батерейны үргэлжлэх хугацаа юм. Тэгвэл батерейны цэнэг хурдан дуусаж байгаагийн шалтгаан нь юу вэ? Үүнд юу нөлөөлөөд байна?

Үнэгүй апп-уудаас болгоомжил

Хэрвээ та үнэгүй апп-ууд, тэр дундаа тоглоомнууд татаж авч байгаа бол таны утасны ихэнх цэнэг апп дээрээ юу ч хийгээгүй байтал үгүй болж мэдэх юм. Учир нь үнэгүй апп-уудын тун багахан буюу 20% нь жинхэнэ тоглоом нь, үлдсэн нь зар сурталчилгаа байдаг. Товчхон хэлбэл олон тооны сурталчилгаатай байдаг үнэгүй апп битгий хэрэглэ. Эдгээр нь таны утасны цэнэгийг ямар ч эерэг үр дүнгүйгээр үгүй хийнэ.

Апп-уудаа унтраа

Нэг ч апп хэрэглэхгүй байсан ч энэ нь утасны тань цэнэгийг үрэхгүй байна гэсэн үг биш. Утасныхаа цэнэгийг ямар ч шалтгаангүй урсгахгүйн тулд апп-уудаа унтраа. Үүнийг task manager-ээр хийж болно.

Сигнал

Таны байгаа газарт сигнал доогуур байгаа бол утас тань илүү их цэнэгээр ажиллана. Сүлжээний хурд ч бас адил нөлөөлнө. Гэхдээ мөн эсрэгээр сигнал хэт хүчтэй байснаар утас тань бүрэн хүчин чадлаараа ажиллаж, батерейг ихээр иддэг.

GPS-ээ унтраа

GPS ашигладаг ямар ч апп батерейны цэнэгийг хурдан дуусгадаг. Иймээс GPS-ээ унтраавал илүү удаан цэнэглэхгүй явж болно.

Юу хийх тухайгаа бод

Гартаа ямар утас барьж байгаагаа тунгаа. Хэрвээ та Самсунг Галакси 3 гэх мэтийн чанартай ухаалаг гар утас барьдаг бол үнэн хэрэгтээ жижигхэн боловч хүчирхэг компьютер авч явж байна л гэсэн үг. Энэ нь батерейны цэнэгийг хурдан дуусгаж байгаад гайхах зүйл үгүй.