Гурвалжин будаа нь их хэмжээний уураг, витамин В, төмөр, магни агуулдгаас гадна илчлэг багатай байдаг. Хамгийн гол нь зөв аргаар амттай хоол хийх хэрэгтэй. Танд хамгийн шилдэг хоолны жорыг танилцуулья.
Орц: (3 хүний порц)
- Гурвалжин будаа – 150 гр
- Үхрийн мах – 300 гр
- Сонгино – 1 ширхэг
- Улаан лоолийн сүмс – 2 хоолны халбага
- Сармис – 2 хумс
- Лууван – 1 ширхэг
- Ургамлын тос – 2-3 хоолны халбага
Бэлтгэх арга:
Алхам 1: Гурвалжин будаагаа угаагаад, тосолсон хайруулын тавган дээр хатаагаарай.
Алхам 2: Өөр саванд жижиглэсэн сонгино, дөрвөлжилж хэрчсэн мах, бүдүүн үрэгчээр үрсэн луувангаа алтлаг шаргал болтол хуурна. Дээрээс нь улаан лоолийн сүмсээ нэмээд сайтар холино.
Алхам 3: Мах ногоон дээрээ будаагаа хийгээд халуун ус нэмнэ. Усаа будааг далдлах хэмжээтэй хийнэ. Давсаар амтална. Тагийг нь тавиад зөөлөн гал дээр жигнэнэ.
Алхам 4: Бэлэн болсон будаан дээрээ жижиглэсэн сармисаа хийгээд холино. Хүсвэл лаврын навч болон хар перец хийж болно.
Сайхан хооллоорой!