Дизайнеруудын 2015 оны шинэ бүтээлүүд

Дизайнер – тэд бол гайхамшигтай хүмүүс. Бидний амьдралыг яаж өнгөлөг, өөдрөг, тухтай байлгах тухай өдөр, шөнөгүй бодож явдаг улсууд болов уу.

Энэ жил тэдний хийж бүтээсэн сонирхолтой зүйлсээс танд танилцуулах гэж байна.

Маргаашийн цаг агаар ямар байхыг харуулах төхөөрөмж

Ken Kawamoto – тоон болон бодит амьдралыг холбох хүсэлтэй инженер-программист. Маргаашийн цаг агаар ямар байхыг харуулах төхөөрөмж зохион бүтээсэн бөгөөд хэрвээ аадар бороо орох бол жинхэнэ цахилгаан цахина, бороотой гэвэл бороо орно. Гайхамшиг. Харамсалтай нь одоохондоо цас оруулж чадахгүй байгаа юм.

Хуурмаг хээтэй аяганы сервиз

D-Bros Японы дизайнеруудын баг “Вальс” нэртэй гайхалтай сонин аяганы сервизийг танилцууллаа. Гол нууц – аяганы толин гадаргууд ойж байгаа хээ суурь тавганд нь байгаа ажээ.

Аав нарт зориулсан эмээл

SaddleBaby- аавынхаа нуруун дээр явах дуртай балчир үрст зориулсан тээврийн хэрэгсэл гэж хэлж болно. Аавын гар сул чөлөөтэй болж байгаа болохоор зураг авах, утсаараа чөлөөтэй оролдох боломжтой.

Өсгийгөө сольдог туфль

Балеринаг өндөр өсгийтэй хээнцэр туфль болгох боломжтой боллоо. Дизайнер Таня Хитийн хэлж байгаагаар, туфль, өсгийний сонголт арвин тул үүнд даашинзаа тохируулж өмсөхөд хялбар байх болно гэжээ. Мөн жолооч бүсгүйчүүдэд бол сольшгүй гутал нь болох болов уу, өсгийгөө сугалж аваад л жолооны ард.

Усыг гайхалтайгаар хэмнэх цорго

Лондонгийн залуу дизайнер Симин Циу усыг гайхалтайгаар хэмнэх цорго бүтээжээ. Цоргоноос гоожих ус нь нарийнаар спираль үүсгэн урсахад усан тор үүсгэж сонирхолтой харагдахаас гадна усны зарцуулалтыг хэмнэх ажээ.

Хүзүүн дэх мини-цэцэрлэг

Байгаль дэлхийд дуртай бүсгүйчүүд Колин Жорданаас гаргасан энэ зүүлтийг зүүхэд сайхан гоёл болно. Бяцхан ваарыг 3D принтерээр хэвлэсэн бол цэцгийг тэжээллэг хөрсөнд суулгасан. Зүүлтийг хүзүүндээ зүүж болно, ажлын ширээн дээр тавьж эсвэл машиндаа зүүж ч болно.

Хоосон хөндий мэт ванн

Энэ тансаг ваннд ороход та хаана байгаагаа мэдэхгүй болох байх шүү, газар дээр байгаа юм уу, агаарт хөөрч байгаа юм уу? Питерийн дизайнер Александр Жуковскийн бүтээл юм.

Дуртай модон дээрээ авирч гарах зөөврийн шат

Насанд хүрсэн хойноо хүүхэд насаа дурсаж модонд авирах хүсэлтэй байдаг ч зохимжгүй харагдах тул тэвчээд л хоцордог. CanopyStair-ийн тусламжтайгаар авирах боломжгүй гэж харсан модондоо ч авирч, чөлөөтэй бууж болно. Модыг гэмтээхгүйгээр ямар ч модонд байрлуулж болно.

Супер баатартай номын тавиур

Хэрвээ супер баатар байхгүй байсан бол ном аль хэдийн нураад унасан гэмээр харагдана. Үнэндээ номын үзүүрт тогтоосон соронзонгоор тогтож байгаа юм.

Үсгэн цаг

Үсгэн цагийг хараад хүн тухайн цаг хугацааг ухаарах гэж хэсэг бодно хэмээн зохион бүтээгчид үзэж байна. Тоон цагны тоо, зүү нь бодол төрүүлдэггүй: цаг хугацаа хичнээн хурдан өнгөрч байгааг мэдрэх болно. Нөгөө сонирхолтой хэсэг нь үг: “найман цагт арван таван минут дутуу” гэж уншина. Энэ бол маш чухал, цаг хугацааг үнэлж сурна.

Таныг үнсэж буй кофе

Үнсэж буй уруултай кофены аягыг дизайнер Янг Ву-Сеок зохион бүтээсэн юм. “Би кофе болон үнсэлтийг дээдэлдэг” гэж тэрээр хэлжээ. Өглөө болгон кофе уудаг боловч үнсэлтийн хувьд хүндрэлтэй. Харин одоо нэг дор хийхэд амар боллоо.

Хөлийн хэлбэрт орох гутал

Японы дизайнер Масая Хисимотод нэгэн санаа төржээ, хөлийн хөдөлгөөн болгонд хувирдаг гутал яагаад байж болохгүй гэж. Санааг хэрэгжүүлэхэд Японы үндэсний фурошики хэмээх эвхэлтийн арга тус болжээ. Үдээсгүй гутал нь хөлийг араар нь ороож наалддаг байна.

Саран гэрэлтүүлэг

Сансрын гэрэлтүүлэг нь асаалттай ч бай унтраатай ч бай сайхан, үлгэрийн мэт харагдана. Харанхуйд гэрэлтүүлгийг тохируулах бүрэн боломжтой – хэдэн цонх нээснээс шалтгаална. Сансрын нисгэгч Армстронгийн нэртэй уг гэрлийг Оросын дизайнерууд бүтээжээ.

Үл үзэгдэх компьютерийн гар

Жинхэнэ утгаараа илбэ. Үл үзэгдэх, агаарын гэж зохион бүтээгчид нь тодорхойлсон Noki гар – таны хурууны хөдөлгөөнийг мэдрэх хос бугуйвч юм. Нэг гэм нь сохроор хуруугаа хөдөлгөөд байх нь эвгүй юм даа.

Унадаг дугуйчинд зориулсан проектор дохио

Энэ сайхан санаа Азербайжаны дизайнер Эльнур Бабаевт төржээ. Cyclee проекторын тусламжтайгаар дугуйчин өөрийн хөдөлгөөний өөрчлөлтийг бусад жолоочид мэдээлэхээс гадна харанхуй зам дээр өөрийгөө илүү мэдэгдэнэ. Проекторыг унадаг дугуйны арын суудал дээр суурилуулах тул дугуйны хөдөлгөөнийг мэдэрч проектор өөрөө зохих дохиог өгнө.

Модны хожуулаар хийсэн гэрэлтүүлэг

Энэ гэрэлтүүлэг бол үнэхээр гайхалтай – ой модноос авчирсан жинхэнэ хожуулын хагархайд гэрэл суулгасан. Гэрэлтүүлгийг сандал, жижиг ширээ ч болгон ашиглаж болно.

Хээтэй элдүүр

Энгийн бөгөөд гайхалтай санаа – зурагтай жигнэмэг хийх боломжтой боллоо. Өнгөрсөн жил хүүхдийн сонирхол татах зураг, хээтэй элдүүрийг Vatek гаргаж эрэлт хэрэгцээ маш их байснаас гадна томчуудад зориулсан элдүүр хийхийг хүсжээ. Залуучууд хүслийг биелүүлэхийг хичээж, энэ мэт гайхалтай хээтэй элдүүр хийжээ.

Хуруун дээр амилах бөгжнүүд

Merryme нууц нэрээр бүтээлээ гаргадаг дизеайнерын гоёл нь гурван хэсгээс бүрдэнэ. Өөр өөр хуруундаа бөгжөө зүүхэд нэгэн үйл явдал өгүүлж ч болно: саглагар сүүлт хэрэм самар цөмөөд л. Гурван бөгжийг цуг зүүвэл шувуухай ч юм уу амьтны зулзага таны хурууг чангаас чанга тэврэх мэт болно.

Муурны ширээ

Энэ ширээг муужгайнд дуртай хүмүүст тусгайлан хийсэн. Нуугдаж тоглох, дээш доош харайх дуртай муужгайд үнэхээр таалагдана. Нэг хэсэг нь дөрвөн кубээс бүрдэнэ, ширээ болон сандал болгон ашигласан ч болно.

Дэрээр зодолдох дуртай хүмүүст

Дэрээр зодолдож байлддаг байсан бол дэлхий энх амгалан байх байсан юм. Дизайнер Брайн Ку ч ингэж бодож дэрэн дайны зэр зэвсэг бүтээжээ.

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!