Бидний нүдийг бүлтийлгэж гайхашруулах орчин үеийн инженерийн шийдлүүд олон бий. Аварга том хэмжээ, хосгүй гадаад үзэмжээрээ тэд бусад бүтээлүүдээс өөрийн эрхгүй ялгардаг билээ. За ингээд орчин үеийн хамгийн гайхалтай 5 инженерийн шийдлийг та бүхэнд хүргэе.
1. The Skywalk, Grand Canyon
Энэхүү морины тах хэлбэртэй тунгалаг шилэн гүүр нь Grand Canyon-д оршдог. Шал болон хажуу хана зэргийг бүхэлд нь шилээр хийжээ. Colorado голоос дээш 1219 м өндөрт оршдог энэхүү гүүрэн дээр өндрөөс айх эмгэгтэй хүмүүсийг гарахгүй байхыг зөвлөдөг ажээ. Тус гүүрийг 2007 онд ашиглалтанд оруулсан ба хадны ирмэгээс 21 м сунгасан учраас тус байгууламжийн ихэнх хэсгийг агаарт тогтож байгаа гэж ойлгож болох юм. Гүүрний даац нь 71 сая тонн буюу 71 ширхэг Boeing 747 онгоцыг даах чадалтай. Гүүрийг барихад нийт 37,648 кг шил, 453,592 кг ган ашигласан байна. Зөвхөн өрөмдөх үйл явц л гэхэд бүтэн жилийн турш үргэлжилжээ.
2. Millay Viaduct, Франц
2004 онд баригдсан Европ тивийн хамгийн өндөр тавцант гүүр юм. Эйфелийн цамхагаас ч өндөр буюу 342 м өндрөөрөө дэлхийд эгнэшгүй. Хамгийн өндөр цэг нь Тарн голоос дээш 270 м ажээ. Тус гүүрийг Франц болон Испанийг холбогч болгон барьсан байдаг. Зарцуулсан нийт хөрөнгийн хэмжээ 320 сая евро.
3. Кансай нисэх онгоцны буудал, Япон
Япон шиг хүн ам ихтэй улсад хиймэл арал дээр нисэх онгоцны буудал байгуулах нь сайхан санаа байх нь мэдээж хэрэг юм. Уг онгоцны буудлыг байгуулахын тулд 20 тэрбум ам.долларыг зарцуулсан байдаг. 21 сая хавтгай дөрвөлжин метрийг ухаж, 2.5х4 км гүйх зурвасыг бий болгоход нийт 10,000 ажилчин хөлс хүчээ гаргасан байдаг. Өнөөг хүртэл уг онгоцны буудал нь дэлхийн хамгийн их хөрөнгө, хүч шаардагдсан инженерийн төсөл хэвээр байгаа юм.
4. Бурж Халифа, Арабын Нэгдсэн Имрат улс
Арабын Нэгдсэн Эмират улсын Дубай хотод байрлах тус буудал нь 2010 оны 4 сарын 27-ны өдөр нээгдсэн түүхтэй. Emaar Properties компаний захирал дэлхийн хэмжээний алдарт загвар зохион бүтээгч Georgia Armani-г урьж буудлын нээлтийн ёслолдоо оролцуулсан бөгөөд хоёр дахь барилгаа Миланд барих болно хэмээн захирал Mohamed Alabbar нь мэдэгдсэн юм. Дэлхийн хамгийн өндөр барилга болох Burj Khalifa нь 828 метрт орших хамгийн өндөр тулгуургүй барилга юм. Арабын Эмират улс салхины хүч ихтэй болохоор тус барилга ашиглалтанд орохын тулд нийт 40 төрлийн салхины шалгуурыг давсан байдаг. Дан ганц барилгыг шалгаад зогссонгүй ашиглаж байгаа крануудыг хүртэл шалгажээ.
5. Палм арал, Арабын Нэгдсэн Эмират улс
Сэтгэл баясгам энэхүү хиймэл арлыг 2008 онд ашиглалтанд оруулсан. Уг арал нь 100 сая хавтгай дөрвөлжин талбайтай ба элс, чулуунаас бүрддэг. Эдгээрээс гадна эргэн тойронтой нь зохицуулахын тулд далайгаас 210 сая тонн чулууг гарган авсан байна. Энэхүү төслийг хэрэгжүүлэхэд шаардагдсан чулууны хэмжээг тооцон үзвэл дэлхийн бөмбөрцгийг 3 удаа тойрох хэмжээний юм.
Odko Baatarzorigt
2015/07/22 at 16:04
Hashaa Baatarzorigt