Дэлхий дээрх хамгийн хурдан 6 амьтан

Нийтлэгч: Лука

Огноо: 2014/02/13

Total1
1

Адгуусан амьтад ямар үед өөрийн хүч чадлыг дээд зэргээр шавхаж, хурдлан давхидаг юм бэ гэвэл тэд өөрийнх амийг залгуулах хоол болсон олзныхоо араас хурдлах үед эсвэл өөрийг нь агнахыг зорьж байгаа ангуучнаас амь амьдралаа аврахаар зугтах үедээ өөрийн гаргаж чадах дээд хурдаар хурдлан давхидаг байна. Шувууд, загас, хэвлээр явагчид, хорхой шавьжнууд, махан болон өвсөн тэжээлтнүүд, сүүгээр бойжигчдын дотроос төрөл зүйл бүрдээ дараах зургаан амьтан гаргаж чадах хурдаараа тэргүүлдэг бөгөөд эд бол манай гаригийн хамгийн хурдан амьтад юм.

1. Үчимбэр

Хуурай газрын хамгийн хурдан амьтан бөгөөд 460 м хүртэл богино зайд цагт 112-120 км/цаг хурдалж чадна. Гурван секундын дотор 110 км/цаг хүртэл хурдаа авч чаддаг.

2. Улаан тэмээлзгэнэ

Нэгдсэн Вант улс зэрэг улсуудад Чөтгөрийн нөхөөсний зүү гэж нэрлэдэг энэ 32-64 км/цаг хүртэл хурдалдаг ба хурдлах чадвар нь хэдэн мянган төрөл зүйл байдгийн дотроос том биетэй зүйлүүд нь илүү хурдан нисэхээр илэрдэг. Улаан тэмээлзгэнэ нь дэлхийн хамгийн хурдан шавьж юм.

3. Арьсан нуруут яст мэлхий

Өөрийн төрөл зүйлийн дотор урд сэлүүр нь хамгийн томд тооцогддог энэ яст мэлхий нь одоо амьд байгаа тэнгисийн яст мэлхийний төрөл дотроо хамгийн томоос гадна орчин цагийн хэвлээр явагчдын дунд томоороо дөрөвт ордог. 35 км/цаг хүртэл хурдан сэлдэг учир дэлхийн хамгийн хурдан хэвлээр явагч гэж тооцогддог арьсан нуруут яст мэлхий далай тэнгисийн усанд маш ихээр байдаг гялгар уутыг өөрийн гол хоол тэжээл болох далайн залхагтай андууран залгиж байгаагаас болж гэнэтийн үхлээр үрэгдэх нь их болж байгаа юм. Нийт тэнгисийн яст мэлхийний дор хаяж 30% нь ходоод гэдсэндээ гялгар уут агуулж байгаа гэнэ.

4. Дарвуулт загас

Дулаан устай бүх тэнгис далайн усанд байдаг хөх саарал өнгийн энэ загас дарвуул хэмээн нэрлэгдэх аварга том нурууны сэлүүртэй бөгөөд ангийнхаа араас энэхүү сэлүүрээ босгоод 112 км/цаг хүртэл хурдлах учир өөрийн төрлийн дотроос хамгийн хурданд тооцогддог.

5. Эгэл шонхор

Шонхрын ангийн зорилгоор эрчүүдийн хэдэн зууны туршид ашиглаж ирсэн энэ шувуу нь ан хийх үедээ өндөрт хөөрөн олзоо отох маягаар агнадаг ба өндрөөс доош шумбахдаа 321 км/цаг хүртэл хурдалдаг.

6. Цагаан хүзүүт ураацай

Эгэл шонхор нь ан хийх үедээ өндрөөс доош шумбаж шувуудын дээд хурдыг гайхуулдаг бол цагаан хүзүүт ураацай нь ердийн байдлаар буюу жигүүр дэвэн нисэхдээ 169 км/цаг хүртэл хурдалж чаддаг.