Дэлхийн хамгийн алдартай 10 шилдэг хөрөг зурагчдын бүтээлүүд

Нийтлэгч: Жаргал

Огноо: 2014/12/10

Total8
8

Субьектын зан араншин, хувийн шинж чанар, илэрхийллийг харуулж нэг хүний болон бүлэг хүмүүсийн зургийг авахыг хөрөг зураг авах гэдэг. Хөрөг зургийн чиглэлээр мэргэшсэн гэрэл зурагчин гэж байдаг бөгөөд энд бид бүтээл туурвил, гэрэл зургуудаараа өөрийн ур чадвар, туршлагыг илтгэн харуулсан дэлхийн шилдэг 10 хөрөг зурагчдыг танилцуулж байна.

1. Steve McCurry

Пакистаны Решавар дахь дүрвэгчдийн баазад авсан “Афган охин” зургаараа алдартай Steve McCurry-гийн энэхүү зураг нь Үндэсний газарзүйн хамгийн алдартай бүтээл болсон.

2. Lee Jeffries

Түүний орон гэргүй хүмүүсийн хар цагаан зургуудын цуглуулга үнэхээр гайхалтай. Тэрбээр субьектынхаа нүдэнд илэрсэн итгэл найдварын очийг гайхалтай харуулж чадсан.

3. Jimmy Nelsson

16 улс орнуудаар аялж, тус нутгийн уугуул иргэд болон овог аймгийн хүмүүсийн зургийг авснаараа алдартай энэ эрхмийн зурагнууд үлгэр өгүүлнэ.

4. Rehahn

Вьетнам, Ражастан, Куба улсуудад гэрэл зураг авахад ихэвчлэн анхаардаг энэ гэрэл зурагчныг субьектынхаа сэтгэл зүрхийг барьж чаддаг гэдэг.

5. Eric Lafforgue

Умард Солонгост авсан гэрэл зургуудаараа алдартай энэ зурагчинд зургийг нь авсан хүн бүрийнх нь түүх бий. Намибын овгоор амьдрагч иргэдээс эхлээд Курдистаны езидүүд хүртэл түүний гэрэл зургийн дуранд буусан бүхэн үнэхээр гайхмаар бөгөөд жинхэнэ сэтгэл хөдлөлийг харуулсан байдаг.

6. Manny Librodo

Фотошопын шидтэн гэгддэг Manny Librodo-гийн зурагнууд үлгэр домог өгүүлээд зогсохгүй урлагийн гайхалтай бүтээл байдаг.

7. Lisa Kristine

Дэлхийн уугуул иргэдийн зургийг авах талыг голчлон баримталдаг энэ гэрэл зурагчин бидний дотоод ертөнцөд цоожлогдсон гоо сайхан, өвөрмөц шинж, зовлон шаналлыг харуулахыг зорьдог.