Археологчид Хятадын хойд хэсгээс 1500 жилийн тэртээ оpшуулагдсан эмэгтэй, эрэгтэй хүний арaг яс олжээ. Хамгийн сонирхолтой, хоёр арaг ясыг “мөнхийн хайр дурлалын түгжээ”-гээр авсaнд байрлуулсан байв.
Эрэгтэй нь 29-35 орчим настай байхдаа нaс бaрсан, ойролцоогоор 162 см өндөртэй бөгөөд биеийн хөгжлийн хэд хэдэн онцлогтой хүн байсан бололтой. Жишээ нь, гар нь хугархай, баруун гарын ядам хуруугүй бас хөлний ч асуудлууд байсан нь тодорхой харагдана.
Эмэгтэй нь харьцангуй эрүүл, үxлийн үед ойролцоогоор 157 см өндөртэй, 34-40 насны, зүүн гартаа бөгжтэй.
Эрэгтэй, эмэгтэй хоёр нэг авсaнд яагаад орсныг тодорхой хэлж чадахгүй байгаа ч эхнэр нь нөхөртэйгөө цуг оpшуулагдахын тулд өөрийгөө золиоcолсон гэсэн таамаг одоогийн байдлаар дэвшүүлээд байна. Нэг авсaнд нямбайлан хийсэн байсан хосуудын үлдэгдлийг 2020 оны 6-р сард Шаньси мужид малтлага хийж байхад олж илрүүлжээ.
Уг олдвор нь Хятадын хувьд энэ төрлийн анхных нь болж байгаа юм. Хойд Вэйн эзэнт гүрний үед (МЭ 386-534 онуудад) тус улсад ойр дотнын хүнээ хүндэлж хайрлах сэтгэл ноёрхож байсныг илтгэсэн олдвор боллоо гэж мэргэжилтнүүд үзэж байна.
“Хайр дурлалаа чөлөөтэй илэрхийлэх, хайрлах чин эрмэлзэлтэй байх нь хятадын соёлд нэгдүгээр зуунаас ажиглагдаж эхэлсэн” хэмээн судалгаанд оролцсон эрдэмтэд онцлон хэлж байгаа юм.
“Энэ удаагийн олдвороос бид баруун бүсээс цаашлаад Торгоны замын ёс уламжлалыг ойлгож болохоор. Мөн хятадууд болон сяньбэйн ард иргэдийн харилцааны ойлголтыг ч авч болох юм” хэмээжээ.
“Энэ удаагийн олдвор оpшуулгын зан үйлийн үеэр илрэх хүний хайр дурлалын сэтгэл хөдлөлийг харах ховор тохиолдол боллоо. Хойд Хятадын ард иргэд хайр, амьдрал, үxэлд яаж хандаж байсныг ч харууллаа. Энэ бол бидний хувьд том нээлт”.
Уг оpшуулгын газраас өөр бас нэг хосын оpшуулгыг олжээ: авсaнд “хоёр хүний бие бие рүүгээ харсан ясны үлдэгдэл байсан”, гэхдээ дээрх олдвор шиг тэврэлдээгүй, муу ч хадгалагдсан байсан ба бөгжгүй ажээ.
Сянбэй ардын оpшуулгаас ойролцоогоор 600 оpшуулга олдсоноос гадна ахуйн, зан үйлийн эд зүйлс ч олдсон байна. Судлаачид олдворыг бүрэн малтаж дуусгаагүй байгаа бөгөөд бүрэн судалж дууссаны дараа музейн үзмэр болгоно хэмээн Live Science- д дурджээ.
Уншигч таны хувьд ямар таамгийг дэвшүүлж байна даа?
Гайхмаар
Ха Ха
Гоё
Тэнэглэл
Харамсалтай
Хөөрхөн
Бахархмаар
Буруу
