Темиртауд амьдардаг Казакстан залуу “Бэтмобиль”-ийн хуулбарыг бүтээжээ. 2005 онд дэлгэцнээ гарсан “Batman Begins” киноны шүтэн бишрэгч өөрийнхөө мөрөөдлийг биелүүлэхэд 3 жил зарцуулсан байна. Өөрийн босгосон машинаа одоо худалдаанд оруулахаар бэлдэж байгаа ажээ.
Хуулбар машиныг 425,000,000 тенге буюу бараг 1 сая орчим америк доллараар худалдаж авах санал ч ирж. Энэ нь ч хуулбар машины зах зээлийн үнэ буюу иймэрхүү машин 1 саяас 6 сая хүртэл ам.доллараар зарагддаг ажээ.
Бэтмобилийн их бие болон хүрээ нь металлаар хийгдсэн. Цонхнууд шилэн хавтан, харин хөдөлгүүр нь японы үйлдвэрийн V8 (1UZ-FE) ажээ. Хүчнээс шалтгаалан 256-300 км/ц хүртэл хурдлах чадалтай. Мөн автомат хурдны хайрцаг ч суурилуулжээ.
Автомашины обуд болон дугуй үнэхээр онцгой. Арын хоёр дугуй нь 44 инчнийн арзгар бол, урд хоёр дугуй нь 29 инчийн Mickey Thompson Sportsman Pro юм.
Евгений Бондаренко болон түүний бүтээсэн “Бэтмобиль”
Энэхүү “Бэтмобиль”-ийг худалдан авах хүсэл танд төрж байна уу?