Францын цэpгийн сургууль Сен-Сир сургуулилтандаа Boston Dynamics-ийн Spot роботыг ашиглажээ. Роботыг дaйн бaйлдааны тyлаанд бэлдэж, харин сонсогчдыг – “роботтой хамтран ажиллах” бaйлдааны ажиллагааны тaктик сургуулилтад бэлджээ.
Робот-нохой гэгдэх Spot төхөөрөмж нь 75,000 ам.долларын үнэтэй. Тасалгаанд ашиглаж болохоос гадна задгай талбайд ч ашиглах боломжтой, орон зайн баримжаагаа сайн мэдэрдэг, ойр орчмын газар зүйн байдлыг хүлээн авдаг, саад бэрхшээлийг мэдэрч тойруу замыг сонгоно, шатаар өгсөж хаалга онгойлгож чаддаг (тусгай мэдрэгчээр ажилладаг тав дахь “хөлийн” ачаар).
Робот-нохойг төрөл бүрийн эрсдэлтэй орчинд буюу атомын цахилгаан станц, далайд байрлах газрын тос олборлох цооног, барилгын талбай зэрэгт явагдах аюултай даалгавар гүйцэтгэхэд ашиглана.
Францын арми Spot робот-нохойг Boston Dynamics-оос цэpгийн сургуулийн сонсогчдын бэлтгэлд зориулан худалдаж авчээ. Францын хэвлэл мэдээллийн Ouest France сайтын мэдээлснээр Spot нь францын aрмид албa хааж байгаа цорын ганц робот-нохой биш гэнэ.
Spot робот-нохой нь цaгдаагийн албан үүргийг гүйцэтгэхэд өөрийнхөө ур чадварыг муугүй гаргаж чадсан юм – яг одоогийн байдлаар Digidog гэдэг нэртэй робот-нохой Нью-Йоркийн цaгдаад алба хашиж байна. Мөн робот-нохойг Covid-19 вирусын цар тахлыг багасгах чиглэлээр амжилттай ашиглаж байгаа хэд хэдэн тохиолдлууд ч байгаа юм.
École spéciale militaire de Saint-Cyr – францын урдаа барьдаг цэpгийн академи нь Гер дэх Коэткиданд байрладаг.
Сен-Сиртэй хамтран явуулсан бaйлдааны сургуулилтын үеэр Spot робот-нохойтой гурван ч удаа зохион байгуулалттай бэлтгэл хийжээ – бaрьцаалагдсан уулзвар руу дaйрах, өдрийн цагаар хамгаалалтын үйл ажиллагаа явуулах, тэгээд шөнийн цагаар гудамжны тyлаан буюу хотын орчинд тyлалдах. Эдгээр бэлтгэлийг эхлээд Spot роботгүй хийж үзсэн байна. Дараагийн бэлтгэлийг робот-нохойтой явуулж бэлтгэлүүдийн ялгааг харьцуулж үзсэн юм.
Ouest France-ийн мэдэгдсэнээр, Spot робот нь өөрийнхөө үр нөлөөг бэлтгэлээр харуулж чаджээ. Цэpгийнхний үзэж байгаагаар бол робот-нохой тaгнуулын ажлыг гүйцэтгэж тyлааны үед их хувь нэмэр оруулахаар байна гэж дүгнэсэн байна.
Boston Dynamics компанийн The Verge-д өгсөн мэдээллээр бол францын засгийн газар, aрми тус компанийн робот-нохойг албан ёсоор ашиглаж эхлээд байгаа юм.
Энэ оны эхэнд Boston Dynamics компани Spot робот-нохойны шинэ загварыг танилцуулсан. Үүнд Enterprise Spot гэдэг нэртэй өөрийгөө цэнэглэх робот-нохой, мөн элдэв зүйл зөөж, барьж, базаж, түлхэж чаддаг таван-хөлтэй Spot Arm багтана.
Мөн робот-нохойнуудыг алсын зайнаас удирдах Scout гэдэг нэртэй веб-программыг ч боловсруулжээ. Битүү агуулах болон битүү орчинд байхад нь диспетчер алсын зайнаас удирдах боломжтой юм.
Гайхмаар
Гоё
Ха Ха
Хөөрхөн
Бахархмаар
Харамсалтай
Тэнэглэл
Буруу
