Хэт их байцаа идэх нь түүнд агуулагдах хүний биеийн боловсруулах боломжгүй чихрийн найрлагаас үүдэлтэйгээр ходоодонд хий дүүргэж хэхрэх, зогьсох шалтгаан болдог. Харин зүүн талаараа харж унтах эсвэл йог хийх зэрэг нь гэдэсний гүрвэлзэх хөдөлгөөнийг нэмэгдүүлж, хоол боловсруулах эрхтэн тогтолцооны үйл ажиллагааг дэмжих үр нөлөөтэй байдаг ажээ. Түүнчлэн сэтгэл зүйн хямрал ч бас хоол боловсруулах тогтолцоонд сөргөөр нөлөөлж байдаг гэдгийг судалгаагаар тогтоогоод буй билээ. Манай сайт уншигч танд хоол боловсруулах үйл ажиллагааг дэмжих 10 зөвлөгөөг хүргэж байна.
1. Зүүн талаараа харж унтах
Ходоод болон нойр булчирхай хүний биеийн зүүн талд байрласан байдаг тул энэ талаараа харж унтах нь ходоодонд буй хүнсийг нарийн гэдэс рүү очиход хялбар болгож байдаг аж. Түүнчлэн ийн унтах нь нойр булчирхайн ферментийн ялгаруулалтыг ихэсгэж, цээж гашуу оргих мэдрэмжийг дарж байдаг байна.
2. Исгэлэн, эслэгээр баялаг хүнс хэрэглэх
Эслэг нь хоол боловсруулах эрхтний үйл ажиллагааг дэмжих давуу талтай. Эслэг нь жимс жимсгэнэ, шош, овьёос зэрэг хүнсний бүтээгдэхүүнүүдэд баялаг байдаг бөгөөд калори багатай, өөх тос, чихрийн агууламж багатай тул хэрэглэхэд нэн тохиромжтой. Мөн түүнчлэн сүү, сүүн бүтээгдэхүүнд агуулагдах ашигтай бактери гэдэсний гүрвэлзэх хөдөлгөөнийг дэмжиж, хоол боловсруулах эрхтэн тогтолцооны эрүүл мэндэд нэн тустай байна.
3. Боловсруулахад хүндрэлтэй хүнс хэрэглэхгүй байх
Бяслагтай бургер, шарсан хуурсан хоол хүнс болон пицца зэрэг нь ходоодонд олон цагаар байж, удаан задардаг тул гэдэс дүүрэх, хоолны шингэц муудах, булчин татах зэрэг шинж тэмдгүүд биед илэрдэг байна. Түүнчлэн шингэц муутай хүнс хэрэглэх нь анхаарал төвлөрүүлэхэд хүндрэл учруулж байдаг ажээ. Иймээс жимс жимсгэнэ, хүнсний ногоо, мах махан бүтээгдэхүүн зэргийг тогтмол хэмжээнд хэрэглэж байхыг зөвлөж байна. Гэхдээ байцаа зэрэг хүнсний зарим ногоонууд раффиноза гэх чихрийн нэгэн төрлийн нэгдлийг ихээр агуулдаг тул гэдэс дүүргэж, удаан боловсрох хандлагатай байдаг байна.
4. Аль болох сууж хооллож байхыг урьтал болгоорой
Алхангаа хооллох нь хүний ходоодыг суугаа байрлалд хооллохоос илүү хурдан хугацаанд суллаж байдаг тул хэт их идэх үндэс болдог ажээ. Харин сууж хооллоход цусны эргэлт илүү хурдан болж байдаг байна. Иймээс сууж хооллохдоо хөлөө ачиж суух нь цусны эргэлтийг саармагжуулж, хоол боловсруулах эрхтэн тогтолцоог хэвийн хэмжээнд барих үндэс болдог байна.
5. Усны хэрэглээгээ нэмэгдүүлэх нь өтгөн хаталтаас сэргийлнэ
Ус нь идсэн хүнсийг хялбархан задарч, бие шаардлагатай эрдэс бодисоо хурдан хугацаанд авах боломжийг өгдөг. Мөн олны дунд хооллох үеэдээ ус уух нь буруу гэсэн түгээмэл ойлголт байдаг. Гэвч энэ нь өрөөсгөл ойлголт бөгөөд ус уух нь гэдэсний гүрвэлзэх хөдөлгөөнд сайнаар нөлөөлж, өтгөн хаталтаас урьдчилан сэргийлэх үндэс болдог байна.
6. Йог хийх
Йог хийх нь биеийн тодорхой хэсгүүдэд цусны эргэлтийг нэмэгдүүлдэг бөгөөд өдөрт 15 минутын турш йогийн дасгал хийж хэвших нь хоол боловсруулах эрхтэн тогтолцооны үйл ажиллагааг дэмждэг байна. Тухайлбал, Marichyasana гэх байрлал нь хүнснээс хэрэгцээт шим тэжээлийг задалж авахад тусалдаг төдийгүй хэвлий орчмыг дотор эрхтнүүдийн үйл ажиллагааг нэмэгдүүлж, тархийг амраадаг аж. Харин Uttanasana хэмээх байрлал нь хүний биед олон талын ашигтай бөгөөд гэдэсний гүрвэлзэх хөдөлгөөнийг дэмжиж, хоол боловсруулах эрхтнүүдийн үйл ажиллагааг тогтворжуулж, биеийг бүхэлд нь амрааж, алжаал тайлдаг байна. Хэрэв та йог хийхээр шийдсэн бол өглөө хийх нь хамгийн үр дүнтэй байдаг гэдгийг танд зөвлөх байна.
7. Тогтмол цагт хооллож хэвших
Тогтмол цагт хооллож хэвших нь бие организмын үйл ажиллагааг тэнцвэржүүлж, хоол боловсруулах эрхтэн тогтолцоо хэрэгтэй үедээ ажиллах боломжийг бүрдүүлдэг байна. Хооллох тодорхой цаггүйн улмаас жин нэмэх зэрэг эрүүл мэндийг асуудлууд үүсдэг ажээ. Иймээс хэдий завгүй байсан ч тогтмол цагт хооллож хэвшихийг эрхэмлээрэй.
8. Бясалгал хийх
Хүний сэтгэл зүй хоол боловсруулах тогтолцоотой шууд холбоотой хэмээн өмнө дурьдсанчлан сэтгэл санаагаа засч, бясалгал хийх нь хоолны дуршлыг нэмэгдүүлэх, хоол боловсруулалтыг дэмжих зэрэг олон давуу талтай.
9. Амьсгалын 4-7-8 дасгалыг хийх
Энэ дасгал нь сэтгэл санааг тайвшруулж, сэтгэл хөдлөлийг дарах зэрэг олон нөлөөтэй ба мөн хоол боловсруулалтыг дэмжих ажээ. Энэ дасгалыг хийх тун хялбар бөгөөд та дараах 3 алхамыг дагахад л хангалттай. Амьсгалаа 4 секундийн турш гүн аваад 7 секунд амьсгалаа түгжиж бариарай. Үүний дараагаар амьсгалаа 8 секундийн турш маш тайвнаар гаргах хэрэгтэй.
Дээрх зөвлөгөөнүүд нь зөвхөн хоол боловсруулах эрхтэн тогтолцооны үйл ажиллагааг дэмжих үйлчилгээтэй гэдгийг анхаарна уу. Биед тань ямар нэгэн сөрөг шинж тэмдэг илэрч буй бол эмчид хандаж, үзлэгт орох нь хамгийн зөв сонголт гэдгийг танд зөвлөх байна.
Хоол боловсруулах эрхтэн тогтолцооны үйл ажиллагаагаа та хэрхэн дэмждэг вэ? Сэтгэгдэл хэсэгт бидэнтэй хуваалцаарай.
Хөөрхөн
Гоё
Бахархмаар
Буруу
Ха Ха
Гайхмаар
Харамсалтай
Тэнэглэл
