![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-112.jpg)
Сүүлийн үед хийгдэж буй олон зар сурталчилгаанууд хүмүүсийн бусдаас ялгаатай байдал, өөрийн бие галбиртаа сэтгэл хангалуун байх, арьс өнгөний үзлийн эсрэг болон хөгжлийн бэрхшээлтэй хүмүүс бусдын адил эрхтэй зэрэг тулгамдсан сэдвүүдээр хийгдэж буй билээ. Алдартай сэтгүүлүүдийн нүүрийг ч арьс өнгө, нас хүйс, бие галбираасаа үл хамааран нүүр бардам ихэмсэг харагдах моделууд чимэх болсон байна. Тэгвэл энэ зун Gucci брендийн өөрөөрөө байхын гоо үзэсгэлэнг харуулах зорилготой “Unconventional Beauty” төслийн нүүр царайгаар хөгжлийн бэрхшээлтэй нэгэн залуу модел тодорчээ.
1. Gucci
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-100.jpg)
Дауны синдромтой, 18 настай Ellie Goldstein үргэлж алдартай нэгэн болохыг хүсдэг байлаа. Тэрээр өөрийн эрүүл мэндийн байдлыг хэзээ ч өөрийнх нь мөрөөдлийн өмнө хөндөлсөхгүй гэсэн хатуу дүрэмтэй бөгөөд 15 настайдаа модел болохоор шийдсэн гэдэг. Нүүр будалтыг ихээр сонирхдог түүний үлгэр дуурайлал авдаг хүн нь Marilyn Monroe гэнэ.
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-101.jpg)
Vogue сэтгүүлийн нүүрэнд Ellie Goldstein Gucci брендийн Mascara L’Obscur бүтээгдэхүүнийг сурталчилжээ.
2. Burger King
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-102.jpg)
Энэхүү сурталчилгаа Бразил дахь сүлжээ түргэн хоолны газарт хийгдсэн бөгөөд нэгэн хараагүй эр бяслагтай бургерийг маш тааламжтайгаар идэж буйг харуулжээ.
3. Dove
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-103.jpg)
Dove бренд #ShowUs нэртэй төсөл хэрэгжүүлж буй бөгөөд хүссэн хүн бүр өөрийн гоо үзэсгэлэнг зургаар хуваалцаж энэ төсөлд нэгдэх боломжтой ажээ. Одоогоор энэхүү төсөл 10,000 орчим зургийг цуглуулаад байна.
4. Microsoft
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-104.jpg)
Энэхүү сурталчилгаа нь хөгжлийн бэрхшээлтэй хүмүүст зориулан гаргасан Xbox-ын гаранд зориулагдан хийгдсэн бөгөөд хөгжлийн бэрхшээлтэй хэдий ч тоглоом тоглох маш их хүсэл эрмэлзэлтэй хүүхдүүдийн тухай түүхийг өгүүлдэг байна.
5. IMAN Cosmetics
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-105.jpg)
Энэхүү компани нь өнгөт арьстай эмэгтэйчүүдэд зориулан гоо сайхны бүтээгдхүүн үйлдвэрлэдэг бөгөөд “Melanin Army” нэртэй Африк-Америк, Ази, Латин гаралтай өнгөт арьст бүсгүйчүүдэд зориулсан төсөл хэрэгжүүлж буй ажээ.
6. River Island
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-106.jpg)
River Island бренд #ThisIsFamily нэртэй гэр бүлийн олон янз байдлыг дэмжих хөтөлбөрийг танилцуулжээ. Тэдний зүгээс бусдад хүлцэнгүй, тэвчээртэй хандах болон хүн бүрийн эрх тэгш байх тал дээр бусдыг уриалан ажиллаж буйгаа мэдэгджээ.
7. Aerie
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-107.jpg)
Эмэгтэйчүүдийн дотуур хувцасны энэхүү бренд #AerieREAL нэртэй хөгжлийн бэрхшээлтэй хүмүүст чиглэсэн хөтөлбөр хэрэгжүүлж эхэлжээ. Aerie нь өөрийн нүүр царайгаараа хөгжлийн бэрхшээлтэй эмэгтэйчүүдийг сонгож, тэдний дуу хоолойг нийтэд хүргэхээр ажиллаж буй ажээ.
8. Procter & Gamble
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-108.jpg)
Уг компани “My Black is Beautiful” нэртэй арьс өнгөний үзлийн эсрэг хөтөлбөр хэрэгжүүлж байна.
9. Savage x Fenty
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-111.jpg)
Дуучин Rihanna-ийн эзэмшдэг энэхүү эмэгтэйчүүдийн дотуур хувцасны бренд #savagexthrivers нэртэй хөхний хүнд хэлбэрийн хорт хавдартай эмэгтэйчүүдэд туслах зорилготой хөтөлбөр хэрэгжүүлж байна.
10. Billie
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-109.jpg)
Billie брендийг “эмэгтэйчүүдийн илүүдэл үсээ ил гаргах анхны хутга” хэмээн нэрийддэг бөгөөд биеийн илүүдэл үсээ ил гаргасан зурагнуудыг сурталчилгаандаа ашигладаг байна. Энэ нь илүүдэл үсээ хусах эсэх нь хувь хүний сонголт гэдгийг харуулах зорилготой гэнэ.
11. Zebedee
![](https://news.xopom.com/content-mn/uploads/2020/08/XopoM.com-Gucci-брендийн-сурталчилгаанд-тоглосон-дауны-синдромтой-модел-болон-өөрөөрөө-байхын-сайхныг-харуулс-110.jpg)
Zebedee бренд нь хөгжлийн бэрхшээлтэй болон бусдаас өөр эмэгтэйчүүдийг нүүр царайгаа болгодог бөгөөд энэ нь загварын ертөнцөд тэгш байдлыг хангах үндсэн зорилготой ажээ.
Нийгмийн эмзэг бүлэгт чиглэсэн өөр ямар нэгэн төсөл хөтөлбөр эсвэл зар сурталчилгаа байдаг болов уу? Хэрэв та мэдэх бол сэтгэгдэл хэсэгт бидэнтэй хуваалцаарай.
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)
Oonoo Enkhtur
2020/08/13 at 22:13
Colgate iin reclamnd bas togloson ohin bn