Гоймон чанаж байгаа усандаа тос хийвэл наалдуулдаггүй гэж бодсон хэвээр л байна уу? Гэвч тийм тос хоолыг илүү муухай болгодог. Учир нь болсон гоймондоо соус нэмж хутгах үед тосны нөлөөгөөр сайн холилдохгүй. Ингээд таны хоол хүссэнээс тань өөр болж таны урмыг хугалах болно. Харин бид танд оройн хоолоо сүйтгэхгүй байх чухал зөвлөгөөнүүдийг хүргэхээр бэлтгэлээ.
1. Гоймон чанаж байхдаа ус руугаа тос хийдэг
Зарим хүмүүс гоймон чанаж байгаа усандаа тос хийдэг. Тэрхүү үйлдэл нь гоймонг наалдуулахгүй байх зорилготой. Гэвч хэрэв та гоймондоо соус холихоор төлөвлөж байгаа бол энэ тийм ч сайхан санаа биш юм. Учир нь тостой гоймонгийн наалдамтгай чанар буурч соустай холиход төвөгтэй болдог.
2. Гоймонгоо усанд дэвтээж, зайлдаг
Ихэнх хүмүүс гоймон чанасан халуун усаа шууд асгадаг. Гэвч усаа асгалгүй гоймонгоо хэсэг зуур байлгах нь хоолонд илүү амт оруулдаг байна. Хэрэв та соустай паста хийх гэж байгаа бол ус наалдамхай чанарыг нь нэмэгдүүлж, гоймон соус хоёрыг сайтар холилдоход туслах болно. Хэрэв гоймонг хүйтэн усаар зайлбал соус тогтохгүй урсах эрсдэлтэй.
3. Гоймонгоо хутгахгүй удаан байлгадаг
Гоймонгоо болсон даруйд нь сайтар хутгаж өгөх хэрэгтэй. Цардуулаг чанар нь бүрэн арилаагүй байдаг учир эхэндээ илүү наалдамтгай шинж чанартай байдаг.
4. Махыг гэсгээхгүй байх
Хоол хийхээсээ өмнө махаа хөргөгчөөс гаргаж өрөөний температурт гэсгээх хэрэгтэй. Хэрэв тэгэхгүй бол бүрэн гэсээгүй мах жигд бус болох, гадна тал нь түлэгдэж дотор тал нь түүхийрэх зэрэг эрсдэлтэй.
5. Хэрчихээсээ өмнө махаа амраадаггүй
Мах шарах үед шүүс нь голдоо төвлөрсөн байдаг. Тиймээс махаа зүсэхээсээ өмнө хэсэг хүлээвэл махны шүүс бүхэлдээ тархаж зөөлхөн, шүүслэг болно.
6. Будаагаа хутгадаг
Хэрэв та будааны зутан хийхгээгүй л юм бол будаагаа хутгахгүй байсан дээр. Үгүй бол цардуулаг чанар нь нэмэгдэж нялцгай болдог.
7. Будаа агшааж байхдаа тагийг нь онгойлгодог
Хэрэв та тогоонд будаа чанаж байгаа бол будаа бүрэн агшсан эсэхийг шалгахын тулд тагийг нь авах хэрэггүй. Хэрэв тэгвэл хий нь гадагшилж будаа түүхийрнэ. Мөн будаа болон усны харьцааг алдагдуулж аргуу болгодог.
8. “Extra virgin” оливын тосонд хоол шардаг
Extra virgin” оливын тос нь халуунд тэсвэр муутай. Тиймээс хэрэв ийм тосонд өндөр температурт хоол шарвал химийн бодис мэт үнэр ялгарна.
9. Загасны махыг хуурай байлгадаггүй
Хэрэв загасны мах нойтон байвал мах шарах үед уснаас болоод жигнэгдэж эхэлнэ. Тиймээс гадна талд алтан шаргал хайрс тогтохгүй гэсэн үг.
10. Ногоон ногоог нойтон байлгадаг
Та ногоонуудаа угааж дууссаныхаа дараа хатсан эсэхийг нь шалгах хэрэгтэй. Үгүй бол ус нь ууршиж, хоол болсны дараа хүнсний ногоо хэт нялцгай болох эрсдэлтэй. Мөн амтгүй болдог.
11. Нухсан төмсөнд хүйтэн цөцгийн тос хийдэг
Цөцгийн тосоо хайлуулахгүй хатуугаар нь хийвэл төмсний нухшинд бүрэн тархахгүй. Тиймээс цөцгийн тосоо хайлуулж байгаад хийвэл илүү сайхан амттай болно.
12. Нэг хайруулын тавганд хэт олон юм хийдэг
Хэрэв та олон хүнд хоол хийж байгаа бол нэг дор олон орц хамтад нь хийж болно. Нэг хайруулын тавганд хэтэрхий олон зүйл хийх нь хоолыг аргуу болгодог. Дулаан жигд тархах боломжгүй болгож, махны чийгийг багасгадаг.
13. Сармисаа хэтэрхий эрт хийдэг
Сармис хурдан түлэгддэг учир хамгийн эхэнд шарах нь тохиромжгүй. Түлэхгүйн тулд хоол гарахын өмнөхөн хийсэн дээр.
14. Саваа урьдчилж халаадаггүй
Ямар нэг зүйл шарахаасаа өмнө хайруулын тавгаа хэдэн минут халаах хэрэгтэй. Эсвэл таны шарж байгаа маханд тос нэвчиж, болцод нөлөөлнө.
15. Төмсөө шарахаасаа өмнө болгодоггүй
Хэрэв та түүхий төмс зууханд хийвэл гаднах хэсэг нь шарагдаж, дотор нь бүрэн болохгүй байх эрсдэлтэй. Тиймээс төмсөө шарахаасаа өмнө буцалж буй усанд хэсэг чанах хэрэгтэй.
Та эдгээр алдаануудыг гаргаж байсан уу? Хоол хийж байхдаа гаргаж байсан өөр алдаа байвал сэтгэгдэл бичиж хуваалцаарай.