Урт хугацааны үерхэл, хайр сэтгэлийн харилцаанд бүх зүйл сайхан өрнөхөд хүргэдэг хүчин зүйлсийн нэг бол хосуудын бие биедээ итгэх итгэл байдаг. Гэхдээ хэрхэн нэгэндээ итгэдэг гэдгээ мэдрүүлж, илэрхийлэх вэ? Үерхэл, хайр сэтгэлийн харилцааг цаашид үргэлжлүүлэхийг хүсэж буй хэн бүхний хайртай хүндээ заавал хэлэх ёстой 5 үг гэж байдаг байна. Ямар ч нөхцөлд, та эдгээр үгсийг сонсож чадахгүй бол та хоёрын харилцаанд багагүй асуудал ар араасаа ундрах болно!
“Чамдаа баярлалаа…”
Талархсан сэтгэлээ илэрхийлнэ гэдэг зөв зүйл, энэ нь таныг хайртай хүнээ үнэлж байгааг илтгэнэ. Хэрэв та хажуу дахь хүнийхээ талархаж байгааг мэдрэхгүй эсвэл баярласан сэтгэлээ илэрхийлсэн үгийг нь сонсохгүй байвал, таны хайртай хүн өөрөөрөө бахархагч эсвэл амин хувиа хичээсэн нэгэн байж болох тул, түүнд цагаа дэмий үрэх хэрэггүй л болов уу.
“Хайрт минь, би ингэж мэдэрч байна…”
Өөрийнхөө юу мэдэрч байгаа болон сэтгэл хөдлөлөө ил гаргаж, хэлэх нь эрүүл бас итгэлцэл дээр тогтсон үерхэл, хайр сэтгэлийн харилцааг бий болгоно. Хосуудын хувьд сэтгэл санаагаа хуваалцаж, ойр дотно байснаар аз жаргалтай болон эрүүл холбоог үүсгэдэг байна. Хэрэв таны хажуу дахь хүн танд сэтгэлээ нээхгүй байгаа бол, та хоёрын дунд итгэлцэл байхгүй байгааг илтгэхээс гадна төд удалгүй хосуудын дунд үүсээд байгаа хүйтэн хөндий харилцаа улам бэхжинэ гэсэн үг юм.
“Хайрт минь, би үүнд дургүй…”
Сэтгэл дундуур байгаагаа илэрхийлэх нь заавал байх ёстой зүйл. Ингэснээр таны хайртай хүн эсрэгээрээ асуудлыг шийдэх гэж өөрчлөгдөх, өөр арга зам хайхад хүрэх болно. Хэрэв та тогтмол сэтгэл хөдлөлөө нууж, юу мэдэрч байгаагаа хажуу дахь хүндээ хэлэхээс төвөгшөөдөг бол, та хоёр эрүүл бус харилцааг өрнүүлж байна гэж ойлгоход буруудахгүй.
“Чи минь үүнийг хүртэх эрхтэй…”
Танд чин сэтгэлээсээ хайртай хүн өөрийнх нь төлөө таны хийсэн бүх үйлдэлд талархах болно. Таньтай хамтдаа орчлон ертөнцийн жаргал, зовлонгийн алийг нь ч туулсан бай хамаагүй, түүнд цугтаа байх нь юу юунаас илүү аз жаргалтай байна. Гэхдээ хэрэв та эсрэгээрээ түүнийхээ хүсэл тэмүүллийг хязгаарлаж, байнга хажуу дахь хүнээ шүүмжлэх юм бол, өөрийгөө дураараа дургигч болгон хувиргаж байгаагийн шинж гэдгийг санаарай. Ийм хүний хажууд байхыг хүсэх хүн ховор учир, тэр нэг л өдөр өөрийг нь дэмждэг, урамшуулдаг, зоригжуулдаг хэн нэгэн рүү тэмүүлэхийг үгүйсгэхгүй.
“Чи минь гайхалтай харагдаж байна…”
Хэрэв таны хажуу дахь хүн цаг ямагт танд үгийн сайхныг хэлдэг бол, та үнэхээр азтай хүн юм. Учир нь хайртай хүмүүс нэгнээсээ сайхан үг харамлаж хэрхэвч болохгүй. Өдөр тутам нэгэндээ сайхан үг хэлж, сэтгэлийг нь сэргээж өгөх нь чухал. Та хоёрын гадуур гарахдаа өмсөх хувцаслалт хүртэл хоёр биед чинь хамаатай учир, нэгэндээ гоё сайхан харагдаж байгааг нь хэлэхээс бүү төвөгшөөгөөрэй.
Хэрэв та дээрх чин сэтгэлийн үгсийг хайртай хүнээсээ байнга сонсдог бол, та өөртэйгөө төгс нийцэх, таныг амжилт өөд хөтлөх жинхэнэ хайрттайгаа учирчээ. Та хоёрт аз жаргалын дээдийг хүсье!
Хөөрхөн
Гоё
Харамсалтай
Ха Ха
Гайхмаар
Бахархмаар
Тэнэглэл
Буруу
Tsetseg Tsetseg
2019/12/07 at 13:23
Яг л энэ бхгүй юу гайхалтай?????????