![](https://news.xopom.com/content-mn/uploads/2017/04/XopoM.com-iPhone-8-ийн-талаарх-хамгийн-сүүлийн-үеийн-мэдээллүүд-01.jpg)
iPhone утасны дараагийн загвар огцом өөрчлөгдөнө гэж байгаа. Жил бүрийн 9-р сард шинэчилсэн загвараа гаргадаг уламжлал тогтсон. iPhone 7S ба iPhone 7S Plus загварыг бид 9-р сараас эхлэн хэрэглэж эхлэх бөгөөд сайжруулсан буюу iPhone Edition загварыг ч хэрэглэх боломж байх шиг байна. Бидний хувьд iPhone 8 гэж ойлгоорой.
iPhone 8-ийн дэлгэц
Apple-ийнхан шинэ загвар дээрээ ажиллаж байгаа тухай ам дамжсан яриа гадуур их яригдаж байна. Шинэ загварын OLED дэлгэц – тод өнгөтэй, зай бага зарцуулдаг дэлгэц.
Хүрээгүй, дугуйрсан OLED дэлгэц нь диагоналиараа 5,8 инч байх ажээ. Дам яриагаар бол iPad-ийн сүүлд патентийг нь авсан True Tone гэх технологийг ашиглана. Орчны гэрэлтүүлгээс шалтгаалж өнгө нь өөрчлөгддөг дэлгэцтэй болох магадлал өндөр байна. Пикселийн хувьд өмнөх загварын iPhone-уудын хажууд өндөр үзүүлэлттэй байх болов уу.
iPhone-ийн корпус
Шинэ iPhone-ийн корпуст ч бас багагүй өөрчлөлтүүд орох ажээ: урд талын нүүр бүхэлдээ шилэн, харин арын нүүр ган төмрөөр хийгдэнэ. Дугуйрсан булангууд нь илүү чамин болж бидний мэдэх сонгодог iPhone утасны төрх мартагдахад хүрнэ.
Бас л нэг ам дамжсан яриа, Apple-ийн хурууны хээний мэдрэмжийг нэмэгдүүлж арын нүүрэнд ч хийх бололтой. Үүний тулд Touch ID технологийг ашиглаж, урд шилэн нүүрэнд ямар ч товч байхгүй болно.
iPhone 8-ийн камер
Утасны арын хэсэгт iSight гэх хос камерийг суурилуулж байгаа нь Apple-ийн түүхэнд бичигдэх үйл явдал болно.
Урд нүүрэнд байрлах селфи камерийн чанар ч мэдэгдэхүйц дээшилнэ.
iPhone 8-ийн гарах хугацаа
Онолын дагуу авч үзвэл, iPhone Edition–ийг iPhone 7S-ын дараагийн загвар гэж үзэх тул iPhone 8-ийг удаан хүлээлгэхгүй болов уу.
Өөрөөр хэлбэл, шинэ загварын iPhone нь iPhone 7s-тэй мөр зэрэгцэн хэрэглэгчдийн гар дээр ирэх болов уу гэсэн таамгийг тавиад байгаа юм. Тэгэхээр зунаас эхлээд сураг ажиг тавьж байхад болох байх аа.
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)