Автомашины алдартай брэндүүдээс гаргасан гар утаснууд

Автомашин үйлдвэрлэгч алдартай брэндүүд үйлдвэрлэлийн бусад салбарт ажилладаг компаниудтай хамтран ажиллаж, шинэ бүтээгдэхүүн гаргах явдал олон. Түүний дотроос бид гоёмсог загварын гар утасны цуглуулгыг сонгон хэрэглэгч та бүхэнд сонирхуулахыг хүслээ. Дэлхийд танигдсан алдарт автомашин үйлдвэрлэгч компаниуд болон тансаг зэрэглэлийн автомашины загвар зохион бүтээгчдийн шаргуу хөдөлмөрийн үр дүнд доорх гар утаснууд бий болсон байна. Өндөр үнэтэй материал, түүхий эдээр бүрдэн боссон эдгээр гар утаснууд нь сонирхолтой загвартайгаас гадна стандарт бус зарим нэгэн нэмэлт боломжуудыг агуулсан юм.

Онцгой, чамин загварыг эрхэмлэдэг германы Porsche брэнд болон францын Sagem компаний хамтын бүтээл болох доорх хоёр загварын гар утасны эхний загвар болох P9521 хэмээх дэлгэгддэг загвар нь 1200 орчим еврогоор худалдаалагдаж байгаа ажээ. Харин хоёр дахь загвар болох P9522 нь бүрэн мэдрэгч дэлгэцтэй бөгөөд эхний гар утасны үнийн хагасаар буюу 600 еврогоор худалдаалагдаж байна. Магадгүй доорх хоёр загвар нь бүхлээрээ хамгийн сүүлийн үеийн шинэ загварын бүтээл гэгдэхгүй байж болох ч эдгээрийн гол онцлог нь ер бусын чамин загвартайд оршиж байгаа юм.
Porsche Design P’9521

Porsche Design P’9522

Тайвань улсад байгуулагдсан олон улсын компьютер технологи болон цахилгаан хэрэгслийн Acer корпораци, италийн спорт машин үйлдвэрлэгч Ferrari компаний хамтарсан ажлын үр дүн болох Liquid E Ferrari Special Edition загварын гар утас нь Ferrari-гийн танил дотно бамбайг дүрсэлсэн тод улаан өнгийн корпустай бөгөөд сarbon fiber-ийн нарийн судлаар хүрээлэгджээ. Доорх утас нь тусгай дэлгэц амраагчууд, ханын цааснууд болон дуудлагын аянууд зэрэг функцуудтай юм байна.
Liquid E Ferrari Special Edition

Ascent Ferrari 1947 Limited Edition загварын гар утас нь Ferrari-гийн жаран жилийн ойд зориулан британийн тансаг зэрэглэлийн гар утас үйлдвэрлэгч Vertu компаниас 2007 онд гаргасан загвар юм. Ferrari GT загварын машинаас санаа авсан энэ загвар нь хар болон улаан өнгийн Ferrari арьсаар бүрхэгдсэн байна. Энэхүү загварыг гаргаснаас хойш хэдхэн сарын дараагаар Vertu компани бас нэгэн загварын гаргасан нь Ascent Ferrari 60 загвар байжээ.
Ascent Ferrari 1947 Limited Edition

Ascent Ferrari 60

Нэгдсэн вант улсын McLaren Group болон цахилгаан холбооны Vodafone компани нь хамтран ажиллаж, гоёмсог загварын гар утасны цувралуудаа гаргаж байгаа билээ. Ялангуяа 2007 оны Formula 1-д зориулан бүтээсэн загварууд нь McLaren-ы үндсэн өнгө болох улаан, мөнгөлөг, хар өнгийг голчилж, мөн нүүрэн талдаа Vodafone McLaren Mercedes гэсэн бичигтэй гарч байжээ. Эдгээр гар утаснуудын эхний хоёр загвар нь Sharp корпорацийг, сүүлийнх нь Samsung брэндийг төлөөлсөн байна.
The Vodafone McLaren Mercedes 770SH

The Vodafone McLaren Mercedes GX29

The Vodafone McLaren Mercedes SGH-Z720M

Британийн тансаг зэрэглэлийн спорт автомашин үйлдвэрлэгч Aston Martin компани, финляндын гар утасны Nokia брэнд нар Nokia 8800 Aston Martin Edition загварын гар утас гаргаснаа мэдэгджээ. Nokia 8800 загварын гар утасны тусгай давталт болох энэ загвар нь Aston Martin-ы логог лазераар сийлсэн ган төмөр их биетэйгээр хийгдсэн байна.
Nokia 8800 Aston Martin Limited Edition

Motorola Z8 маркын гар утасны техникийн үзүүлэлт, функцуудыг бүгдийг нь агуулсан Motorola Z8 Ferrari Limited Edition загвар нь 2008 онд гарчээ. Хар болон улаан өнгөний төлөвлөлт, Ferrari-гийн лого бүхий доорх гар утас нь Ferrari-гийн хоёр видео клип, Ferrari-гийн албан ёсны вэбсайтны урьдчилсан бүртгэл, Top Gear, Auto Express, GQ, Esquire, Autosport зэрэг онлайн сэтгүүлүүдийн линкүүд зэрэг төлөвлөлтүүдийг өөртөө агуулсан байна.
Motorola Z8 Ferrari Limited Edition

2009 оны сүүлээр танилцуулагдсан тансаг загварын доорх гар утас нь швейцарийн алдарт TAG Heuer брэнд, Lamborghini-ий хамтын бүтээл бөгөөд маш чамин загвартай ажээ. TAG Heuer Meridiist Automobili Lamborghini гар утасны гар бичмэл бүхий ган төмөр их бие нь тугалын арьсаар чимэглэгдэж, давхар дэлгэц нь 60.5 каратын сафир чулуу шигтгэмэлтэй юм. Lamborghini-ий үүсгэн байгуулагдсан явдлыг дурсан хүндэтгэсний үүднээс хийгдсэн доорх гар утас 5750 фунт стерлингээр үнэлэгдэж байгаа юм байна.
TAG Heuer Meridiist Automobili Lamborghini

2007 онд ASUS брэндээс гаргасан ASUS P526 Mercedes-Benz Limited Edition Windows Mobile Smartphone утас нь гадар гэрэн дээрээ Mercedes-Benz-ийн логотойгоор ердөө 699 хувь хийгдсэн байна. Yүний 399 ширхэг нь Mercedes-Benz-ийн тусгайлан хийсэн цэвэр арьсан дотортой бэлэгний хайрцагтайгаар худалдаанд гарчээ.
ASUS P526 Mercedes-Benz Limited Edition Windows Mobile Smartphone

Францын Modelabs хэмээх дизайны компаниас 2007 онд гаргасан Hummer HT1 загварын гар утас нь функцын хувьд жирийн гар утастай адил боловч өнгөний хувьд шараас эхлээд дайны ногоон өнгө хүртэл янз бүрийн өнгөтэйгээр хийгдсэн байна.
The Hummer HT1

2008 онд японы Nissan брэнд дэлхийн хамгийн анхны өвөрмөц түлхүүр бүхий гар утас гаргаснаа мэдэгдсэн нь дараах загвар бөгөөд түлхүүрийн систем нь хөдөлгүүрийг асаах унтраах, автомашины хаалгыг хаах нээх зэрэг автоматаар ажилладаг технологийг ашиглан хийгджээ. Энэхүү гар утсыг бүтээх тал дээр Nissan болон Sharp брэнд хамтран ажилласан байна.
Nissan Mobile Phone with Intelligent Key

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!