Шинээр бүтээгдсэн гайхмаар 30 бүтээгдэхүүн

Нийтлэгч: Лука

Огноо: 2013/11/20

Total0
0

Шинээр бүтээгдэж байгаа бүхэн хүн төрөлхтний тусын тулд зориулагдсан байдаг. Тэдгээр бүтээлүүдийн зарим нь бүтээгдсэн даруйдаа олны хүртээл болж, хэрэглэгчдийн таашаалыг маш ихээр хүлээсэн нэн ашиг тустай бүтээгдэхүүн болдог байхад зарим нь “Ийм зүйл байдаг юм уу?” гэж гайхмаар маш хачирхалтай загвар дизайн, шийдэлтэй бүтээлүүд болсон байдаг. Дараах 30 бүтээгдэхүүн нь үнэхээр хачирхмаар боловч хүний өдөр тутмын амьдралыг хөнгөлчлөх, амар хялбар болгохоор зохион бүтээгдсэн зүйлүүд юм.

1. Доторх шингэнээ өөрөө хутгадаг аяга

Энэхүү self-stirring mug нэртэй аяганы тухай мэдээллийг бид урьд нь та бүхэнд хүргэж байсан билээ. Уг аяга нь дотроо байгаа цай, кофе мэтийг өөрөө хутгаж найруулах учир ямар ч халбаганы хэрэггүй юм.

2. Тагтны гүүрэн цэцгийн сав

Орчин үеийн амьдралд орон зайг зөв, ухаалаг ашиглах нь маш чухал зүйл болсон. Хэдий цэцэг ургамалд дуртай ч тэдний ваар савыг байрлуулах орон зай хомс болсон энэ цаг үед цэцгийн сав ч бас ухаалаг болжээ.

3. Биолайт /Biolite/ майхны зуух

Зуухандаа мод шатааж, гал гаргах зуураа гар утсаа цэнэглэх боломжийг олгосон Биолайт зуух.

4. Компьютерын лазер гар

Ямар ч гадаргууг компьютерын гар болгон хувиргах боломжтой болжээ. Энэ гар нь айПад /iPad/, гар утас зэрэг ямар ч төхөөрөмжтэй блютут /bluetooth/-ээр холбогдоно.

5. Унадаг дугуйны дохио

Үзэгдэх орчинг сайжруулахын зэрэгцээ аюулгүй байдалд сайнаар нөлөөлөх энэхүү дохио нь эргэх чигийг заагчийн үүргийг давхар гүйцэтгэнэ.

6. Хурууны хээ танигч сейф

Нэн чухал зүйлсээ найдвартай хадгалах боломж

7. Нэг цул болон нэгддэг хутганы цуглуулга

Шинэ гэр бүлд бэлэглэх дэгжин бэлэг

8. Үнэр шүүгч дотуур хувцас

Санамсаргүй хий алдсан ч санаа зовох хэрэггүй. Учир нь карбон фибер технологи ашиглан бүтээгдсэн энэ дотуур хувцас үнэрийг огтхон ч гадагшлуулахгүй гэдэгт итгэж болно.

9. Рептор /Raptor/ малгайтай цамц

10. Цөцгийн тосны халдаг хутга

Цөцгийн тосоо хөргөгчнөөсөө гаргахаа мартчихсан байна уу? Санаа зоволтгүй. Царцсан тосыг халдаг хутга төвөггүйхэн хайлуулчихна.

11. Хувийн цахилгаан шат

Ямар ч айлын хувийн сууцанд тохирох хувийн цахилгаан шат

12. Автоматаар наалддаг мэдээллийн самбар

Хэрэгтэй зүйлсээ нааж тогтоодог самбарт хүн бүр дуртай. Гэхдээ ердийн самбарнаас ялгаатай нь энэ самбар дээр шаардлагатай зүйлээ тогтооход ямар нэг зүү, наадаг тууз хэрэггүй. Жастик /Justick/ нэртэй энэ самбар хэмжээний хувьд янз бүрээр хийгджээ.

13. Гал тогооны сейф