Японы Миязи мужийн засаг захиргаанаас нисгэсэн дроны тусламжтайгаар ой модон дунд тойрог байдлаар ургасан хуш моддыг олж илрүүлжээ. Энэ тойрог хаанаас, ямар учиртай гарч ирэв?
Энэ үзэсгэлэнтэй дүр төрх маш энгийн тайлбартай. Ямар нэгэн далдын эсвэл харь гарагтай холбоотой зүйл огтхон ч байхгүй.
Миязи муж хуш модоороо улсдаа алдартай юм, тийм ч учраас Нитинан хотын ойролцоох ой модонд тус бүс нутгийн хуш модны нэгэн төрөл болох Оби-суги ургадаг ажээ.
Нууцлаг тойрог 45 жилийн тэртээ хэрэгжүүлсэн ой модны аж ахуйн хөтөлбөрийн үр дүн ажээ.
Эрдэмтэд Оби-суги төрлийн хуш модыг зориуд тойрог байдлаар суулгаж модны ургалт ой модны нягтшилд хэрхэн нөлөөлж байгааг судлахыг зорьжээ.
Хуш модны тойргийн диаметр ойролцоогоор 70 метр орчим, тойрог гадагшлах эгнээ болгонд ойролцоогоор 12 мод байгаа юм.
Уншигч та энэ зургуудыг анх хараад ямар учиртай тойрог гэж бодсон бэ?