Дэлхийн томоохон хот суурин газруудын хана туурга нь улс төрийн үйл ажиллагааг сэдэлжүүлэх томоохон талбар болох нь бий. Урлаг тэр дундаа гудамжны урлагаар дамжуулан ард иргэд болон улс төрийн эрх баригчдад илгээх мессэжийн талбар болдог гудамж талбай, хана туурга болон граффит нь хүрээлэн буй орчин, цаг уурын өөрчлөлтийн тухай мессэжийг түгээх төгс талбар юм.
Гудамжны урлаг нь энгийн уриа лоозонгууд болон өдөөн хатгасан зургуудыг түгээх чухал бөгөөд сэдэл авахуйц санаануудыг санахад хялбар байдлаар харуулж чаддаг. Энэхүү урлаг нь хүмүүсийг үйл хөдлөлд уриалан дуудаж, ядаж л тэдний мартчихсан байж болох чухал асуудлуудыг сануулж байдаг.