Дэлхийд алдартай BMW брэнд автомашинаа зогсоолд тавих дургүй жолооч нарын хувьд тун таатай нэгэн санааг ажил хэрэг болгохоор ажиллаж байна. Remote Valet Parking Assistant хэмээн нэрлэгдсэн энэхүү төсөл нь ганцхан товчлуур дарахад машин өөрөө зогсоолд зогсох, эзэмшигч дээрээ эргэн ирэх боломжийг бүрдүүлж байгаа аж. Ухаалаг бугуйн цаганд өгсөн аман командаар машин зогсоолоос хөдөлж, гарах хаалган дээр ирэх энэхүү төслийг тус компаний Мюнхенд байрлах салбарт туршигдаж байгаа юм байна.
Энэхүү технологи нь GPS-ийн оронд виртуал газрын зураг үүсгэх 4 лазер сканнер ашигладаг байна. Жолоочийн хувьд зөвхөн машинаасаа буугаад товчлуур дарахад л болно. Технологийн бас нэгэн давуу тал нь сул зогсоолыг машин өөрөө олох чадвар бөгөөд мөргөлдөөнөөс хамгаалах 360 хэмийн программтай. Мөн ямар нэгэн тусгай зогсоол шаардахгүй, одоо ч байгаа энгийн зогсоолуудад ажиллах боломжтой. BMW-гийн зүгээс энэ системээ зах зээлд гаргах хугацаагаа хараахан зарлаагүй байна.