Хүүхдүүдийн зурсан зургаар чихмэл тоглоом хийдэг тоглоомын компани

Хайртай үрийнхээ зурсан ямар нэгэн амьтны зургийг чихмэл тоглоом болгоод бэлэглэвэл бяцхан Пикассо чинь ямар их баярлах болоо? Яг энэ талаас нь бодсоны үндсэн дээр Флорида дахь Budsies тоглоомын компани хүүхдүүдийн уран сэтгэмжээр дүүрэн урлагийн бүтээлийг чихмэл тоглоом болгон бүтээх болжээ. Хүүхдүүдийн зурсан зургаар зогсохгүй гэрэл зураг, бодит хүмүүсийн дүр бүхий чихмэл тоглоомыг ч бүтээдэг байна. Учир нь томчууд хүртэл зурсан зураг эсвэл гэрэл зургаа тоглоом хэлбэрээр бүтээлгэхээр зургийг нь илгээх болжээ.

Budsies-ыг үндэслэгч Alex Furmansky хэлэхдээ энэхүү санаагаа одоо 13 настай дүү охин Michelle-ийн зурсан зургууд хөргөгчин дээр хэсэг байсны дараа зоорин дахь хайрцганд цуглуулагдаж, эцэс нь хогийн сав руу шидэгдэж байгааг анзаарснаас эхтэй гэжээ. Мөн хүүхэд насны хачирхалтай бүтээлүүдийн мөнх амьдрах боломж нь чихмэл тоглоом гэсэн байна.

Michelle охин Dongler нэртэй өөрийн анхны Budsie-г тэврэн зогсож байгаа нь энэ юм. Энэхүү дүр тус компаний сахиус болжээ.

Захиалагчдын илгээсэн зургийн дагуу чихмэл тоглоом хийхдээ тэд зэгсэн анхааралтай ханддаг төдийгүй бэлэн болсон тоглоомыг илгээхийн өмнө уг тоглоомын найдвартай, аюулгүй, бат бөх байдлыг тусгайлан шалгадаг байна. Хэрвээ хангалттай бус гэж үзвэл гологдол болгон хаяж, дахин шинээр хийдэг аж. Тэдний нэг бүтээл дээр ажиллах хугаца 8 хүртэл долоо хоног байдаг учир захиалагчдын хувьд бага зэрэг тэвчээр гаргах хэрэгтэй болдог байна.

Furmansky-гийн хэлснээр Budsies үйл ажиллагаагаа эхэлсэн цагаас хойш маш олон эрүү мултармаар бас нулимс хоолойд тормоор үйл явдлуудтай тулгарч байсан гэнэ. Тэд эмчилгээ хийлгэж байгаа хүүхдэд, алба хааж байгаа армийн албан хаагч аавын хуулбарыг тэр ч бүү хэл хавдартай өвчтөнд ээжийг нь супер баатруудын нэг байдлаар бүтээж өгч байжээ.

“Утасны дуудлага, гэрэл зураг, Budsies гэр бүлийн амьдралд хэрхэн хүрч байгааг харуулсан бичлэг зэрэг нь миний хувьд энэ төслийг үнэхээр амьд зүйл болгосон.” хэмээн Furmansky өгүүлж байна.

3

Гоё

1

Тэнэглэл

1

Бахархмаар

1

Гайхмаар

1

Хөөрхөн

0

Ха Ха

0

Харамсалтай

0

Буруу

Баярлалаа!