1-р сарын зурхай: 2021 оны эхний сар таныг юу хүлээж байна вэ?

4
0
24,498

Шинэ он айлчлан ирлээ. Бүх зүйлс цоо шинэ мэт мэдрэгдэж байгаа биз дээ? Хүн бүрийн хувьд шинэ он бүгдийг шинээр эхлэх хүсэл тэмүүлэл авчирдаг. Тийм ч учраас бид өмнөө тодорхой зорилгуудыг тавьж, тэдгээрийг биелүүлэхийн тулд шинэ оны эхний сараас ханцуй шамлан зүтгэдэг. Тэгвэл 1-р сард биднийг ямар зүйлс хүлээж байгаа бол? Бодож санасан зүйлс биелэлээ олж чадах болов уу? Юуг илүү их анхаарвал зохих вэ? Энэ мэт асуултуудын хариулт болгож, бид та бүхэнд 2021 оны 1-р сарын зурхайг хүргэхээр бэлдлээ.

Хонь

Энэ сар таны өмнө олон сорилтууд гарч ирнэ. Үр дүнд нь та өмнөө тавьсан зорилгодоо хүрэх болон хайртай, дотнын хүмүүстээ цаг гаргах нь ямар чухал болохыг ойлгоно. Үл ойлголцол, ээдрээтэй харилцаа энэ сарын турш давамгайлах бололтой.

Гайхшрал төрүүлэхүйц мэдээ ар араасаа сонсож мэдэхээр байна. Тэдгээрийн зарим нь таны амьдралд бараан дурсамж үлдээхийг үгүйсгэхгүй. Хайртай хүнтэйгээ илүү ойр дотно байж, тулгараад байгаа асуудлуудаа хамтдаа ярилцах гээд үзээрэй. Тоохгүй орхивол, ирээдүйд та хоёрын харилцаа улам доройтох болно. Замынхаа голоос шантарч, эргэж буцмаар санагдах үе нэг биш удаа тохиолдохыг од эрхэс сануулж байна.

 

Үхэр

Өнөөдрийг хүртэлх хугацаанд оруулсан хөрөнгө оруулалт чинь үр шимээ өгөх цаг иржээ. Энэ бол таны 1-р сард сонсох хамгийн сайн мэдээ. Гэхдээ ажлын хамтрагчтайгаа үл ойлголцсоноос болж, хэсэг хугацааг бухимдалтай өнгөрүүлж мэдэх нь. Энэ явдлаас аль болох сургамж авч, хойшдоо алдаагаа дахин давтахгүйг хичээх нь чухал.

Дотор хүнтэйгээ заримдаа ярилцах нь гарах гарц олоход тусалдаг гэдгийг ойр дотнын чинь хэн нэгэн танд ойлгуулах болно. Энэ сар Үхрүүдийн бүтээлч сэтгэхүй идэвхтэй байх бөгөөд гайхалтай санаанууд төрнө. Ажил мэргэжлийн талбарт анхаарал болгоомжтой байх хэрэгтэйг санаарай. Танд өс санасан хүмүүс эргэн тойронд чинь байгаа гэдгийг мартаж болохгүй. Итгэж болох хүмүүстэйгээ ярилцаж, сэтгэл санаагаа уудлаарай.

 

Ихэр

1-р сард таны ашиг орлого багагүй нэмэгдэх нь. Энэ нь таны ирээдүйд томоохон хөрөнгө оруулалт болно. Хайртай дотнын хүмүүсийнхээ зөвлөгөөг үл хайхралгүй сайтар сонсоорой. Ингэснээр өмнөө тулгарах асуудлыг төвөггүй давж гарч чадна.

Уулзалгүй удсан сайн найз чинь тантай эргээд холбогдох бөгөөд таны амьдралд инээд, баяр хөөр авчрах сайхан мэдээг дуулгана. Таны тусламж бусдад хэрэг болох юм бол, цааргалалгүй тусламжийн гараа сунгаарай гэж зөвлөе. Мөнгө санхүүтэй холбоотой ямар нэгэн асуудал энэ сар танаас ангид байх боловч, ашиггүй зарлага гаргахаас болгоомжилно уу.

 

Мэлхий

Нөр их хичээл зүтгэл гаргасны чинь шагнал энэ сар танд ирэх бололтой. Шинэ оныг амжилт бүтээлээр эхлүүлж байгаа учраас сарын турш эрч хүч, урам зоригоор дүүрэн байна. Хайртай хүн чинь танд сэтгэл түгшээсэн мэдээ дуулгаснаас болж, ээдрээтэй асуудлууд ар араасаа таны амьдралд тохиолдох нь.

Мэдлэг чадвар хүрэхгүйгээс болоод ажил мэргэжлийн талбарт том алдаа гаргах эрсдэлтэйг анхаараарай. Мэдэхгүй зүйлээ мэддэг юм шиг бардамнахын оронд шинэ зүйлс сурч мэдэж, арвин туршлага хуримтлуулах хэрэгтэйг од эрхэс сануулж байна. Гэр бүлийнхэндээ урьд өмнөхөөсөө илүү их цаг зарцуулахад гэмгүй. Санхүүгийн хувьд энэ сар тогтвортой орлоготой байна.

 

Арслан

Цэвэр агаарт гарч, оюун санаагаа цэгцэлж, ирээдүйн төлөвлөгөөгөө гаргахад 1-р сар хамгийн тохиромжтой цаг үе. Танд эргэлзээ төрүүлж байгаа сөрөг бодлуудаа бүгдийг нь толгойноосоо авч хаяарай. Өнгөрсөн хугацаанд амьдралаас сурч мэдсэн бүх зүйлсээ яг одооноос эхлэн хэрэгжүүлбэл, богино хугацааны дараа өмнөх зам чинь дардан болж ирнэ.

Хайртай хүнтэйгээ романтик харилцаатай байж, цагийг хамтдаа аз жаргалтай өнгөрүүлэх нь. Гэхдээ хэзээ, юу гэж хэлэхээ сайтар ухамсарлахгүй бол, хажуу дахь хүнийхээ сэтгэлийг шархлуулж мэднэ. Ажлын хамтрагчтайгаа үл ойлголцож, карьераа үгүй хийхээс болгоомжлоорой. Хэрэв таагүй уур амьсгал үүсвэл, тэр дор нь учир зүйгээ ололцохыг хичээгээрэй.

 

Охин

Энэ сар дотор хүнтэйгээ сайтар ярилцаж, хэн болохыг, юу хиймээр байгаагаа болон ирээдүйгээ төлөвлөх нь юу юунаас илүү чухал. Олон сарын турш дотроо нууцалсаар ирсэн далд хүслээ ил гаргаж ирэх цаг нэгэнт иржээ. Санхүүгийн эрх чөлөөнд хүргэж байвал, хүнд хэцүү ажлыг ч гэсэн гололгүй хийх хэрэгтэй.

Гэр бүлийнхэнтэйгээ сарын турш ээдрээтэй харилцаатай байх бололтой. Энэ чигээр нь орхивол, танай гэрийн уур амьсгал энэ жил өөрчлөгдөхгүй байх сөрөг талтай. Тиймээс гэр бүлийнхээ гишүүдийг хооронд нь баяр баяслаар холбож өгөх гүүр нь болж өгөөрэй. Сарын сүүлээр гайхалтай боломж хаалгыг чинь тогших болно. Энэ боломжийг салхинд хийсгэлгүй ашиглаж чадвал, амжилт тантай маш ойрхон байна.

 

Жинлүүр

1-р сарыг аль болох гэр бүлийнхэнтэйгээ өнгөрүүлэхийг хичээгээрэй. Мөн найз нөхөдтэйгөө холбоо барьж, сонин сайхнаа хуучлахад гэмгүй. Хайртай дотнын хүнтэйгээ хэрэлдэж, маргалдахаас сэргийлээрэй. Асуудал үүслээ гэж бодоход тэр даруйд нь эвлэрэхийг хичээхгүй бол, та хоёрын харилцаанд гүн ан цав бий болохыг үгүйсгэхгүй.

Энэ сар Жинлүүрүүдийн амьдралд муу гэхээсээ илүү сайн мэдээнүүд ар араасаа тохиолдоно. Шийдвэр гаргах чухал мөч ирэх үед сэтгэлийн хөөрөлдөө автаж, яарч шийдвэр гаргаж болохгүйг санаарай. Сарын дундуур хайртай, дотнын хүнтэй чинь холбоотой баяртай мэдээ дуулдах болно.

 

Хилэнц

2021 оны эхний сараас эхлээд таны бодож, төлөвлөсөн зүйлс нэг нэгээрээ биелэх бололтой. Ажлаа солих гэж байгаа бол, энэ сар хамгийн тохиромжтой гэдгийг хэлэх хэрэгтэй болов уу. Ашиггүй зарлага гаргахаас болгоомжлоорой.

Өнгөрсөнд болоод өнгөрсөн зүйлсийг оюун санаанаасаа авч хая. Эс бөгөөс таны амьдралын зам буруу тийшээ чиглэх эрсдэлтэйг санахад гэмгүй. Өнөөдрийг хүртэлх хугацаанд хуримтлуулсан туршлагынхаа ачаар гайхалтай ажлын санал сонсож магадгүй. Гэхдээ яарч шийдвэр гаргах хэрэггүй гэдгийг од эрхэс анхааруулж байна.

 

Нум

Болж өгвөл гэр бүл эсвэл дотнынхоо найз нөхөдтэй хамт ойрхон агаар салхинд гарахыг зөвлөе. Энэ бол таны хувьд 2021 оныг хамгийн сайхнаар эхлүүлж болох сонгодог хувилбар. Ингэснээр та мөнгө санхүүтэй холбоотой асуудлаас ангижрах гайхалтай санааг бодож олох болно.

Энэ сар идэж, ууж буй зүйлсдээ онцгойлон анхаарч, эрүүл мэндээ хайхрахгүй өнгөрч хэрхэвч болохгүй гэдгийг хэлье. Энэ жил та олон шинэ танилтай болох бололтой. Танилын хүрээ нэмэгдэх нь амьдралд ашиг тустай байдаг учраас бусадтай аль болох нээлттэй харилцаарай. 1-р сард хөрөнгө мөнгөтэй холбоотой толгой өвтгөсөн асуудлууд ар араасаа ундрах учир, үүнд сэтгэл санаагаа бэлэн байлгаарай.

 

Матар

Өөртөө цаг, зав гарга. Ирээдүйд юу хийхээр төлөвлөж байгаагаа эргэцүүлж, шинэ төсөл санаачилж, түүнийгээ хэрэгжүүлэхийн тулд одооноос хөдөлмөрлөж эхэл. Гайхалтай гэнэтийн бэлэг авах дуртай биз дээ? Энэ сар таны амьдралд яг л тийм зүйл тохиолдоно. Гэхдээ зарлага чинь орлогоосоо давж мэдэхээр байгааг сануулъя.

Өөрт хэрэгтэй зүйлдээ цаг хугацаа болон хөрөнгө мөнгөө зарцуулахад суралцаарай. Сэтгэл санаа түгшээсэн хэд хэдэн асуудал сонсогдож мэдэх ч, хэт их сэтгэл хөдлөлөө автахгүй байж чадвал, гарах гарц олж чадна. Амжилтад хүрье гэж бодож байгаа бол, ямар ч саад бэрхшээл тулгарсан бай, урагшлах хэрэгтэйг од эрхэс санууллаа.

 

Хумх

Хувийн нууцаа бусдад дэлгэснээс болж, нэр хүнд болон бусдын таныг гэх хүндэтгэлийг алдах эрсдэл үүсэж мэднэ. Энэ сар таны амьдрал бүхэлдээ өөрчлөгдөнө эсвэл өмнө нь ямар байсан яг тэр чигээрээ үргэлжилнэ. Өөрчлөлт мэдээж хэрэг танд эерэг үр дагаврыг авчирна гэдгийг хэлье.

Хамаатан садан эсвэл ойр дотнын хүмүүстэйгээ хэрүүл тэмцэл хийхээс зайлсхий. Сэтгэл санаагаа тавгүйтүүлж, бусдын хар бараан үгсийг сонсох нь сайн зүйлд хөтлөхгүй. Сарын дундуур хайртай хүнээсээ болж сэтгэл санааны хямралд орж мэдэхээр байна. Гэхдээ энэ сөрөг мэдрэмж тийм ч удаан үргэлжлэхгүй.

 

Загас

Зугаа цэнгэл, хоббиндоо хөтлөгдөж болох ч, төлөвлөгөөгүйгээр ямар нэгэн эрсдэлтэй зүйл хийхээс болгоомжлоход гэмгүй. Найзууд дунд чинь танд худал мэдээлэл өгч, асуудал үүсгэж мэдэх хэн нэгэн байгаа тул анхааралтай байгаарай. Бусдад тааруулж, нийцүүлж амьдрахын оронд өөрөө өөртөө таалагдаж амьдрах цаг ирснийг санахтун.

Өмнө чинь илүү өндөр хариуцлага гарч ирэх бөгөөд үүнд эртнээс сэтгэл санаагаа бэлд. Ажил мэргэжлийн талбарт амжилт бүтээлээр арвин байх боловч, шаардлагагүй хэрүүл маргаанаас болж, орлогын эх үүсвэрээ алдах эрсдэлтэйг бүү мартаарай. Дээд удирдлагатайгаа үл ойлголцох нь нөхцөл байдлыг дэвэргэнэ гэдгийг ойлгоорой.

5
ГайхмаарГайхмаар
5
ГоёГоё
3
ХөөрхөнХөөрхөн
2
ХарамсалтайХарамсалтай
1
БахархмаарБахархмаар
1
Ха ХаХа Ха
0
ТэнэглэлТэнэглэл
0
БурууБуруу
Баярлалаа!

Фейсбүүк сэтгэгдэл

4 Сэтгэгдэл

  1. Taiwanbaatar Taiwanaa

    Taiwanbaatar Taiwanaa

    2021/01/01 at 22:37

    tegheee ni aigaad bwal ungach ch bolohgvi boloh bailgvi

  2. Ganzorig Anu

    Ganzorig Anu

    2021/01/02 at 06:08

    О. Заяа mi nz zurhaigaa unshaarai salhi ntrt l gar gd bh shg bn 😂

  3. Tsendee CH

    Tsendee CH

    2021/01/02 at 18:47

    Цэкүү Цэкүү

  4. Misheel

    2021/01/04 at 16:27

    Мэлхий

Сэтгэгдэл бичих

АНХААР! Та сэтгэгдэл бичихдээ хууль зүй болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд XopoM.com хариуцлага хүлээхгүй.