Индонезийн загасчид барьсан акулаа цэвэрлэж байгаад хэвлий дотроос нь нэг нүдтэй зулзага олжээ. Цагаан өнгийн биетэй, ганц нүдтэй энэ амьтныг харсан загасчид маш их гайхаж балмагдсан байна

• Индонезийн Малуку мужийн хэсэг загасчид нэг нүдтэй акулын зулзага барьжээ.
• Удалгүй тэд үүнийгээ тэнгисийн цэргийнхэнд дуулгасан байна.
• Тэдний хэлж буйгаар акулын хэвлийг цэвэрлэх үед ганц нүдтэй загас хэвлийгээс нь амьгүй олдсон гэжээ.

Эртний үлгэр домгийг санагдуулам энэ загас Индонезийн Малуку мужаас олджээ. Цагаан өнгийн биетэй, ганц нүдтэй энэ амьтныг харсан загасчид балмагдаж орхисон нь лавтай.

Эх сурвалжийн мэдээлснээр энэ загас акулын хэвлийг цэвэрлэхээр задлах үед гарч ирсэн ажээ. Загасчид түүнийг харсан даруйдаа гайхаж, балмагдаж орхижээ.

Индонезийн Малуку мужид акулын хэвлийд ганц нүдтэй загас бойжиж байсныг загасчид олжээ.

Тус үйл явдлыг нүдээр харсан загасчин Энди хэлэхдээ, “Бид акулын хэвлийгээс 3 загас олсон. Тэдний нэг нь нэг нүдтэй, сүү шиг цагаан өнгөтэй онц сонин амьтан байсан” хэмээжээ.

Өвөрмөц энэхүү загас олны анхаарлыг маш ихээр татжээ

Улмаар загасчид тэнгисийн хамгаалалтын албанд хандаж, уг загасыг шинжлүүлэх хүсэлт гаргажээ.

The Sun сонины мэдээлснээр уг загас нь тун ховор тохиолдох Cyclopia хэмээх эмгэгтэй байсан ажээ. Уг эмгэгтэй амьтны нүдний алим нэг байдаг ажээ. Мөн түүний сүүн цагаан өнгийг альбино хэмээн тайлбарлажээ.

Уг түүх цахим орчинд хүчтэй тарж, хүмүүс түүнийг Monster’s Inc хүүхэлдэйн киноны Майк Уазовскийгийн дүртэй харьцуулан ярих болсон байна.

61

Гайхмаар

17

Ха Ха

5

Тэнэглэл

4

Буруу

3

Хөөрхөн

2

Харамсалтай

1

Бахархмаар

1

Гоё

Баярлалаа!