![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-23.jpg)
“Гэр орон ямар байна бие, сэтгэл санаа тийм байна” гэж үг байдаг шиг санагдана. Үнэхээр ч үнэний ортой зүйр үг юм. Гэхдээ бид гэр орноо тав тухтай болгож байна гээд алдаа гаргадаг нь харамсалтай. Салахыг хүсэхгүй хуучин эд зүйлээ хадгална, харин зарим нэг эд зүйлийн өнгө нь хоорондоо зохицохгүй. Гэхдээ энэ бүгдийг засаж залруулах боломжтой.
Өөрийн үүрээ тав тухтай орчин болгож засах хэрэгтэй. Өнөөдрийн бидний нийтлэлд гэрийн өнгө үзэмжийг алдагдуулах, тав тухгүй болгож буй алдаануудыг танилцуулах гэж байна.
“Долоон заан” баримлын цуглуулга
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-01.jpg)
90-ээд онд энэ баримал ёстой алдаршиж бараг л айл болгонд үзэгддэг байлаа. Сервант, номын тавиур дээр гээд л үүгээр гэрээ чимээгүй айл ховор. Харин өнөөдөр бүдүүлэг, болхи харагдах болжээ. Өнөөдөр энэ баримлын оронд хуванцар мэт материалаар хийсэн минималист баримлууд эгнэх болсон юм.
Неон бөмбөлөгтэй гэрэл
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-02.jpg)
Хурц өнгөтэй гэрэл айл гэрт тохиромжгүй, энэ төрлийн гэрэл бол баар цэнгээний газарт л тохирох зүйл. Хэрвээ та гэрээ хурц гэрлээр чиммээр санагдаад байгаа бол орчин үеийн дизайнтай давсан гэрэл тавьж үзээрэй.
Ханан дээрх чимэглэлийн дэвүүр
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-03.jpg)
Аварга том дэвүүр, тэгээд ханан дээр хадчихсан. Өнгөрсөн үеийн бас нэгэн илэрхийлэл. Иймэрхүү чимэглэл тасалгааны орон зайг багасгадаг, тиймээс татгалзсан нь дээр. Ханаа чимэхийн тулд улирлын шинжтэй триптих зураг сонгоорой.
Дурсгалын туг дарцаг
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-04.jpg)
Одоо ч олон айлд харагдсаар л байгаа зүйл. Гэрт байгаа илүүц зүйл нүдэнд хамгаас түрүүнд тусдаг. Гэрийнхээ ханыг чимэглэхийг хүсэж байгаа бол хананд хаддаг маш бага зураглалтай бас зөөлөн өнгийн модон хавтан тавьж үзээрэй.
“Болор” гэрлийн бүрхүүл
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-05.jpg)
Маш нүсэр, социализмын үед өссөн хүн болгон “дуслан” гэрлийн бүрхүүлийг сайн мэднэ дээ. Орчин үед илүү цомхон, энгийн хэлбэр дүрстэй гэрлийн бүрхүүл зүүх болжээ.
Хиймэл цэцэг
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-07.jpg)
Хиймэл цэцэг ер нь кафе зэрэгт л тохиромжтой харагдана. Хэрвээ та гэртээ мини-цэцэрлэг бий болгох хүсэлтэй бол арчилгаа багатай амьд цэцэг тариарай, жишээ нь флорариум хэв маягт оруулна.
Зурагтай ханын цаас
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-08.jpg)
Ой эсвэл далайн зурагтай ханын цаас нь 30-аад жилийн тэртээ орон сууц, сургууль зэргүүдэд ашиглаж байсан дизайны нэгэн шийдэл юм уу даа. Гэхдээ өнөөдөр ханын чимэглэл тэс өөр чиг хандлагатай болсон. Тасалгааны өнгийг нэмэхийг хүсэж байвал төмөр эсвэл чулууг санагдуулам ханын цаас сонгоорой.
Хуучирсан загварын паар, халаагуур
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-09.jpg)
Минимализмд хүрэх эрмэлзэл сантехникт хүртэл илэрч байна. Үүнд паар, халаагуур ч мөн хамаарна. Дизайны хувьд хэдий хэр энгийн байна төдий чинээ зөв шийдэл болно.
Толин дээрх наалт
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-10.jpg)
2000-аад онд гэрээ чимэглэхийн тулд толиндоо наалт наадаг байлаа. Энэ чиг хандлага одоо нэгэнт үеэ өнгөрөөжээ. Харин этгээд хүрээтэй толь ялангуяа стандарт бус хэлбэртэй толь жинхэнэ алдаршиж байна даа.
Алтадмал шар
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-11.jpg)
Хурц тод өнгийн алтадмал шар өнгө нь ямар ч нөхцөлд гэрийн өнгө үзэмжийг гутаадаг. Хэрвээ та гэр орноо гялалзсан гоё харагдуулахыг хүсээд байгаа бол ягаан туяатай алтлаг өнгөөр чимээрэй. Илүү даруухан, тэгсэн мөртлөө гоёмсог харагдуулна.
Угаалгын өрөөнд хурц өнгийн гар нүүрийн алчуур тавих
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-12.jpg)
Угаалгын жижиг өрөөнд хэтэрхий хурц өнгөтэй зүйл тавьснаар чимэглэлийг нь хэтрүүлж болох талтай. Цагаан, бараан-хөх эсвэл саарал өнгийн алчуур – хэзээ ч өөрчлөгдөхгүй сонгодог хувилбар. Байнга сайхан харагдуулна.
Угаалтуур дээрээ тавьсан хатаагч
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-13.jpg)
Угаалтуур дээрээ тавьсан эсвэл яг дээр нь тогтоосон ил хатаагч их л муухай харагддаг. Тэгээд ч хэрэглэхэд төвөгтэй, эвгүй. Хатаагчийг гал тогооны тавилганы дээд шүүгээнд далд байхаар зохион байгуулаарай.
Доош унжсан гэрлийн бүрхүүл
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-14.jpg)
Гэрийн тав тух, өнгө үзэмжийг эвдэж байгаа дизайны бас нэгэн хуучирсан шийдэл. Орчин үед шууд таазандаа хаддаг гэрэл хэрэглэх болжээ.
Өнгө өнгийн керамик плита
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-15.jpg)
Нэг өнгийн мөртлөө өөр өөр туяатай керамик плита нүд эрээлжлүүлэх талтай. Нэг л дүрмийг санаж явах хэрэгтэй: хэдий хэр энгийн байна төдий чинээ зөв шийдэл. Тиймээс нэг өнгийн хувилбар сонгох нь зөв, эсвэл хар-цагааны хослол ямар ч тохиолдолд гоёмсог харагддаг.
Тороор бүтээсэн хөнжил, дэр
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-16.jpg)
Гоёмсог хээтэй нимгэн тороор бараг л бүх тавилгаа бүтээдэг байлаа. Зурагтнаас эхлээд л дэрээ хүртэл бүтээнэ. Энэ байдал одоо ч зарим айлд үзэгдсээр л. Өнөөдөр нэг өнгийн уут эсвэл даавуугаар бүрсэн хайрцаг мөн цагаан хэрэгслийн сагс ч бий болжээ.
Нэвт гэрэлтдэг хөшиг
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-17.jpg)
Хөшгөө хаасан ч гэсэн гэрэл тусна, тэгээд ч одоо моодноос гарчээ. Орчин цагт илүү зузаан материалтай даавуун хөшиг хийдэг болсон байна.
Тавиур дээрх зурагт
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-18.jpg)
Хуучны оросын хүүхэлдэйн кинон дээр хэлдэг дээ “зурагт бол ширээний гол чимэглэл мөн” гэж. Тэр нь ч үнэн, тухайн үед яг л тийм байсан. Зурагтаа ширээн дээрээ эсвэл модон тавиур дээр тавьчихаад үзнэ. Өнөөдөр зурагтыг хананд суурилуулдаг болсныг та сайн мэднэ. Дэлгэц нь ч нимгэрэхийн хэрээр томроод гэрийн чимэг болж чаджээ.
Том цаг
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-19.jpg)
Овор ихтэй модон цагийг эд хөрөнгө гэж үздэг үе байлаа, гэхдээ гэрт хэтэрхий нүсэр. Өнөөдөр хэд хэдэн үзүүлэлттэй ханын цаг тавьдаг болсон, дэлхийн улс орнуудын цагийг нэг дор харах нь ээ.
Гэрэлтүүлэгтэй толь
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-20.jpg)
Гэрээ оддын нүүр будалтын өрөө болгож хувиргах нь тийм ч зөв санаа биш. Толийг хурц гэрлээр чимэглэх моод үеэ өнгөрөөсөн. Орчин үед үйлдвэрийн хэв маяг гэмээр хадсан толь алдаршиж байна.
Гипсэн баримлууд
![](https://news.xopom.com/content-mn/uploads/2020/07/XopoM.com-Гэрт-тав-тухын-ямар-ч-ул-мөр-үлдээлгэхгүй-засал-чимэглэлийн-20-алдартай-эд-зүйл-21.jpg)
Эртний дүр зургийг санагдуулам гипсэн баримлууд тансаг эд хөрөнгө биш болоод удаж байна. Гэрээ эртний үеийн музей болгохыг хүсээгүй бол ханаа гоёлын чулуугаар чимээрэй.
Энэхүү жагсаалтад та өөр юу нэммээр байна?
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)