1900 оны тэртээгээс жил бүр зохион байгуулагдаж ирсэн Нью Йорк Олон улсын авто шоу энэ жил 4-р сарын 18-наас 27-ны өдрүүдэд болж өнгөрсөн. 2014 онд худалдаанд гарах 3, 2015 онд худалдаанд гарах 30, 2016 оны 1, концепци хэлбэрийн 4, нийт 38 машин тавигдсан энэхүү үзэсгэлэнгийн хамгийн үнэтэй машинуудыг танилцуулъя. Этгээд содон загвартайгаас эхлээд энерги хадгалах технологи бүхий гайхалтай төмөр хөлгүүдээс үнэ ханшаараа тэргүүлж байгаа машинуудын эхний эгнээнд Bugatti Veyron маркын машин 2,5 сая доллараар үнэлэгдэн зогсож байгаа юм байна.
1. Bugatti Veyron: 2.5 сая доллар
0-100 км/цагийн хурдыг 3 хүрэхгүй секундын хугацаанд авах энэ машиныг үйлдвэрлэгч жилдээ 40 хүрэхгүй тооны машин үйлдвэрлэдэг.
2. Koenigsegg Agera R: 1,6 сая доллар
Шведийн өндөр гүйцэтгэл бүхий спорт машин үйлдвэрлэгч ирэх жил Нью Йорк хотноо анхныхаа дэлгүүрийг нээнэ.
3. Porsche 918 Spyder: 845,000 доллар
887 морины хүчтэй энэ машин 0-100 км/цагийн хурдыг 2,8 секундэд авах ба цахилгаан цэнэгээр 30 км газар явах аж.
4. Soleil Anadi: 300,000 доллар
Италид үйлдвэрлэсэн, 651 морины хүчтэй энэ машин 0-100 км/цагийн хурдыг 3,2 секундэд авдаг. Машины улаан зандан модон дотор талыг 100% гараар урлажээ.
5. Aston Martin Vanquish Volante: 297,995 доллар
Машины их биеийг бүтээхэд карбон фибер ашигласан нь жинг хөнгөрүүлсний дээр бат бэх байдал болон загварын уян хатан байдлыг нэмэгдүүлжээ.
6. Land Rover Range Rover LWB: 185,000 доллар
Тансаг тус тусын суудал болон зорчигч тус бүрд зориулсан телевизийн дэлгэцээр тоноглогджээ.
7. Mercedes-Benz S-Class Coupe: 170,000 доллар
Хоёр хаалгатай энэ машин 577 морины хүчтэй, хос турбо V8 хөдөлгүүртэй.
8. Maserati GranTurismo MC Centennial Edition Range: 160,000 доллар
4,7 литрийн V8 хөдөлгүүр бүхий энэ машин хоёр өнгөний сонголттой.
9. Mercedes Benz G Class SUV: 140,000 доллар
5,5 литрийн V8 хөдөлгүүр нь 6 секундэд 0-100 км/цаг хүртэл хурдална.
Дөрвөн өнгөний сонголттой гарах энэ машин 362 морины хүчтэй хөдөлгүүртэй.
11. Saleen 302 Black Label Mustang: 114,000 доллар
625 морины хүчтэй хүчирхэг V8 хөдөлгүүртэй энэ машиныг үйлдвэрлэгч 1983 онд байгуулагджээ.
12. Ухаалаг цахилгаан мотоцикл: 2950 доллар
Замын түгжрээн дунд сууж залхсан хүмүүст таалагдахын хамт хэтэвчин дэх мөнгөнд багагүй хэмнэлт үзүүлэх болно.