Хувь хүний зан чанарыг эрхий хурууных нь хэлбэрээр тодорхойлох боломжтой

Бидний биеийн онцлог, зан аашийн онцлог хоёрт хүчирхэг холбоо сүлбээ байдаг байна.

Хүний биеийн байдал төлөв, онцлог чанар нь тухайн хүний зан аашийг бүрдэн тогтоход нөлөөлдөг бөгөөд тэрхүү онцлогоор хүний тухай олон зүйлийг тодорхойлж болно.

Энэ удаа эрхий хурууны тухай ярилцъя. Чухам энэ хуруу нь тухайн хүний тухай хамгийн үндсэн мэдээлэл болох эрч хүч, амьдралын хүч чадлын тухай өгүүлдэг байна. Түүгээр хүний зан ааш төдийгүй хүн өөрийгөө амьдрал дээр биеэ хэрхэн авч явдгийг нь ч харж болно. Хуруу шинжих явцад зөвхөн хурууны хэлбэр төдийгүй хэмжээ, уян хатан чанарыг ч анхаарах ёстой.

Эрхий хурууны 5 янзын хэлбэр

1-р шинж буюу дээд хэсэг нь доод хэсгээсээ том байх

Хэрвээ таны эрхий хуруу ийм хэлбэртэй бол та перфекционист буюу төгс төгөлдөр зүйлийг эрхэмлэгч нэгэн. Та жижиг зүйлээс сэтгэл ханахгүй, үргэлж илүү том амжилтад хүрч байхыг хүсдэг хүн байна. Аливаа амжилтад хүрэх хүсэл тань таныг бүрэн эзлэх бөгөөд иймэрхүү хүсэл зориг заримдаа хэтэрхий мэт санагдах нь бий. Та хэдийгээр амжилтад хүрэх гэж тэмүүлдэг боловч үүгээрээ гайхуулдаггүй, даруухан хүн. Чухам энэ чанар тань таныг сайн сайхан хүн болгодог билээ.

2-р шинж буюу эрхий хурууны доод хэсэг дээд хэсгээсээ том байх

Та ийм эрхий хуруутай бол их том зүйл рүү зүтгэх хүн биш. Та өөрийн хийх ёстой ажлаа илүү дутуу үггүйгээр, итгэлтэй чадварлаг хийж түүнийхээ төлөө хариуцлага бүрэн хүлээж чаддаг хүн байна. Үүнээс гадна та баяр баяслыг жижиг зүйлээс ч олж авч болно гэж үзнэ.

Та хөл дээрээ бат зогссон, дараагийн зүйлийнхээ тухай бодож байдаг хүн бололтой. Та өөрөөсөө шалтгаалах хүнд амласан зүйлээ заавал биелүүлдэг чанартай. Харин баялаг гэдгийг та өөрийн эдлэж хэрэглэж байгаа зүйлст биш харин уужим сэтгэл гэж ойлгодог байна.

3-р шинж буюу эрхий хурууны дээд доод хэсэг адил байх

Та үргэлж тэнцвэртэй байдлыг хайж явдаг хүний нэг нь. Та харилцан зохицол, хүмүүсийн эв нэгдлийг эрхэмлэнэ. Түүнээс гадна та муу юмнаас ч сайн сайхан юм хайж, муухайгаас сайхныг хайж, түүнийгээ ч олж чаддаг байна.

Та бүтэлгүйтсэн ч гэсэн өөр тойруу зам олж чадна. Таны хичээл зүтгэл нь олон хүний бахархан дуурайх үйлс болдог билээ.

4-р шинж буюу уян хатан эрхий хуруу

Хэрвээ уян хатан эрхий хуруутай бол та орчин нөхцөл өөрчлөгдөхийг сайн ойлгож түүнд зохицож чаддаг хүн. Та өөрчлөгдөж байгаа байдлыг хамгийн түрүүнд мэдрэх ба мөн хамгийн түрүүнд түүнийг даган өөрчлөгдөнө.

Та уян хатан сэтгэлгээ, шинэ баримт дээр түшиглэн бодол санаагаа өөрчлөх зэргээр бусдаас ялгарна. Та задгай сэтгэлгээтэй бөгөөд өөрийн хүсэл зорилгод хүрэхийн тулд, шаардлагатай үед өвөрмөц, өөрөөр сэтгэж чаддаг байна.

Энэ чанарыг тун цөөхөн хүн эзэмших ба хамгийн хүнд хэцүү нөхцөлийг даван гарахад маш чухал давуу тал олгодог чанар билээ.

5-р шинж буюу уян хатан бус эрхий хуруу

Хэрвээ таны эрхий хуруу уян хатан биш бол та зөрүүд, тэргүүлэгч байх сонирхолтой хүн байна. Та хэлсэн үгээ биелүүлж, амласандаа хүрдэг.

Үүнээс гадна та итгэж болох хүн бөгөөд та бусдад туслахад үргэлж бэлэн байдаг, танд амь насаа ч даатгаж болох билээ.

Харин таны зөрүүд зан чанар нь давуу тал бөгөөд зүгээр нэг утгагүй зөрүүдлэх биш харин сайн бодож боловсруулсан, баримт дээр түшиглэсэн өөрийн гэсэн үзэл бодол юм.

38

Гоё

22

Тэнэглэл

21

Бахархмаар

16

Ха Ха

12

Харамсалтай

9

Буруу

9

Гайхмаар

9

Хөөрхөн

Баярлалаа!