Жил бүрийн 11-р сарын сүүлч, 12-р сарын эхээр Америкийн Лос-Анжелес хотын Хурлын төвд Лос-Анжелес авто шоу зохион байгуулагддаг. Энэ жилийн шоу 11-р сарын 22-ноос 12-р сарын 1-нийг хүртэлх хугацаанд болж өнгөрсөн ба шоуны тайзнаа нийт 56 тээврийн хэрэгсэл тавигдсанаас 22 машин нь дэлхийн хэмжээнд анх удаагаа олон нийтэд танилцуулагдсан байна. Лос-Анжелесын авто шоуны тайзыг чимэглэж, автомашин сонирхогчдын нүдийг хужирласан гайхалтай төмөр хөлгүүдийн дунд ирээдүйн автомашины ертөнц рүү хоромхон зуур өнгийсэн мэт сэтгэгдлийг төрүүлсэн этгээд загвартай концепци машинууд ч байсан ба тэдгээрийн арвыг нь танилцуулъя.
1. Toyota Driver Awareness Research Vehicle
Тоёотагийн DAR-V бол ирээдүйн авто технологийн гайхалтай жишээнүүдийн нэг. Жолоочийг жолоо барих үед анхаарлыг нь сарниулах хүчин зүйлсийг хягаарлах зорилгыг агуулсан учир осол аваар гарах магадлалыг бууруулсан энэ машины хажуугийн цонхон дээр дэлгэц байрлуулсан нь замын хөдөлгөөн, цаг агаар, шатахууны түвшин болон бусад хэсгүүдийг харуулдаг бөгөөд жолооч машинаа асаахын өмнө жолоодлогын үеэр дээрх мэдээллүүдийг авах гэж анхаарлаа сарниулахгүй байх боломжийг олгожээ.
2. Ford Edge Concept
Фордын хамгийн сүүлийн үеийн хагас автомат жолоодлогын технологитой энэ машин нь өөрөө өөрийгөө зогсоолд байрлуулдаг ба үүний тулд жолооч заавал машиндаа суухгүйгээр гаднаас нь удирдлагаар удирдахад л хангалттай. Түүнчлэн машин хөдөлж байгаа нөхцөлд зам дээр саад гарч ирвэл машин жолоочид дохио өгч, жолооч хариу арга хэмжээ авахгүй байгаа тохиолдолд машин өөрөө сааднаас зайлсхийдэг.
3. Volkswagen CrossBlue Coupe
Фолксвагены энэхүү хайбрид машин 415 морины хүчтэй хос цахилгаан мотортой. Дүүрэн шатахуун, дүүрэн цэнэгтэй батерейтайгаар 920 км явахаас гадна дан ганц батерейгаар 20 км явна. 0-100 км/цагийн хурдыг 5,8 секундын хугацаанд авах уг машины дээд хурд нь 236 км/цаг юм.
4. Mercedes AMG Vision Gran Turismo
585 морины хүчтэй AMG V8 хөдөлгүүртэй энэ концепци Плейстейшн 4 /Playstation 4/-т зориулагдан гарсан машин юм.
5. VIA Motors XTRUX
402 морины хүчтэй V8 хөдөлгүүртэй хоёр цахилгаан мотортой энэ ачааны тэрэг хэмжээнийхээ хувьд хангалттай хүчтэй машин юм.
6. Subaru Legacy Concept
Тэнгисийн мөнгөлөг металл өнгө нь этгээд харагдуулахын дээр хурц шугамууд, тод томруун хэлбэр нь түрэмгий шазруун дүр төрхтэй харагдуулах аж.
7. 1963 Chevy Corvette “Asteroid”
Энэхүү жагсаалтан дахь цорын ганц тусгай загвар болох энэ машин одоо 1-р сарын 12-нд Скоттсдейлд болох Барретт-Жексон /Barrett-Jackson/-ы дуудлага худалдааны сурталчилгаанд ашиглагдаж байгаа юм.
8. SRT Viper GTS Anodized Carbon Special Edition
Крайслер /Chrysler/-ын металлаг бүүдгэр өнгөөр гаргаж буй анхны машин бол энэ машин юм.
9. Shelby Raptor
Ердийн загвараас илүү хүчирхэг буюу 150 морины хүчтэй энэ машины дотор тал захиалгаар хийгдэх ба замгүй газраар явах тусгай хувилбар юм.
10. Volkswagen Design Vision GTI
Шинэчлэгдэж, өргөссөн их бие нь үнэхээр анхаарал татам. 3.0 литрийн V6 хос турбо хөдөлгүүр нь 503 морины хүч гаргаж, 0-100 км/цагийн хурдыг 3,9 секундын хугацаанд авна. 299 км/цагийн дээд хурдыг авна гэдгээс харахад супер машины гүйцэтгэлийн түвшинтэй маш ойртож очиж байгаа юм.
0
Гоё0
Ха Ха0
Хөөрхөн0
Гайхмаар0
Бахархмаар0
Харамсалтай0
Тэнэглэл0
Буруу
