Хотын чимээ шуугианаас хол цэвэр агаарт гарах хэн бүхэнд таатай байдаг билээ. Гэвч ихэнх хүмүүс хотын тав тухаасаа салахыг хүсээгүйдээ аль эсвэл олон төрлийн зүйлс авч явах шаардлагад түүртэн агаарт гарах бодлоосоо татгалздаг.
Ийм хүмүүст зориулан Нидерланд гаралтай архитектор, дизайнер Eduard Bohtlingk нь “Markies” нэртэй гэр чиргүүлийг санал болгожээ.
“Markies” гэх энэхүү бүтээл нь Нидерланд улсын кемпингд зориулагдсан Urban Campsite фестивалд анх 1995 онд олны хүртээл болж байсан бөгөөд Роттердамд шагнал хүртэж байсан байна.
Хураасан байх үедээ энэхүү байшин нь 2 метрийн өргөнтэй, 4 метрийн урттай байдаг бөгөөд энгийн чиргүүл шиг харагддаг ба харин хоёр талын ханыг буулгах үед энэхүү чиргүүл маань 3 дахин томордог байна.
Дэлгэсэн байдалтай байхдаа нийт 30 мкв. талбайтай болдог.
Нэг талд нь унтлагын хэсэг байдаг бөгөөд түүний дээгүүрх бүтээлэг нь хортон шавьжаас хамгаалах зориулалттай байдаг. Харин нөгөө талд нь зочны өрөө байрладаг байна.
Дээд бүтээлгийг сөхөж орондоо хэвтэнгээ байгалийн сайхныг харах боломжтой юм.
Дунд хэсэгт бие засах өрөө, душ, гал тогоо байрладаг байна. Үнэхээр гайхам шийдэл.
Хоёр талаараа дэлгэгддэг сандал, диван байрласан байна.
Зочны өрөө нь мөн л тав тухтай бөгөөд дотор нь суугаад үзэгслэнт байгалийг ажих боломжтой юм.
Ийм чиргүүлтэй бол дэлхийг тойрон аялахад ч асуудал үүсэхгүй бололтой.
Luke Chef
2016/08/04 at 01:43
Zarj bgnmu
haha
2016/08/04 at 08:46
hahahaha