Бермудын гурвалжингийн нууцыг тайлбарласан хамгийн алдартай 10 онол

Сүүлт од
Энэ газрын талаарх онол таамгуудын нэг хувилбар нь сүүлт одтой холбоотой. 11,000 жилийн өмнө тэнгисийн ёроолд сүүлт од унасан нь өнөөгийн Бермудын гурвалжингийн хэсэгт унасан гэдэг. Энэхүү тэнгэрийн биет ер бусын онцгой цахилгаан соронзон шинж чанартай байсан нь навигацын хөдөлгүүрүүд болон нисэх онгоцнууд сураггүй алга болох шалтгаан болжээ.

Далайн дээрэмчид
Хэдэн зуун жилийн турш далайн дээрэмчид Карибын арлуудын умар хүртэл Атлантын далайгаар хөндлөн гулд аялж яваа аялагчдыг барьдаг байсан нь үнэн зүйл. Энэ хувилбар хамгийн үнэмшилтэй хувилбаруудын нэг мөн боловч нисэх онгоц сураггүй алга болж байсантай холбож үзэх шалтгаан болж чадахгүй юм.

Метан гидрат
Английн Лийдс Их сургуулийн доктор Бен Кленнелл нэгэн таамаглал дэвшүүлсэн нь метан гидрат хэмээх бодис аж. Тэрбээр 1998 онд метан гидратыг дэлхийн эрчим хүчний ирээдүй хэмээн зарлах үедээ өөрийн онолоо танилцуулсан байна. Түүний хэлж буйгаар Бермудын гурвалжингийн далайн ёроолд хуримтлагдсан асар их метан гидрат газрын давхаргын хөдөлгөөнөөс болж дээш гардаг ба метан гидрат далайн ёроолоос гэнэт гарч ирснээр усны нягтыг асар багасгадаг. Өөрөөр хэлбэл, дээр хөвж байсан усан онгоц хэдхэн мөчийн дотор чулуу шиг живнэ гэсэн үг юм. Харин энэхүү шатамхай хий агаарт нисч байсан онгоцны хөдөлгүүрт гал авалзуулж, сүйрэхэд хүргэдэг гэжээ.

Цаг хугацааны нүхнүүд
1970 онд нисгэгч Брюс Жернон Флоридагаас Бермудын гурвалжин орчмоор нисэж явсан юм. Гэнэт түүний өмнө ер бусын хачин үүл бүрэлдэн маш хурдан хэлбэрээ өөрчилж, хонгил хэлбэртэй болсон байна. Жернонд хоолой руу орохоос өөр сонголт байгаагүй ба нисгэгчийн хэлснээр хоолой цагийн зүүний эсрэг эргэлдэж, оч гялалзан хаялж байжээ. Хэдхэн минутын дараагаар онгоц гайхалтай сонин байдлаар Маяамигийн газар нутагт гарч ирсэн байна. 75 минут нисэх байсан нислэг ердөө 47 минутанд болсон юм.

Засгийн газрын нууц тест
Чөтгөрийн нүхний талаар дэвшүүлдэг бас нэгэн алдартай онол бол засгийн газрын үйл ажиллагаатай холбоотой. Атлантын далайн усан доорх шалгалт, шинжилгээ судалгаа хэмээн нэрлэгддэг энэ онолоор шумбагч онгоцны локатор, зэвсэг сэлтийг шалгах шалгалтыг Бермудын гурвалжинтай холбож үздэг байна. Мөн засгийн газар харь гаригийн оршин суугчидтай харийнхны технологийг туршиж үзэх гэрээ хийдэг гэж үздэг.

Үл таних нисдэг биет болон харь гаригийнхан
Гүн тэнгист нуугдан байгаа харийнхны тухай холбоотой энэ онол нь өмнөх хувилбартай адилгүй. Бермудын гурвалжин нь гариг хооронд зорчих үүд хаалга бөгөөд харийнхан энэ хаалгыг нарны эрчим хүч ашиглан нээж, олон сая гэрлийн жилийн тэртээх газарт маш богинохон хугацаанд аялах боломжтой болсноор бидний техник болон биднийг өөрсдийг маань судлахаар авч оддог.

Атлантида
Энэ онолоор бол Бермудын гурвалжингийн ёроолд эртний хотын үлдэгдэл байдаг ба энэ хотын оршин суугчид хүчирхэг талстуудын тусламжтайгаар нарны энергийг хуримтлуулдаг байсан. Атлантис хотын живж үгүй болсон шалтгаан нь галт талстууд удирдлагаас гарч, сүйрсэн явдал гэнэ. Энэ талст асар их хүчтэй бөгөөд одоо хэр далай доор идэвхтэй хэвээр байгаа гэнэ. Ингээд усан болон агаарын хөлгүүд өнгөрөх үед асар их хэмжээний эрчим хүчний долгион илгээснээс сөнөж, алга болоход нөлөөлсөн байна.

Луужин жинхэнэ хойд зүгийг заадаг
Бермудын гурвалжин бол Дэлхий дээр луужин “жинхэнэ” хойд зүгийг заадаг хоёрхон газрын нэг. Энгийн үед луужин соронзон орны хойд туйлыг заадаг. Харин энэ хоёрын ялгаа гэвэл луужингийн гажилт юм. Зарим тохиолдолд луужингийн заалт 20 хэмээр зөрдөг. Хэрэв энэ онол нь үнэн бол хөлөг онгоцыг жолоодож буй хүн буруу чигийг барьж явсаар замаасаа гажиж, хүнд байдалд ордог.

Цаг уурын хүнд нөхцөл
Бермудын гурвалжин орчмын газар бол үнэхээр тайван бус цаг агаартай нутаг. Халуун болон хүйтэн агаар үргэлж шахам мөргөлдөж, далайн шуурга, хар салхийг үүсгэж байдаг. Түүн дээр эргийн урсгал нэмэгдээд энэ орчмын газарт тээврийн хэрэгслүүд сүйрэх шалтгаан болдог.

Хүний хүчин зүйл
Бермудын гурвалжин орчмын газар нь халуун дулаан уур амьсгал, гүн цэнхэр далайн ус сэлтээрээ нисгэгчид, сэлэгчид, сонирхогчдыг маш их татдаг газар. Тогтвортой бус цаг агаар, хурдан урсгал, олон тооны арлууд нь энэ газарт төөрөх, шатахууны дахин цэнэглэх газраас алс хол хайргадах зэрэг шалтгаан болдог.

13

Гайхмаар

2

Тэнэглэл

1

Буруу

1

Бахархмаар

1

Хөөрхөн

0

Гоё

0

Ха Ха

0

Харамсалтай

Баярлалаа!