Майли Сайрус Вашингтоны Хот 99.5 ФМ-ийн шинэ жилийн тоглолтонд оролцжээ

Америкийн Вашингтон хот орчмын газар нутагт хамгийн сайн барьдаг Хот 99.5 /HOT 99.5/ ФМ радио энэ сарын 16-ны Даваа гаригт Вашингтоны Веризон төвд Зул сарын баяр, Шинэ жилийн баярыг угтсан Жингл Болл /Jingle Ball/ нэртэй тоглолт зохион байгуулжээ. Энэхүү тоглолтонд Жейсон Деруло /Jason Derulo/, Питбуль /Pitbull/, Фол Аут Бой /Fall Out Boy/, Энрике Иглесиас /Enrique Iglesias/ нарын уран бүтээлчидтэй хамт энэ оны хамгийн их дуулиан тарьж буй уран бүтээлч болох дуучин Майли Сайрус /Miley Сyrus/ оролцсон байна. Байнгын сонголт болох гэдсээ гаргасан богино цамц, богино өмдөөр гангарсан залуу дуучин бүсгүй бүсэлхийгээрээ Шанелийн цүнх зүүж, үслэг хүрэм өмссөн байжээ.