Тэргэнцэртэй хүмүүст тулгардаг бэрхшээлтэй асуудлууд цөөнгүй. Үүний нэг нь автомашин. Харин удахгүй Нэгдсэн Вант улсад худалдаанд гарах гэж байгаа Kenguru машин энэ асуудлыг шийдвэрлэсэн төгс машин юм. Байгальд ээлтэй, бүрэн НОГООН энэ машин нь тэргэнцэртэй хүмүүс тэргэнцэртэйгээ суугаад машинаа жолоодох боломжтойгоор бүтээгджээ. Хаалганы хувьд машины ар хэсэгт байрласан бөгөөд жолооч тэргэнцэртэйгээ шууд буухад зориулагдсан байна. Мөн жолооны хүрд нь ердийн машиныхтай адилгүй, унадаг дугуйны залуур шиг хийгджээ.
Машин дотор тэргэнцэр харилцан хамааралтай төхөөрөмжөөр аюулгүй байх аж. Kenguru машин нь жингээрээ моторт дугуйн ангилалд багтаж байгаа учир Kenguru-г жолоодогч заавал жолооны үнэмлэх гэлтгүй моторт дугуйн үнэмлэхтэй байхад болох юм байна. Түлхүүр дарагдаж, арын хаалга нээгдэх үед тэргэнцэртэй жолоочийг машинд ороход дэм болох налуу автоматаар бууж ирэх ба түлхүүрийг асаалтын сувагт хийж, хаалга хаагдахтай зэрэгцэн арын налуу өргөгдөн хураагдана. Kenguru нь тэргэнцэр цоожлох байрлалд зөв байрлаж, хаалга гүйцэт хаагдах хүртэл асахгүй байдлаар бүтээгдсэн нь аюулгүй байдлыг хангасан үзүүлэлт болжээ.
Видео