Нарны гэрлээр цэнэглэдэг халаасны батерей цэнэглэгч хийх арга

Нийтлэлийн маань гарчиг таны сонирхлыг татахын зэрэгцээ ингэх боломж бий гэж үү гэсэн бодлыг төрүүлж байгаа байх. Өнөө цагт өргөн хэрэглэгддэг болсон лити-ион батерей нь дахин цэнэглэх боломжтой болсон нь мөнгө хэмнэхийн зэрэгцээ эх дэлхийд хаягдах хортой хог хаягдлын хэмжээг бууруулахад тодорхой хувь нэмрийг үзүүлж байгаа. Гэвч дутагдалтай нэг тал нь байдаг ийм батерейг олон цагаар цэнэглэх шаардлагатай байдаг. Хаа нэг тийшээ яаралтай гарах болсон тохиолдолд батерей чинь бүрэн цэнэг аваагүй бол яах вэ? Ийм үед хөзөр болон зарим нэг бусад зүйлсийг ашиглан халаасандаа хийгээд л аваад явчих хэмжээний нарны эрчим хүч ашигладаг цэнэглэгч хийж болдог ажээ. Shawn Frayne энэхүү батерей цэнэглэгчийг хэрхэн хийхийг доорх бичлэгээр харуулсан байна.

1-р алхам: Наалдамхай ар бүхий зэс тууз, супер цавуу, хөзөр, 0,6-1,2 см диаметр, 0,07-0,3 см зузаантай, N42-N52 хүртэл аль ч төрлийн нео соронз буюу neodymium magnet, 4-8 хэсэг нарны хавтангийн хэсгүүд, цэнэглэдэг АА батерей гэсэн зүйлсийг бэлтгэнэ.

2-р алхам: Хөзрөө батерейны уртаар хоёр талаас нь нугалж, зэс туузаа наана.

3-р алхам: Хөзөрний ар талд 2 соронз наана.

4-р алхам: Нарны хавтангийн хэсгүүдийг байрлуулна.

5-р алхам: Эпоксидын цавуугаар хөзрөө бүрнэ. Ингэхдээ дотор талын батерейнд цавуугаа огт хүргэж болохгүй. Эпоксидын цавуу урсахаас хамгаалахын тулд Frayne зайрмагны мод ашиглан хаалт хийсэн байна.

6-р алхам: Эпоксидын цавуу хатах хүртэл 5 минут хүлээгээд нарны эрчим хүчийг ашигладаг халаасны батерей цэнэглэгч бэлэн болно.

Видео

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!