Бугуйн дрон: Агаар дээрээс таны зургийг авч видео бичлэг хийнэ

Нисдэг хэрэгслийн технологи нь өөрөө маш сонирхолтойгоос гадна дээр нь гэрэл зургийн аппарат, камераа бэхэлчихвэл энэхүү хослол нь үнэхээр гайхалтай үр дүнг авчирч чадна. Энэ жил анх удаагаа зохиогдож байгаа хэдий ч цаашид жил бүр зохиогдохоор болсон Dronestagram Photo Contest тэмцээний үеэр энэхүү хос хэрэгсэл ямар гайхамшигтай зураг авч чадахыг харуулсан байна.

Nixie нэртэй концепцийг бүтээхээр ажилласан инженерүүд эрдэмтдийн багийнхан гарт зүүж болдог нисдэг хэрэгсэл, камерыг бүтээжээ. Nixie нь гарын бугуйнаас салмагц дөрвөн сэнс бүхий нисдэг хэрэгсэл болж, агаарт бичлэг хийж, зураг авах аж. Түүгээр ч барахгүй Nixie-гийн эзэмшигч төхөөрөмжөө boomerang горим дээр тавьсан тохиолдолд төхөөрөмж нь эргэн нисэх ирэх юм байна.

Энэхүү гайхалтай төсөл одоогоор Intel-ийн Make It Wearable тэмцээний сүүлийн шатны оролцогчдын нэг болоод байгаа аж. 2014 оны 11-р сарын 3-нд сүүлийн шатны шалгаруулалт болох юм байна. Олон янзын боломжуудыг агуулан гарч ирэх энэ санаа нь хөөрч нисэн дохио зангааны удирдлагаар эргэн ирэх нисдэг технологийн төсөөлөл болж байгаа юм.

Видео

0

Гоё

0

Ха Ха

0

Хөөрхөн

0

Гайхмаар

0

Бахархмаар

0

Харамсалтай

0

Тэнэглэл

0

Буруу

Баярлалаа!