Гариг эрхэс хүний хувь тавиланд нөлөөлдөг гэдэг онолыг орчин үеийн шинжлэх ухаан аль хэдийн үгүйсгэсэн. Харин сүүлийн үеийн судалгаанаас харахад: таны төрсөн жил эрүүл мэнд, хувь хүний зан чанарт тодорхой ул мөр үлдээдэг болохыг тогтоожээ.

Төрсөн улирал хэрхэн холбогдож байгаа бөгөөд хавар, зун, намар, өвлийн цагаар төрсөн хүмүүсийн хооронд ямар ялгаа байгааг анхаарах хэрэгтэй. Та бүхний тавих асуултанд бид дараах хариултуудыг бэлдлээ. Бонусанд нь төрсөн сараараа өөрт тохирох мэргэжилтэй танилцана уу.

Төрсөн сар яагаад танд нөлөөлдөг вэ?

Жирэмсэн эхчүүд жилийн дөрвөн улиралд авах нарны туяа нь харилцан адилгүй байдаг. Будапешт хотын хэсэг эрдэмтдийн үзэж байгаагаар, энэ нь хэвлий дэх ургийн хөгжилд шууд нөлөөлөх ажээ.

Хүүхдийн төрөх сар нь цусан дахь дофамин болон серотонин гормонд нөлөөлнө – сэтгэлийн таашаал болон өөдрөг сэтгэл санааны гормон.

Үүнийг үндэслэн Испанийн Аликанте их сургуулийн судлаачид төрсөн сар болон тухайн хүний архаг өвчин тусах байдлыг судалсан байна.

1-р сар

Өвлийн сард төрсөн хүүхдүүд бусад улиралд төрсөн хүүхдүүдийг бодвол огцом биш зантай байдаг байна. Өвлийн саруудад нар хамаагүй бага. Тийм учраас сэтгэл санааны хямралд илүү өртдөг ажээ.

1-р сард төрөгсөд гэдэсний өвчлөл, өтгөн хатах, бэлхүүсээр хатгах (эрчүүд), зүрхний өвчлөл, толгойн өвчин болон сарын тэмдгийн үеийн өвчлөлд (эмэгтэйчүүд) өртөмтгий.

1-р сард төрсөн эрчүүд нь 9-р сард төрсөн эрчүүдийг бодвол бамбай булчирхайн өвчлөлөөр 3 дахин бага өвддөг байна.

2-р сар

2-р сард төрөгсөд бамбай булчирхай, остеоартрит (бүх хүйсний), зүрхний өвчлөл (эрчүүд), харин эмэгтэйчүүд нь цус өтгөрөх хандлагатай.

3-р сар

Хаврын улиралд төрсөн бүх хүмүүс сэтгэл санаа нь маш өөдрөг сэтгэл санаатай байдаг. 3, 4 болон 5-р сард төрөгсөд бүгд оптимист болон амьдралд хайртай.

Эрчүүдийн хувьд астма, катаракт, зүрхний өвчлөлөөр илүү шанална.

Эмэгтэйчүүд өтгөн хатах, артритаар өвдөх ажээ.

4-р сар

Энэ сард төрсөн эрэгтэйчүүд бамбай булчирхай, астмаар өвдөх нь элбэг бол эмэгтэйчүүд нь бронхит, хавдар болон остеопорозоор өвдөх магадлал өндөр.

5-р сар

Энэ сард төрсөн эрчүүд нь астма, депресс, чихрийн шижин, харин эмэгтэйчүүд – өтгөн хатах, архаг харшлаар шанална.

Эрчүүдийн хувьд 12-р сарын эрчүүдтэй харьцуулбал илүү их сэтгэл санаагаар унадаг байна.

6-р сар

Зуны сард төрөгсөд дэлхий ертөнцийг өөдрөгөөр харна. Гэхдээ тэд циклотин буюу сэтгэл санааны өөрчлөлтөнд их ордог хүмүүс. Энэхүү өөрчлөлт нь сэтгэцийн өвчлөлд хүргэж мэднэ. Сэтгэл санаа “савлах” шинж нь өвлийн улиралд төрсөн хүмүүстэй харьцуулахад мэдэгдэхүйц ажээ.

6-р сард төрөгсөд бронхит, зүрхний өвчлөл (эрчүүд), үе мөчний өвчлөл, шээс задгайрах, артрит зэрэг өвчнөөр эмэгтэйчүүд илүү шанална.

Зуны эхний сард төрсөн эрчүүдийн хувьд депрессээр 34%-иар, нурууны өвчлөлөөр 22%-иар бага өвддөг. Эмэгтэйчүүд нь сарын тэмдгийн илрэх үеийн өвчлөл 35%-иар, толгойн өвчлөлөөр 33%-иар бага шаналдаг ажээ.

7-р сар

7-р сарынхан астма, артрит, хавдар (эрчүүд), бронхит, хүзүүгээр өвдөх архаг өвчин, хавдраар эмэгтэйчүүд нь өвчлөх магадлалтай.

8-р сар

8-р сард төрөгсөд дараах өвчлөлд өртөмтгий: эрчүүд – остеопороз, астма, бамбай булчирхай, эмэгтэйчүүд – үе мөч, артрит, цус өтгөрөх магадлалтай.

9-р сар

Намар төрөгсөд аливаа нөхцөл байдалд илүү мэдрэмтгий байдаг. Сайхан мэдээ: зуны наранд хангалттай байсан учраас 9, 10 болон 11-р сард төрөгсөд депресст орох нь бага байдаг ажээ.

9-р сарынхан остеопороз, бамбай булчирхайн өвчлөлөөр өвдөх магадлал их (бүх хүйстнүүд), астма (эрчүүд), хавдар (эмэгтэйчүүд)-аар өвдөх нь элбэг.

10-р сар

10-р сард төрсөн эрчүүд бамбай булчирхай болон толгойн өвчнөөр өвдөх магадлалтай, харин эмэгтэйчүүд – цус багадалт, холестерины хэмжээ өндөр байна.

11-р сар

Энэ сард төрсөн эрчүүд нь арьсны өвчин, зүрх болон бамбай булчирхайгаар өвдөх магадлал өндөртэй, эмэгтэйчүүд – зүрхний шигдээс, өтгөн хатах, судас бүдүүрэх өвчнөөр шанална. Таатай шагнал: энэ сарын эмэгтэйчүүд цэвэрших үеийн гаж нөлөө илрэхгүй.

12-р сар

Шинэ жил морилон ирэхээс өмнө төрсөн эрчүүд депресст өртөмтгий, зүрхний шигдээсээр өвчлөх нь элбэг, харин эмэгтэйчүүдийн хувьд бронхит, астма болон цус өтгөрөх магадлалтай.

Бонус

Төрсөн сараар тодорхойлогдох хамгийн түгээмэл мэргэжлүүд:

Та бүхэнд төрсөн сараар өвдөх магадлалтай өвчлөлийг танилцууллаа. Мөн ямар ажил мэргэжлийг сонгосноор амжилт гаргахыг танилцуулъя.

• 1-р сард төрөгсөд цуглуулагч байж болно, мөн өр барагдуулагч, үл хөдлөх хөрөнгийн агент.
• 2-р сар – зураач, жүжигчин
• 3-р сар – нисгэгч, хөгжимчин
• 4-р сар – удирдах албан тушаалтан-дарангуйлагч
• 5-р сар – тамирчин, улс төрч
• 6-р сар – гүйцэтгэх захирал, эрдэмтэн
• 7-р сар – барилгачин, галт тэрэгний машинист, жүжигчин
• 8-р сар – барилгачин, улс төрч
• 9-р сар – сурлагын өндөр үзүүлэлттэй оюутан, тамирчин
• 10-р сар – улс төрч
• 11-р сар – гэм хэргийн “авьяастан”
• 12-р сар – шүдний эмч, лам санваартан

Дээрх мэдээллийг шууд хүлээн авахгүй байхыг зөвлөж байна. Нэгдүгээрт, аливаа улс орны цаг агаарын нөхцөл байдал харилцан адилгүй. Хоёрдугаарт, хүн өөрийгөө хувь хүний хувьд өөрчилж, өсөж дэвжих бүрэн боломжтой. Үүнд, эрүүл мэндээ анхаарах асуудал ч мөн хамаарна. Хүн Шинэ жилээр төрсөн байна уу, 3-р сарын 8-нд төрсөн байна уу хамаагүй, хамгийн гол нь та өөрөө өөртөө анхаарал тавьж чадна.

38

Тэнэглэл

18

Гайхмаар

9

Буруу

7

Гоё

7

Ха Ха

5

Бахархмаар

4

Хөөрхөн

2

Харамсалтай

Баярлалаа!