Италийн тансаг зэрэглэлийн спорт автомашин үйлдвэрлэгч Ламборжини энэ жил 50 жилийнхээ ойг тэмдэглэж байгаа. Италийн умард хэсэгт байрлах Сант’Агата Болоньезе нэртэй жижигхэн сууринд байрладаг тус алдарт авто брэнд 50 жилийнхээ ойн баярынхаа нэг хэсэг болгож Lamborghini Egoista нэртэй спорт машин бүтээж, олон нийтэд танилцуулсан байна. Ламборжини Галлардо машинаас бага зэрэг санаа авсан байдлаар бүтээгдсэн энэхүү машины нэрний тухайд Egoista гэдэг нь Selfish буюу хувиа хичээсэн гэсэн утгатай бөгөөд ганц хүн сууж, машинаа жолоодох боломжтойгоос гадна цорын ганцхан хувь бүтээгдсэн гэдгийнх нь илэрхийлэл аж. 600 морины хүчийг гаргах чадалтай 5,2 литрийн багтаамжтай V10 хөдөлгүүртэй энэ машин онцгой бүхээгэн хаалга, зөвхөн жолоочид зориулсан ганц суудалтай аж. Италийн машины дизайнер Волтер де Сильва /Walter de Silva/-гийн бүтээл энэ машины бүхээгийг карбон фибер болон хөнгөнцагаанаар хийжээ.
Гоё
Ха Ха
Хөөрхөн
Гайхмаар
Бахархмаар
Харамсалтай
Тэнэглэл
Буруу
