Bugatti компани 2016 он хүртэл гаргаж байсан Veyron-ий дараачийн загвар болох Chiron /Широн/ гипер-машиныг албан ёсоор танилцууллаа. Шинэ машин нь W16 хэмээх 1500 морины хүчтэй мотортой. Энэ машины дэд хурд нь цагт 420 км.
Нийтдээ 500 ширхэг “Широн3-ыг үйлдвэрлэх ба татварын өмнөх доод үнэ нь 2,4 сая евро байх аж. Эхний машинуудыг 2016 ны 9-р сард угсарч эхэлнэ.
Компанийн мэдэгдэж байгаагаар моторын хүчин чадлыг 25% нэмэгдүүлэхийн тулд инженерүүд нь моторын бараг бүх эд ангиудыг шинээр хийсэн байна. Жишээ нь, мотор нь цуваа үлээлтийн системтэй болсон бөгөөд бага эргэлт дээр хоёр турбин ажиллаж эхлээд эргэлт нь 3800 болоод ирэхээр дараачийн хоёр үлээгч ажилд ордог. Энэхүү схем нь хүчин чадлыг жигд нэмэгдүүлэх боломжтой болгодог юм байна.
Үүнээс гадна Chiron-ий хөдөлгүүр нь 32 форсунктай шинэ түлш шахах систем, хөргөлтийн боловсронгуй систем, оролтын карбон коллектор болон гаралтын титан системтэй болсон.
Bugatti Chiron хөнгөн тэргэнд тавьдаг хамгийн том автомат 7 араатай юм байна. Супер машин дээр мөн 4 дугуй зэрэг эргэдэг систем болон урд ба хойд дифференциалыг зогсоодог системтэй.
“Широн” нь 2,5 секундэд 100 км хурдаа авдаг. 6,5 секундийн дараа цагт 200 км хурд авдаг бөгөөд 13,6 секундийн дараа хурд цагт 300 км хүрдэг. Стандарт горимд хурд нь цагт 380 км байдаг бөгөөд дээд хурд буюу цагт 420 км хүртэл хурдлахын тулд тусгай түлхүүр хэрэглэдэг.
Veyron-той ижлээр Chiron мөн л карбон нь их биетэй бөгөөд үүнийг Bugatti-гийн инженерүүд шинээр бүтээсэн байна. Үйлдвэрлэгч “Широн”-ыг бат бөх байдлаараа WEC ангиллын LMP1 зэрэглэлийн уралдааны машинтай зүйрлэж болно гэжээ.
Машины кузов нь мөн карбонаар хийгдсэн. Эдгээр нь 1500 морины хүчтэй моторын эд ангиудыг хөргөдөг. Жишээ нь, машины хоёр талд нь байгаа нүхээр агаар орж дугуйны дискээр дамжин тормозны системийг хөргөдөг юм байна.
Үүнээс гадна энэ загварт арын хөдөлгөөнт аэродинамик далавч (антикрыло) суурилуулсан. Үүнийг хурааж болдог, бага зэрэг дээшээ гаргах (хамгийн дээд хурдаар явахад энэ байрлалд байдаг) эсвэл бүрэн гаргаж болох бөгөөд агаарын тормоз хэлбэрээр ашиглаж болно.
Bugatti Chiron-ий хөдлөх эд анги нь ажлын 5 горимтой. Энэ нь өндөрлөх, амортизаторын хатуулгыг өөрчлөх, рулийн ачаалал өөрчлөх, давхар мостонд оруулах, хойд дифференциалыг идэвхжүүлэх, машины тогтвортой байдлын ба тормозын системийг тохируулах горимууд байна.
Lift (өргөх) горимыг хурд сааруулагчийг давах эсвэл машиныг ачихад хэрэглэнэ. Энэ горим нь цагт 50 км хүртэлх хурдтай үед ажилладаг. Дараа нь EB Auto горим автоматаар ажиллаж электроникийн тохиргоог хийдэг. Autobahn горим нь хурд нь цагт 180 км хүрэхэд автоматаар ажилладаг бөгөөд хурдны зам дээр явах бүх тохиргоог хийдэг.
Handling горим нь машины уралдааны зам дээр явах бүх тохиргоог хийдэг. Эдгээр тохиргоог руль дээр байгаа жойстикерээр хийж болно. Тав дахь Top Speed горимыг тусгай түлхүүрээр идэвхжүүлэх бөгөөд энэ горимд машин цагт 420 км хурдлах боломжтой.
Энэ машины тормозын механизм нь карбон-керамик дисктэй бөгөөд энэ диск нь Veyron загварын дисктэй харьцуулахад диаметр нь 20 мм урт боловч зузаан нь 2 мм нимгэн. “Широн” нь урд талдаа 8 болон ард талдаа 6 титан поршентай.
Энэхүү машины дугуйг Bugatti компани Michelin компанитай хамтарч бүтээсэн. Дугуйны туршилт хийхэд сансрын салбарт хэрэглэдэг тоног төхөөрөмж ашигласан байна. Яагаад гэвэл машин үйлдвэрлэгчийн хэлж байгаагаар зам дээр 5000 Hm момент үүсгэх чадвартай дугуй бүтээх зорилго тавьсан байна. Урд дугуйн хэмжээ нь 285/30 R20, хойд дугуй нь – 355/25 R21. Үүний замтай барьцалдах талбай нь Veyron-ий дугуйнаас 14 ба 12 хувиар илүү юм байна.
“Широн”-ы дотор талыг зохион бүтээх ажил дээр Орос дизайнер Александр Селипанов ажилласан байна.
Гэвч энэхүү супер машиныг авах гэж байгаа хүмүүст дизайн нь нэг их сонин биш юм шиг байна. Машиныг хараагүй мөртлөө 150 захиалга аль эрт өгсөн байна. Энэ нь нийт үйлдвэрлэгдэх 500 машины бараг 1/3 нь болж байгаа юм.
Narankhuyag Bilguun
2016/03/05 at 17:30
chiron plz
Narankhuyag Bilguun
2016/03/05 at 17:30
bugatti chiro
Tsolmon Byambaa
2016/03/06 at 05:51
Ulaanbaatar aas Darhan oroh zainii gazart 35 orchim minut yawah yum bhdaa. ???
GT Tsegmid
2016/03/06 at 14:02
Chiron sh de medeelel oruulj bga yum bol sudlahad yadag bnaa
Centenarion
2016/03/06 at 16:45
Ard taliin Design johon tiimerhuu l ym bna busdaa bol yarih ymgui