![](https://news.xopom.com/content-mn/uploads/2016/02/XopoM.com-Давхраат-зуурмагаар-бэлтгэх-9-гайхалтай-амттай-зуушны-жор-15.jpg)
Бэлэн давхраат зуурмагаар хийхэд хялбар, маш сонирхолтой зууш бэлтгэх боломжтой гэдгийг та мэдэх үү? Бид танд зориулж ямар ч ширээн дээр гоё харагдах, богино хугацаанд болдог 9 зуушны жорыг хүргэж байна. Амтлах мэдрэхүйгээ баярлуулаарай!
Утсан мах, бяслагтай
Орц:
- 1 уут давхраат зуурмаг
- 300 гр утсан мах
- 12 зүсэм хатуу бяслаг
- 1/2 аяга хайлуулсан цөцгийн тос
- 1 хоолны халбага намуу
- 1,5 хоолны халбага шар гич
- 1 хоолны халбага жижиглэсэн сонгино
- 1/2 цайны халбага исгэлэн, чихэрлэг сүмс
Бэлтгэх арга:
- Шарах шүүгээгээ 190 °C хүртэл халаана.
- Зуурмагаа илдээд 12 тэнцүү тэгш өнцөгт болгон хуваана. Тэгш өнцөгт бүр дээр зүсэм мах, бяслаг тавина.
- Зуурмагийн хэрчим бүрийг орооно.
- Жижиг саванд тос, намуу, гич, сүмс, сонгино хийж холино.
- Листээ тосоор тослоод ороомгон зуурмагаа тавина. Дээр нь бэлтгэсэн сүмсээ асгана.
- Ойролцоогоор 25 минут шаргал өнгөтэй болтол жигнэнэ.
Брокколи, бяслаг, утсан махтай
Орц:
- 2 аяга хэрчсэн брокколи
- 2 аяга хэрчсэн утсан мах
- 1 аяга үрсэн хатуу бяслаг
- 1/2 аяга майонез
- 2 багц ногоон сонгино
- 800 гр давхраат зуурмаг
Бэлтгэх арга:
- Шарах шүүгээгээ 190 °C хүртэл халаана.
- Брокколиг машиндаад саванд хийнэ. Ногоон сонгиноо хэрчээд дээр нь жижиглэсэн брокколигоо нэмнэ. Дээр нь бяслаг, майонез нэмээд хутгана.
- Зуурмаган дээрээ шанзаа тавиад зуурмагаа хэлбэржүүлнэ.
- 20 минут буюу шаргал бор өнгөтэй болтол нь жигнээрэй.
Мах, амтат чинжүүтэй
Орц:
- 2 хоолны халбага цөцгийн тос
- 1 сонгино
- 1 амтат чинжүү
- 500 гр чанасан үхрийн эсвэл тахианы мах (хэрчсэн)
- 1 уус давхраат зуурмаг
- 12 зүсэм дурын ямар ч хамаагүй хатуу бяслаг
Сүмсэнд:
- 2 хоолны халбага зөөхий
- 2 хоолны халбага майонез
- 1 цайны халбага гич
- 1/4 цайны халбага хатаасан сармис
- 1/8 цайны халбага хар перец
Бэлтгэх арга:
- Шарах шүүгээгээ 190 °C хүртэл халаана.
- Хайруулын тавган дээр тосоо халаагаад сонгино, чинжүүгээ зөөлөн болтол 5-7 минут шарна. Гал дээрээс авна. Илүүдэл тос, шингэнийг асгана.
- Зуурмагаа 8 тэнцүү хэсэгт хувааж тугалган цаас дэвссэн листэн дээр эсвэл зурган дээрх шиг 30 см-ийн диаметртэй хэвэн дээр тавина.
- Зуурмаган дээрээ бяслаг, мах, сонгино, чинжүүг ээлжлэн тавиад сүүлд нь дахин бяслагаа тавина.
- Зуурмагийн ирмэгийг төвд нь болгоомжтой нааж өгнө. Зургийн дагуу.
- Шаргал бор өнгөтэй болтол 20-30 минут жигнэнэ. Үүний дараа хөргөнө.
- Нарийн боов бэлэн болох зуур сүмсэнд орох бүх орцоо хооронд нь хольж сүмсээ бэлтгээд нарийн боовтойгоо идээрэй.
Цөцгийтэй бяслаг, бууцайтай
Орц:
- 1 уут давхраат зуурмаг
- 1 уут цөцгийтэй бяслаг
- 1/4 аяга үрсэн хатуу бяслаг
- 2 хоолны халбага хэрчсэн шинэхэн бууцай
- Яншуй (чимэглэхэд хэрэглэх)
Бэлтгэх арга:
- Шарах шүүгээгээ 190 °C хүртэл халаана.
- Жижиг саванд цөцгийтэй бяслаг, хатуу бяслаг, бууцайгаа хийж холино.
- Зуурмагаа 8 гурвалжин болгон хуваана. Гурвалжин бүр дээр шанзаа түрхээд өргөн талаас нь эхлэн орооно.
- Ороомгоо листэн дээрээ тавина. Шаргал бор өнгөтэй болтол 12 минутын турш жигнээрэй.
Тахиа, лууван, ногоон сонгинотой
Орц:
- 500 гр жижиглэсэн тахианы цээж мах (чанасан)
- 1/2 аяга халуун ногоотой кетчуп
- 1/2 аяга үрсэн лууван
- 1/4 аяга ногоон сонгино
- 150 гр үрсэн хатуу бяслаг
- 1 уут давхраат зуурмаг
Бэлтгэх арга:
- Шарах шүүгээгээ 190 °C хүртэл халаана.
- Тахиа, кетчупээ том саванд хийгээд дээр нь лууван болон жижиглэсэн сонгиноо нэмнэ. Бяслаг нэмээрэй.
- Зуурмагаа 5 тэнцүү хэсэгт хуваагаад тугалган цаас дэвссэн листэн дээр эсвэл зурган дээрх шиг 30 см-ийн диаметртэй хэвэн дээр тавина.
- Шанзаа зуурмаган дээрээ тавина.
- Голд нь тавьсан стаканаа аваад зуурмагийн ирмэгийг дотогш нь нааж өгнө. Зургийн дагуу.
- Шаргал бор өнгөтэй болтол 20-30 минут жигнэнэ. Үүний дараа хөргөнө.
Давсалсан байцаа болон амталсан үхрийн махтай
Орц:
- 1 уут давхраат зуурмаг
- 8 нимгэн зүссэн амталсан үхрийн мах
- 8 нимгэн зүссэн хатуу бяслаг
- 2/3 аяга давсалсан байцаа (цаасан салфеткаар хуурай болгосон байх)
- “Thousand Islands” сүмс
- 1 хоолны халбага хайлуулсан цөцгийн тос
- 1 цайны халбага намуу цэцгийн үр
Бэлтгэх арга:
- Шарах шүүгээгээ 190 °C хүртэл халаана.
- Зуурмагаа 8 тэнцүү гурвалжин болгон хуваана.
- Гурвалжин бүр дээр зүсэм мах, бяслаг, бага зэргийн давсалсан байцаанаас тавина. Дээр нь сүмснээс асгана.
- Гурвалжин бүрийг өргөн талаас нь эхлэн орооно. Ороомог бүрээ тосолсон листэн дээр тавина. Шарах шүүгээнд ойролцоогоор 12 минут жигнэнэ.
Савхтай хот-дог
Орц:
- 1 уут давхраат зуурмаг
- 4 зайдас
- 100 гр хатуу бяслаг
- 1 өндөгний цагаан
- Урт модон савх
Бэлтгэх арга:
- Шарах шүүгээгээ 190 °C хүртэл халаана.
- Зуурмагаа 8 тэнцүү гурвалжинд хуваана. Зайдсаа дундуур нь зүсээд савхандаа шордоно. Бяслагаа 8 тэнцүү хэсэг болгон хэрчинэ.
- Гурвалжин бүрийг өргөн тал дээр нь зайдас болон бяслагаас тавина. Гурвалжин зуурмагаа орооно.
- Ороомгоо листэн дээр тавина. Ороомогны дээд гадаргууг өндөгний шараар арчаад ойролцоогоор 15 минут жигнэнэ.
Нухсан төмстэй давхраат аяга
Орц:
- 1 уут давхраат зуурмаг
- 2 аяга төмсний нухаш
- 1,5 аяга үрсэн хатуу бяслаг
- 4 зүсэм гахайн мах
- 3 хоолны халбага жижиглэсэн ногоон сонгино
- 1/4 аяга зөөхий
Сүмсэнд:
- 1 хоолны халбага зөөхий
- 1 хоолны халбага майонез
- 1/8 цайны халбага хатаасан сармис
- 1/8 цайны халбага нухсан перец
- Чимх давс
Бэлтгэх арга:
- Шарах шүүгээгээ 190 °C хүртэл халаана.
- Сүмсэнд орох бүх орцоо нийлүүлж хутгана.
- Жижиг саванд нухаш, бяслаг, сүмс, мах (жижиглэсэн), ногоон сонгино хийгээд сайтар хольж хутгана.
- Зуурмагаа 8 тэнцүү дөрвөлжинд хуваана.
- Дөрвөлжин бүрийг кексний хэвэнд хийнэ. Тус бүрт нь дээр нь 1 халбага шанз тавиарай.
- 15-17 минут жигнээрэй. Ногоон сонгино, зөөхийгөөр чимэглэж болно.
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)