Таныг 100 наслахад туслах 15 арга

Саяхны нэгэн судалгаа хүн төрөлхтний нас уртсаж байгааг харуулжээ. Гэхдээ хүссэн хүн болгон урт наслаад байж чаддаггүй. Эрүүл саруул урт наслахад ажил амьдралын орчин нөхцөл, амьдрал болон хооллолтын хэв маяг, тухайн хүний сэтгэл санааны онцлог гээд олон хүчин зүйл нөлөөлдөг. Гэхдээ хэрвээ та хүсэх юм бол 100 насныхаа ойг үр хүүхэд, ач гуч, зээ зээнцрүүдийнхээ хамт өнөр өтгөн тэмдэглэх боломж бий ажээ. Үүний тулд дараах 15 зүйлийг бүхий л амьдралынхаа туршид баримтлах ёстой юм байна.

1. Сонинг тонгоруулж унш

Хошигнол шиг сонсогдож байгаа ч энэ нь бидний тархины гэмтсэн эд эсийг нөхөн сэргээдэг хэмээн Америкийн наслалтын талбарын мэргэжилтэн Marios Kyriazis өгүүлжээ. Тэрээр мөн нөгөө гараараа /хэрвээ та баруун гараараа бичдэг бол солгой гараар, солгой бол баруун гараар/ бичихийг, дургүй хөгжмөө сонсохыг, өөрийн хэзээ ч итгэдэггүй зүйлд дүгнэлт гаргахыг зөвлөсөн байна. 116 насандаа нас барсан буюу дэлхийн хамгийн өндөр насалсан эмэгтэй болох Бесси Куперээс урт наслалтынх нь нууц юу вэ хэмээн асуухад “Би түргэн хоол огт иддэггүй, хүсэл зоригийнхоо эсрэг зүйл огт хийдэггүй.” гэжээ.

2. Улаан өнгийн жимс, ногоо ид

Амтат чинжүү нь жүржээс илүү их витамин С агуулдаг, хүрэн манжинд ихээр агуулагддаг нитрат нь цусны судаснуудыг тэлдэг, хүчирхэг антиоксидант болох ликопины баялаг эх үүсвэр болсон улаан лооль нь хавдар болон зүрх судасны эсрэг үйлдэлтэй хэмээн Кембрижийн Medical Research Council’s Human Nutrition Research төвийн эмч Сьюзен Жебб өгүүлжээ.

3. Хурдан гүй

Даллас дахь Купер Институтын судлаачдын явуулсан судалгаагаар зүрхний өвчнөөс сэргийлэхийн тулд хурдан гүйх хэрэгтэй гэсэн үр дүн гарчээ. Эрчүүдийн хувьд ердөө 8 минут, эмэгтэйчүүдийн хувьд 9 минут хурдан гүйх нь зүрх судасны эмгэгийн эрсдлийг 30 хувиар бууруулдаг.

4. Нийтийн ариун цэврийн газрыг ашиглахдаа болгоомжтой ханд

Нийтийн ариун цэврийн газарт орох бүртээ гараа угааж, бактериа арилгаж занш. Хаалга, хаалганы бариулд маш их нян бактер бөөгнөрсөн байдаг нь ноцтой өвчин тусахад хүргээд зогсохгүй таны дархлалын системийг сулруулна хэмээн Абердин их сургуулийн бактериологийн профессор Хью Пеннингтон зөвлөжээ.

5. Гадил ид

Цусны даралтыг багасгах /цус харвалт болон зүрх судасны өвчлөлийн эрсдлийг бууруулах/-ад гадил жимсэнд агуулагдах кали онцгой нөлөөтэй. Цаашлаад кали нь хоол хүнсэн дэх илүүдэл давсны хортой нөлөөг саармагжуулахад тусалдаг хэмээн хоол судлалын мэргэжилтэн, эмч Сара Шенкер зөвлөж байна.

6. Суулт хий

Энэ энгийн дасгал бидний биеийн гол булчин шөрмөсүүдийг чангалж, нас ахих үед биднийг хөл муудаж, унаж ойчихоос сэргийлэхэд тусалдаг.

7. Өдөр бүр дор хаяж 1 аяга цай уу

Харвардын анагаахын сургуулийн явуулсан судалгаагаар өдөрт дор хаяж 1 аяга цай уух нь стрессийн гормоны түвшинг бууруулж, зүрхний шигдээс болох үед амьд үлдэх магадлалыг 28 хувиар өсгөдөг гэдгийг баталжээ. Цайнд агуулагдах антиоксидантууд нь цусны судсыг бэхжүүлдэг.

8. Ердийнхөөсөө 1 цагийн өмнө орондоо ор

Ердийнхөөс 1 цагаар илүү унтах нь цусны даралт бууруулах нөлөөг дэмждэг гэдэг нь Харвардын бизнесийн сургуулийн эрдэмтдийн явуулсан 6 долоо хоногийн туршилтаар батлагдсан. Эрт унтдаг хүмүүсийн цусны даралт хэвийн байдаг нь зүрх зогсох, цус харвах эрсдэл багатай байх үндэс аж. Түүнчлэн урт хугацаагаар унтаж амрах нь стресстэй тэмцэхэд тустай.

9. Тараг ид

Эмчилгээний үеэр пробиотик агуулсан тараг идэж байсан хүмүүс ходоод гэдэсний үрэвслийг үүсгэдэг Clostridium difficile бактериар халдварлах нь бага байсан хэмээн хоол судлаач эмч Сара Шенкер өгүүлжээ. Түүнчлэн хагалгааны өмнө хэд хоногийн турш хоол хүнсээр дамжуулан пробиотик авч байсан нь эмчлүүлэгчдэд хагалгааны дараах хүндрэл үүсэх явдлаас сэргийлж байжээ.

10. Шүдний утас хэрэглэ

Судалгаагаар шүдний утас нь чулуужилт үүсгэдэг бактерийг арилгахад тусалдаг нь батлагдсан. Үр дүнд нь бид зүрх судасны өвчин, чихрийн шижин, сэтгэцийн олдмол өвчнөөс хамгаалагддаг байна.

11. Соруулаар амьсгал

Өдөрт хэдхэн минутыг соруул ашиглан гүн амьсгалахад зарцуул. Хамраараа амьсгал аваад соруулаар аажимхан амьсгалаа гарга. Энэ нь уушигны үйл ажиллагааг сайжруулж, зүрхний хэмнэл болон цусны даралтыг бууруулдаг.

12. Гэрээ цэвэрлэ

Гэрээ нягт нямбай цэвэрлэх нь таныг ажилсаг нэгэн болгоод зогсохгүй аз жаргалын гормон гэгдэх серотонины ялгарлыг нэмэгдүүлснээр энэ нь таны нойрсолт болон хоол тэжээлийн шингэцэд сайнаар нөлөөлж, үр дүнд нь урт насалдаг хэмээн сэтгэлзүйч эрдэмтэд Ховард Фридман, Лесли Мартин нар хэлж байна.

13. Зайдасны оронд гахайн мах ид

Гахайн мах нь зайдаснаас илүүтэй өндөгтэй зохицдог бүтээгдэхүүн. Гэхдээ энэ бүтээгдэхүүн нь илчлэг ихтэй, зайдастай адил өөх тос агуулдаг учир бага хэмжээгээр хэрэглэхгүй бол зүрх судасны өвчин, таргалалт, сэтгэцийн олдмол өвчнөөр өвдөхөд хүргэнэ.

14. Өдөр бүр алх

Өдөр бүр тодорхой хугацаагаар алхах нь бидний тархины үйл ажиллагааг сайжруулж, сэтгэцийн өвчнөөс хамгаалдаг болох нь судалгаагаар батлагдсан.

15. Бага хэмжээгээр хоолло

Хархан дээр хийсэн туршилтаар 30 хувиар бага хэмжээтэй хооллодог мэрэгчид хоёр дахин урт насалдаг нь батлагдсан. Энэхүү туршилтыг явуулсан эрдэмтэд энэ баталгаа хүмүүст ч хамаатай гэж үзэж байна.

41

Гайхмаар

10

Бахархмаар

4

Буруу

4

Ха Ха

2

Тэнэглэл

2

Хөөрхөн

1

Харамсалтай

0

Гоё

Баярлалаа!