![](https://news.xopom.com/content-mn/uploads/2016/01/XopoM.com-Үнэтэй-машинд-зориулсан-үнэтэй-тоноглолууд-11.jpg)
Машинд тохь тух нэмэх, үнэтэй автомашинд зориулсан 10 тоноглолыг сонирхуулж байна. Нэмж хэлэхэд эдгээр тоноглолууд нь тухайн загвар бүхий машины салшгүй нэгэн хэсэг болжээ.
Ferrari – нүүрстөрөгчийн утсаар хийсэн аяганы суурь – $ 3533
Ferrari F12 загварт олон янзын нэмэлт тоноглол суурилуулж болох ба тэдний нэг нь нүүрстөрөгчийн утсаар хийсэн аяганы суурь бөгөөд өндөр хурдтай үед ч энэ сууринд байгаа аяганаас шингэн асгарахгүй гэнэ. Аяганы суурь мэдээж хэрэгтэй байлгүй яахав, гэхдээ үнэтэй машины аяганы суурь үнэтэй л байж таарах ба 3533 ам доллар.
Rolls-Royce Phantom – үзэгний тусгай хайрцаг – $ 4800
Үүнийг нэмэлт тоноглол гэхээсээ илүү гоёл чимэглэл гэмээр бөгөөд зохих хэмжээний мөнгө төлөөд машиндаа суурилуулж болох нь. Энэхүү сайхан сав нь ганган автомашины эзэн үзгээ хаашаа хийлээ гэж хайх шаардлагагүй сайн талтай л байж таараа.
Lamborghini Aventador – ухрахын камер – $ 4900
Өндөр нарийвчлал бүхий энэ камер Lamborghini Aventador-оо зогсоолд тавихад хэрэг бололгүй яахав. Камерын үнэ нь 4900 ам доллар.
Maybach 57 – эвхэгддэг ширээ – $ 5000
5000 ам доллар төлөөд Maybach 57 машины урд суудлын ард эвхэгддэг ширээ хийлгэж болох юм байна. Мэдээж онгоцны ширээтэй адил зарчимтай боловч гоё ганганы талаар бол харьцуулалтгүй.
Audi A8/Q7 – Bang & Olufsen өсгөгч – $ 6300
Та 6300 доллар төлөөд Ауди машиндаа самбараас дээш өргөгдөн гарч ирдэг өсгөгч нэмэлтээр хийлгэж болох нь. Энэ фирмийн өсгөгч нь амьд мэт дуугаралтаараа алдартай билээ.
Lexus LFA – нүүрстөрөгч-керамик тоормос – $ 10,000
Тоормос гэдэг бол аль ч автомашинд аюулгүй байдал хангагч төдийгүй тохь тух юм. Уг машины нүүрстөрөгч-керамик тоормос нь тоормосны замыг эрс багасгах ба ийм аюулгүй байдлын төлөө 10 000 ам доллар төлөхөд буруу юм юу байхав.
Rolls-Royce Phantom – тэнгэр бүхий тааз – $ 12,000
Энэхүү машин 300 000 ам долларын үнэтэй гэдгийг бодох юм бол нэмэлт 12 000 ам доллараар тэнгэр харагдах мэт тааз хийлгэхэд сүйд болох юм ер алга. 12 000 ам доллараар машины таазанд 1600 гэрлийн диод суулгах ба асах үед одот тэнгэр харагдах мэт л болно.
Infiniti QX56 – харагдах орчин хязгаарлагдмал хэсгийг хянах систем – $ 12,750
Хэрвээ та ийм машинтай бол 12,750 доллар төлөөд зам дээрх аюулгүй байдлаа эрс сайжруулж болох нь. Хажуугийн толинд үл харагдах “үхлийн зон” хэмээх хэсгийг олон жолооч үл тоодог. Харин энэ машины тэрхүү ухаалаг систем нь үл харагдах хэсэгт машин байгааг танд тэр дор нь мэдэгдэх болно.
Maybach 62 – урд хойд сандлыг тусгаарласан хана – $ 38,700
Ийм хана шинэ зүйл биш боловч Maybach энэ ханыг модон суурьтай, сум үл нэвтрэх, хэд хэдэн дэлгэцтэй байхаар хийжээ.
Nissan GT-R – тусгай тоормос – $ 50,000
Nissan GT-R хэмээх энэхүү хүчирхэг машиныг 50 000 ам долларын үнэтэй Spec V тоормос тавьж тоноглож болох бөгөөд энэхүү үнэтэй тоормосны систем нь өөрийн гэсэн амортизатортой учир тоормослох үед бусад машинтай адил урагшаа тонгос хийхгүй гэнэ.
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)