![](https://news.xopom.com/content-mn/uploads/2014/08/XopoM.com-Өндгөөр-хийх-хялбар-хоолнууд-01.png)
Бид бүхний хамгийн түгээмэл хэрэглэдэг хүнсний нэг бол өндөг билээ. Хүмүүс өндгийг ихэвчлэн шарж, чанаж, хуурж иддэг, гэвч өндгийг маш олон төрлийн хоол хийхэд оролцуулж болдог байна. Магадгүй гэрийн эзэгтэй нар маань сураад авахад илүүдэхгүй бизээ.
1. Гэртээ пицца хийх гэж байгаа бол бэлдсэн пиццаныхаа дээр өндөг асгаад үзээрэй. Шарах шүүгээнд хийгээд өндөгний цагааныг нь болтол шарна. Харин голын шар хэсэг нь үл ялиг түүхий байвал пиццаг илүү сайхан амттай болгодог.
2. Бургерийнхээ махны дээр үргэлж майонез тавьдаг бол энэ удаад өндгөөр солиод үз. Өндөгний шар хэсэг нь зөөлөн бол бургер, сэндвичийг улам ч амттай болгодог.
3. Хоёр ширхэг өндгийг жижиг саванд хийнэ. Давсаар амтлаад дээр нь хэрчсэн ногоо, өргөст хэмх, улаан лооль зэргийг тавиарай. Зориулалтын саванд хийсэн бол шарах шүүгээнд болтол нь шарна. Үгүй бол плиткан дээр савтай нь тавиад шарна. Ингээд өглөөний цайнд идэхэд тохиромжтой тэжээллэг өндгөн бялуу бэлэн болно.
4. Өндгөө сайтар хольж хутгана. Дотор нь ногоон сонгино хийгээд хайруулын тавган дээр шар. Агшаасан будаатай холиод хялбар өглөөний цай бэлэн боллоо. Өргөст хэмх, броколли,улаан лооль зэргийг хийсэн ч болно.
5. Талх шарахдаа ч өвөрмөц хэлбэрийг сонгоорой. Хайруулын тавгаа сайтар халаагаад тосол. Талхныхаа гол хэсгийг аваад, голд нь өндгөө асгаад шарна. Нүдэлж шарсан өндөгтэй талх бэлэн боллоо.
6. Цезарь салатыг хагас болсон өндгөөр хачирлахаар их сайхан болдог. Үүнтэй төстэй бүх төрлийн салатан дээр шарсан өндөг тавьбал өег байдаг юм шүү.
7. Өндгөө сайтар болгоод тэг дундуур нь 2 хуваана. Өндөгний шарыг салгаж аваад загас, перц, тараг зэрэг хүссэн зүйлээрээ амталж болно. Өндөгний цагаанд үлдсэн хонхор хэсэгт буцааж хийхдээ бялуу чимэглэгч ашиглаарай. Хялбар мөртлөө амархан зууш бэлэн болно.
8. Талхаа гурвалжин болгож хуваана. Өндгөө шартай нь хольж хөөсөртөл хутгаад амтална. Амтлахдаа давс, перец, оливийн тос, сүү зэргийг ашиглаарай. Бэлдсэн өндгөндөө талхаа дүрээд гарна. Франц маягийн шарсан талх гэж энэ дээ.
![Гоё](https://news.xopom.com/content-mn/plugins/tw-reactions/assets/img/style_1/heart.png)
![Тэнэглэл](https://news.xopom.com/content-mn/plugins/tw-reactions/assets/img/style_1/poop.png)
![Харамсалтай](https://news.xopom.com/content-mn/plugins/tw-reactions/assets/img/style_1/sad.png)
![Хөөрхөн](https://news.xopom.com/content-mn/plugins/tw-reactions/assets/img/style_1/love.png)
![Гайхмаар](https://news.xopom.com/content-mn/plugins/tw-reactions/assets/img/style_1/wow.png)
![Ха Ха](https://news.xopom.com/content-mn/plugins/tw-reactions/assets/img/style_1/haha.png)
![Бахархмаар](https://news.xopom.com/content-mn/plugins/tw-reactions/assets/img/style_1/yay.png)
![Буруу](https://news.xopom.com/content-mn/plugins/tw-reactions/assets/img/style_1/angry.png)
Зочин
2014/08/13 at 02:18
hooson undug sharj idseer btal zalhaj bsan yum ashgui
ando
2014/08/13 at 10:12
Bugdiig n hiij medne shdee boli boli
Зочин
2014/08/19 at 17:23
Xoorxon yum